വിമാനത്തിൽ കേന്ദ്ര സർക്കാറിനെതിരെ മുദ്രാവാക്യം വിളിച്ച സംഭവം: സോഫിയയുടെ പിതാവിന് നഷ്ടപരിഹാരം നൽകാൻ ഉത്തരവ്

  • 04/03/2022

തിരുനെൽവേലി: വിമാനയാത്രക്കിടെ നരേന്ദ്ര മോദി സർക്കാരിനെതിരെ മുദ്രാവാക്യം വിളിച്ചതിന് അറസ്റ്റ് ചെയ്ത വിദ്യാർത്ഥി ലോയിസ് സോഫിയയുടെ പിതാവിന് തമിഴ്‌നാട് സർക്കാർ രണ്ട് ലക്ഷം രൂപ നഷ്ടപരിഹാരം നൽകണമെന്ന് തമിഴ്നാട് മനുഷ്യാവകാശ കമ്മീഷൻ ഉത്തരവ്. നഷ്ടപരിഹാരം ഉത്തരവാദികളായ ഏഴ് പൊലീസുകാരിൽ നിന്ന് ഈടാക്കി മൂന്ന് മാസത്തിനകം നൽകണമെന്നും കമ്മീഷൻ ഉത്തരവിട്ടു. മൂന്നര വർഷം മുമ്പ് ചെന്നൈ-തൂത്തുക്കുടി വിമാനത്തിൽ വെച്ചാണ് സംഭവം. 

അന്നത്തെ തമിഴ്നാട് ബിജെപി അധ്യക്ഷ തമിഴിസൈ സൗന്ദരരാജനുമായി രൂക്ഷമായ തർക്കത്തെ തുടർന്നാണ് കാനഡയിൽ പഠിക്കുന്ന തമിഴ് വിദ്യാർത്ഥി ലോയിസ് സോഫിയ കേന്ദ്രസർക്കാറിനെതിരെ മുദ്രാവാക്യം മുഴക്കിയത്. കാനഡയിൽ മാത്തമാറ്റിക്‌സിൽ ബിരുദാനന്തര ബിരുദം നേടിയ ലോയിസ് സോഫിയ 2018 സെപ്റ്റംബറിൽ അവധിക്ക് ഇന്ത്യയിൽ വന്നപ്പോഴാണ് സംഭവം. പിതാവ് ഡോ. എഎ സാമിയോടും അമ്മയുമോടൊപ്പം ചെന്നൈയിൽ നിന്ന് തൂത്തുക്കുടി വിമാനത്തിലായിരുന്നു യാത്ര. ഇതേ വിമാനത്തിലാണ് ബിജെപി അധ്യക്ഷനായിരുന്ന തമിഴിസൈയും യാത്ര ചെയ്തത്. ബിജെപി നേതാവിനെ കണ്ടയുടൻ സോഫിയ ഇരിപ്പിടത്തിൽ നിന്ന് എഴുന്നേറ്റ് കേന്ദ്ര സർക്കാരിനെതിരെ മുദ്രാവാക്യം വിളിച്ചു. 

സംഭവത്തെ തുടർന്ന് തൂത്തുക്കുടി വിമാനത്താവളത്തിലെത്തിയ ബിജെപി പ്രവർത്തകർ സോഫിയ തമിഴിസൈയോട് മാപ്പ് പറയണമെന്നാവശ്യപ്പെട്ട് ഭീഷണിപ്പെടുത്തുകയും സോഫിയയുടെ മാതാപിതാക്കളെ വിമാനത്താവളത്തിൽ തടയുകയും ചെയ്തു. തുടർന്് പൊലീസ് എത്തി  ബി.ജെ.പി പ്രവർത്തകരെ ശാന്തരാക്കിയ ശേഷം സോഫിയയെ കസ്റ്റഡിയിൽ എടുത്തു. പിന്നീട് അറസ്റ്റ് ചെയ്തു.

Related News

വയനാട് എംപിയായി പ്രിയങ്കാ ഗാന്ധി ഇന്ന് സത്യപ്രതിജ്ഞ ചെയ്യും
  • 27/11/2024
'പതിറ്റാണ്ടായ ഹര്‍ജി വീണ്ടും മാറ്റുന്നതില്‍ അതൃപ്തി'; പാമോലി ...
  • 27/11/2024
ചുഴലിക്കാറ്റ്: തമിഴ്‌നാട്ടില്‍ കനത്തമഴയ്ക്ക് സാധ്യത, ഒന്‍പത് ...
  • 26/11/2024
പോള്‍ ചെയ്തതിനേക്കാള്‍ അഞ്ചുലക്ഷം വോട്ട് കൂടുതല്‍; റിപ്പോര്‍ ...
  • 26/11/2024
വിവസ്ത്രയാക്കി, കൈക്കൂലി ചോദിച്ചു; യുവതിയുടെ ആത്മഹത്യയില്‍ പ ...
  • 25/11/2024
മത്സ്യബന്ധന ബോട്ടിനെ സംശയം, കുതിച്ചെത്തി ഇന്ത്യൻ കോസ്റ്റ് ഗാ ...
  • 25/11/2024
പാര്‍ലമെന്റ് ശീതകാല സമ്മേളനത്തിന് ഇന്ന് തുടക്കം; ഡിസംബര്‍ 20 ...
  • 24/11/2024
'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024