16കാരിയെ അമ്മയുടെ കാമുകന്‍ വീടിന്റെ ടെറസില്‍ നിന്ന് തള്ളിയിട്ട് കൊന്നു; അമ്മയും കാമുകനും അറസ്റ്റില്‍

  • 03/03/2022


ആഗ്ര: പെണ്‍കുട്ടിയെ വീടിന്റെ ടെറസില്‍നിന്ന് തള്ളിയിട്ട് കൊലപ്പെടുത്തിയ കേസില്‍ മാതാവും കാമുകനും അറസ്റ്റില്‍. അലിഗഢിലെ പരേതനായ മുഹമ്മദ് ബാബു-ഷാസിയ ദമ്പതിമാരുടെ മകള്‍ യാസ്മീന്‍(16) കൊല്ലപ്പെട്ട കേസിലാണ് മാതാവ് ഷാസിയ, കാമുകനായ മുഹമ്മദ് ആരിഫ് എന്നിവരെ പോലീസ് അറസ്റ്റ് ചെയ്തത്. 

ചൊവ്വാഴ്ച രാത്രിയായിരുന്നു സംഭവം ഉണ്ടായത്. മുഹമ്മദ് ആരിഫാണ് കേസിലെ മുഖ്യപ്രതിയെന്നും പെണ്‍കുട്ടിയെ മൂന്നാം നിലയിലെ ടെറസില്‍നിന്ന് തള്ളിയിട്ടത് ഇയാളാണെന്നും പോലീസ് പറഞ്ഞു. ഷാസിയയുടെ ഭര്‍ത്താവ് മുഹമ്മദ് ബാബു വര്‍ഷങ്ങള്‍ക്ക് മുമ്പ് മരിച്ചിരുന്നു. ഇതിനുശേഷം ഷാസിയ മുഹമ്മദ് ആരിഫുമായി അടുപ്പത്തിലായി. ഷാസിയയെ കാണാനായി ഇയാള്‍ ഇടയ്ക്കിടെ വീട്ടിലെത്തുമായിരുന്നു.  മാതാവിന്റെ കാമുകന്‍ വീട്ടില്‍ വരുന്നത് യാസ്മീന്‍ എതിര്‍ത്തു. ഇതേ ചൊല്ലിയുണ്ടായ തര്‍ക്കത്തില്‍ പലതവണ യാസ്മീന് മര്‍ദനമേല്‍ക്കുകയും ചെയ്തു. 

 സംഭവ ദിവസം രാത്രിയും ഷാസിയയെ കാണാനായാണ് ആരിഫ് ഇവരുടെ വീട്ടിലെത്തിയത്. വാതില്‍തുറന്ന യാസ്മീന്‍, മാതാവ് വീട്ടില്‍ ഇല്ലെന്നായിരുന്നു ആരിഫിനോട് പറഞ്ഞത്. ഷാസിയ വീട്ടിലുണ്ടായിട്ടും മകള്‍ ഇല്ലെന്ന് പറഞ്ഞതോടെ യുവാവിന് ദേഷ്യം വന്നു. തുടര്‍ന്ന് ആരിഫ് ഷാസിയയുടെ കണ്‍മുന്നില്‍വെച്ച് യാസ്മീനെ പൊതിരെ തല്ലുകയായിരുന്നു. രക്ഷപ്പെടാനായി യാസ്മീന്‍ മൂന്നാംനിലയിലേക്ക് ഓടി. പിന്തുടര്‍ന്നെത്തിയ ആരിഫ്, പെണ്‍കുട്ടിയെ കണ്ടെത്തുകയും പിന്നാലെ മൂന്നാംനിലയിലെ ടെറസില്‍നിന്ന് തള്ളിയിടുകയുമായിരുന്നു. 

 കൊലക്കുറ്റം ചുമത്തിയാണ് ആരിഫിനെയും ഷാസിയെയും അറസ്റ്റ് ചെയ്തതെന്ന് സിവില്‍ ലൈന്‍സ് സര്‍ക്കിള്‍ ഓഫീസര്‍ ശ്വേതാഭ് പാണ്ഡെ മാധ്യമങ്ങളോട് പറഞ്ഞു. പ്രതികളെ കോടതിയില്‍ ഹാജരാക്കിയ ശേഷം ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു. യാസ്മീന്റെ മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കി. 

Related News

വീണ്ടും ട്രംപ്; വ്യാപാര, നയതന്ത്ര മേഖലകളില്‍ കൂടുതല്‍ സഹകരണം ...
  • 06/11/2024
അമ്മ ബാത്ത്റൂമില്‍ പോയി വന്നപ്പോള്‍ തൊട്ടിലില്‍ കിടന്ന കുഞ്ഞ ...
  • 06/11/2024
കുടുംബാംഗങ്ങള്‍ നേര്‍ക്കുനേര്‍, ഇനിയൊരു മത്സരത്തിനില്ല; രാഷ് ...
  • 05/11/2024
പാര്‍ലമെന്റിന്റെ ശൈത്യകാല സമ്മേളനം നവംബര്‍ 25 മുതല്‍ ഡിസംബര് ...
  • 05/11/2024
ബുള്ളറ്റ് ട്രെയിൻ പദ്ധതിയുടെ ഭാഗമായ പാലം തകര്‍ന്നു; ഗുജറാത്ത ...
  • 05/11/2024
പാലക്കാട് മാത്രമല്ല, ആകെ 14 നിയമസഭാ മണ്ഡലങ്ങളിലെ ഉപതെരഞ്ഞെടു ...
  • 05/11/2024
തെരഞ്ഞെടുപ്പ് പ്രചാരണം ഊര്‍ജിതമാക്കി പാര്‍ട്ടികള്‍; മോദി ഇന് ...
  • 03/11/2024
ഷൊര്‍ണൂര്‍ ട്രെയിൻ അപകടം; മരിച്ചവരുടെ കുടുംബങ്ങളെ ചേര്‍ത്തുപ ...
  • 03/11/2024
'ഇത് ശരിയാകില്ല', കേന്ദ്രമന്ത്രിക്ക് മലയാളത്തില്‍ പ്രതിഷേധ ക ...
  • 03/11/2024
വരും വരും വരും..., കെ റെയിലുമായി ബന്ധപ്പെട്ട് ചോദ്യത്തോട് പ് ...
  • 03/11/2024
ഗോത്രവര്‍ഗക്കാരുടെ പെണ്‍മക്കളെ നുഴഞ്ഞുകയറ്റക്കാര്‍ വശീകരിച്ച ...
  • 03/11/2024
ലാബ് ടെക്നീഷ്യൻ ദീപാവലി ആഘോഷിക്കാൻ പോയി, രോഗിക്ക് യൂട്യൂബ് വ ...
  • 03/11/2024