പ്രണയം നിരസിച്ചതിന് പ്രായപൂര്‍ത്തിയാകാത്ത പെണ്‍കുട്ടിയെ ഓട്ടോറിക്ഷ ഇടിച്ചു കൊലപ്പെടുത്താന്‍ ശ്രമം

  • 09/03/2022

കൊച്ചി: ഏലൂര്‍ പാതാളത്ത് പ്രണയം നിരസിച്ചതിന് പ്രായപൂര്‍ത്തിയാകാത്ത പെണ്‍കുട്ടിയെ ഓട്ടോറിക്ഷ ഇടിച്ചു കൊലപ്പെടുത്താന്‍ ശ്രമം. പെണ്‍കുട്ടിയുടെ പരാതിയില്‍ കേസ് രജിസ്റ്റര്‍ ചെയ്ത പൊലീസ് മൂന്നു പേരെ അറസ്റ്റു ചെയ്തു. പാതാളം വള്ളോപ്പിള്ളി കോട്ടപ്പറമ്പ് നാഗരാജിന്റെ മകന്‍ ശിവ(18), ബന്ധു കാര്‍ത്തി(18), ഇവരുടെ സുഹൃത്ത് ചിറക്കുഴി സെല്‍വം(34) എന്നിവരാണ് അറസ്റ്റിലായത്.  

ഇന്നലെ വൈകിട്ടു നാലു മണിയോടെയാണ് ഒമ്പതാം ക്ലാസ് വിദ്യാര്‍ഥിനിക്ക് നേരെ ആക്രമണമുണ്ടായത്. ഇവര്‍ സഞ്ചരിച്ചിരുന്ന ഓട്ടോറിക്ഷ അതിവേഗത്തില്‍ തന്റെ നേരേ പാഞ്ഞു വരുന്നതു കണ്ട് ഓടി മാറിയതിനാലാണ് അപകടം ഒഴിവായതെന്നു പെണ്‍കുട്ടി പൊലീസിനോടു പറഞ്ഞു. ഇവരില്‍ ശിവ നേരത്തെ പ്രണയാഭ്യര്‍ഥന നടത്തിയിരുന്നുവെങ്കിലും പെണ്‍കുട്ടി നിരസിച്ചിരുന്നു. ഇതിന്റെ ദേഷ്യത്തില്‍ നേരത്തെയും വഴിയരികില്‍ കാത്തുനിന്നു കളിയാക്കുകയും പിന്നാലെ വരികയും ചെയ്യുമായിരുന്നെന്നു പെണ്‍കുട്ടി പറയുന്നു. ഇന്നലെ സ്‌കൂള്‍ വിട്ടു വീട്ടിലേക്കു വരുമ്പോള്‍ എതിരെ ഓട്ടോറിക്ഷയുമായി വന്നു. അടുത്തെത്തിയപ്പോള്‍ വേഗം കുറച്ച് അതിലുണ്ടായിരുന്ന ഒരാള്‍ സിഗരറ്റു കുറ്റി തന്റെ നേരെ വലിച്ചെറിയുകയും കളിയാക്കുകയും ചെയ്‌തെന്നു പെണ്‍കുട്ടി പറയുന്നു. 

കുറച്ചു ദൂരം മുന്നോട്ട് പോയപ്പോള്‍ പിന്നില്‍ നിന്നു ശബ്ദം കേട്ടു തിരിഞ്ഞു നോക്കിയപ്പോഴാണ് ഓട്ടോറിക്ഷ അതിവേഗം തന്റെ നേര്‍ക്കു പാഞ്ഞു വരുന്നതു കണ്ടത്. ചാടി മാറിയില്ലായിരുന്നെങ്കില്‍ ഓട്ടാറിക്ഷ ഇടിച്ചു താന്‍ മരിക്കുമായിരുന്നെന്നും പെണ്‍കുട്ടി പോലീസിനു മൊഴി നല്‍കി. അറസ്റ്റു ചെയ്ത പ്രതികളെ കോടതിയില്‍ ഹാജരാക്കി. കോടതി ഇവരെ റിമാന്‍ഡ് ചെയ്തു.

Related News

ഡിസിസി ട്രഷറ‍ുടെ മരണം; വി ഡി സതീശൻ എൻ എം വിജയന്‍റെ വീട്ടിലേക ...
  • 12/01/2025
എറണാകുളം അങ്കമാലി അതിരൂപതയില്‍ രാത്രിയിലും സമവായ നീക്കം; വിമ ...
  • 12/01/2025
സംസ്ഥാനത്ത് വീണ്ടും മഴ വരുന്നു, ചക്രവാതച്ചുഴി; ബുധനാഴ്ച മൂന് ...
  • 12/01/2025
കൊല്ലത്ത് യുവാവ് കുത്തേറ്റു മരിച്ചു
  • 12/01/2025
വീട്ടമ്മയെ പീഡിപ്പിച്ചു, നഗ്ന ചിത്രങ്ങള്‍ കാണിച്ച്‌ ഭീഷണിപ്പ ...
  • 12/01/2025
സ്ത്രീകളുടെ അഭിമാനത്തെ ചോദ്യം ചെയ്യുന്ന പ്രവൃത്തി ഉണ്ടായാല്‍ ...
  • 12/01/2025
'നാളെ നിര്‍ണായക പ്രഖ്യാപനം';പത്രസമ്മേളനം വിളിച്ച്‌ അന്‍വര്‍
  • 12/01/2025
ഉരുള്‍പ്പൊട്ടല്‍ ദുരന്തബാധിത കുടുംബാംഗം; വയനാട്ടില്‍ ബിരുദ വ ...
  • 12/01/2025
പത്തനംതിട്ട പീഡനം; അറസ്റ്റിലായവരുടെ എണ്ണം 30 ആയി; പട്ടികയിലു ...
  • 12/01/2025
സംസ്ഥാനത്ത് ഇന്നും നാളെയും ചൂടും കൂടും
  • 11/01/2025
പത്തനംതിട്ട പീഡനം: 13 പേര്‍ കസ്റ്റഡിയില്‍; അന്വേഷണം ജില്ലയ്ക ...
  • 11/01/2025
സിഎംആര്‍എല്‍ മാസപ്പടി കേസില്‍ 185 കോടിയുടെ അഴിമതിയെന്ന് കേന് ...
  • 11/01/2025