സി- കാറ്റഗറി പൊലീസ് സ്റ്റേഷനുകളുടെ ചുമതല എസ്‌ഐ മാർക്ക് മടക്കി നൽകാൻ ശുപാർശ; സിഐമാരെ പുനർ വിന്യസിക്കും

  • 14/03/2022

തിരുവനന്തപുരം: സംസ്ഥാനത്തെ സി- കാറ്റഗറി പൊലീസ് സ്റ്റേഷനുകളുടെ ചുമതല എസ്‌ഐ മാർക്ക് മടക്കി നൽകാൻ ശുപാർശ. നിലവിൽ ഈ സ്റ്റേഷനിൽ എസ്.എച്ച്.ഒമാരായി ചുമതല വഹിക്കുന്ന സിഐമാരെ പുനർവിന്യസിക്കും. ഡിജിപിയുടെ ശുപാർശ എഡിജിപി സമിതിയിൽ ചർച്ച ചെയ് ശേഷം സർക്കാരിന് കൈമാറും. ഒന്നാം പിണറായി സർക്കാരിന്റെ കാലത്ത്  എല്ലാ പൊലീസ് സ്റ്റേഷനുകളുടെയും ചുമതല എസ്‌ഐമാരിൽ നിന്നും സർക്കിൾ ഇൻസ്പക്ടർമാരിലേക്ക് മാറ്റിയിരുന്നു.

എല്ലായിടത്തും സ്റ്റേഷൻ ഹൗസ് ഓഫീസർമാർ ഇപ്പോൾ സിഐമാരാണ്. എന്നാൽ കേസുകൾ കുറവുള്ള സ്റ്റേഷനുകളുടെ ഭരണം എസ്‌ഐമാരിലേക്ക് മാറ്റണമെന്ന് എഡിജിപി തല യോഗത്തിലാണ് തീരുമാനിച്ചത്. ഇതിന്റെ അടിസ്ഥാനത്തിൽ പൊലീസ് ആസ്ഥാന എഡിജിപിയുടെ നേതൃത്വത്തിൽ നടത്തിയ പഠനത്തിലാണ് ശുപാർശ തയ്യാറാക്കിയത്. വർഷത്തിൽ 500 കേസിൽ താഴെ കേസുകൾ രജിസ്റ്റർ ചെയ്യുന്ന സി-കാറ്റഗറിയിൽപ്പെട്ട സ്റ്റേഷനുകളുടെ ചുമതല എസ്‌ഐമാർക്ക് നൽകാനാണ് തീരുമാനം. 

സി-കാറ്റഗറിയിൽ 106 സ്റ്റേഷനുകളാണ് ഉള്ളത്. ഇവയിൽ 60 സ്റ്റേഷനുകളുടെ ചുമതലയാണ് ഒന്നാം ഘട്ടത്തിൽ മാറ്റുന്നത്. ബാക്കി സ്റ്റേഷനുകളിൽ രണ്ട് എസ്‌ഐമാരെ വീതം നിയമിച്ച ശേഷം ചുമതല മാറ്റും. ഡിജിപിയുടെ സർക്കുലർ പ്രകാരം പോക്‌സോ, സംഘടിത ആക്രമണം എന്നിവ അന്വേഷിക്കേണ്ടത് ഇൻസ്‌പെക്ടറാണ്. എസ്‌ഐക്ക് ചുമതല കൈമാറുന്ന സ്റ്റേഷനകളിൽ രജിസ്റ്റർ ചെയ്യുന്ന ഗുരുതര കുറ്റകൃത്യങ്ങൾ ഡിവൈഎസ്പിമാരോ, ജില്ലാ ക്രൈം ബ്രാഞ്ചിലെ സിഐമാരോ അന്വേഷിക്കും.

സ്റ്റേഷൻ ചുമതലകളിൽ നിന്ന് ഒഴിവാക്കുന്ന ഇൻസ്‌പെക്ടർമാരെ ജില്ലാ ക്രൈം ബ്രാഞ്ച്, തീവ്രവാദ വിരുദ്ധ സ്‌ക്വാഡ്, എ.ആർ. ക്യാമ്പ് എന്നിവടങ്ങളിൽ വിന്യസിക്കും. ഇൻസ്‌പെക്ടമാരുടെ സേവനം കെട്ടി കിടക്കുന്ന കേസുകളുടെ അന്വേഷണം പൂർത്തിയാക്കാൻ ഉപയോഗിക്കും.  പൊലീസ് ആസ്ഥാനം തയ്യാറാക്കിയ ശുപാർശ എഡിജിപി തല സമിതിയിൽ ചർച്ച ചെയ്ത ശേഷമായിരിക്കും സർക്കാരിലേക്ക് നൽകുക. സ്റ്റേഷൻ ചുമതലയിൽ നിന്ന് ഇൻസ്‌പെക്ടർമാരെ ഒഴിവാക്കുന്നതിൽ പൊലീസ് ഓഫീസേഴ്‌സ് അസോസിയേഷൻറെ എതിർപ്പ് തള്ളിയാണ് ഡിജിപി ശുപാർശ തയ്യാറാക്കുന്നത്.

Related News

ട്രെയിനില്‍ ബോംബ് ഭീഷണി മദ്യലഹരിയില്‍; ആളെ തിരിച്ചറിഞ്ഞു, പത ...
  • 05/11/2024
കണ്ണൂര്‍ കലക്ടര്‍ക്കെതിരെ നടക്കുന്നത് അനാവശ്യ വ്യക്തിഹത്യ; അ ...
  • 05/11/2024
ബോംബ് ഭീഷണി; പാലക്കാട്ട് നിന്ന് തിരുവനന്തപുരത്തേക്ക് വരുന്ന ...
  • 05/11/2024
4 പേരുടേയും കഴുത്തിലെ മുറിവുകള്‍ ഒരുപോലെ, വിനീതയെപ്പോലെ 3 പേ ...
  • 05/11/2024
തലസ്ഥാനത്തടക്കം 115.5 മിമീ വരെ മഴ ലഭിക്കാവുന്ന സാഹചര്യം, മുന ...
  • 05/11/2024
'മുനമ്ബത്ത് സര്‍ക്കാര്‍-ബിജെപി കള്ളക്കളി, ഇതിലൂടെ സര്‍ക്കാര് ...
  • 05/11/2024
യു പി മദ്രസ വിദ്യാഭ്യാസ നിയമം ശരിവച്ച്‌ സുപ്രീംകോടതി; ഹൈക്കോ ...
  • 05/11/2024
'ഇടതുപക്ഷം സമുദായങ്ങളെ തമ്മിലടിപ്പിച്ച്‌ രാഷ്ട്രീയനേട്ടം ഉണ് ...
  • 05/11/2024
മല്ലു ഐഎഎസ് വാട്സാപ്പ് ഗ്രൂപ്പ്: 'സുഹൃത്തുക്കള്‍ പറഞ്ഞ് അറിഞ ...
  • 05/11/2024
എഡിഎമ്മിൻ്റെ മരണം: ദിവ്യയുടെ ജാമ്യാപേക്ഷയില്‍ വെള്ളിയാഴ്ച ഉത ...
  • 05/11/2024
സ്വകാര്യതയെ ബാധിക്കരുത്; പൊതു ഇടങ്ങളില്‍ സ്ത്രീകളുടെ ചിത്രം ...
  • 04/11/2024
യുവാവ് ഭാര്യയെയും ഭാര്യമാതാവിനെയും വെട്ടിക്കൊന്നു; സ്റ്റേഷനി ...
  • 04/11/2024