പിഞ്ചു കുഞ്ഞിന്‍റെ വായില്‍ ഭക്ഷണം കുത്തിനിറച്ച് കൊലപ്പെടുത്തി; അമ്മ അറസ്റ്റില്‍

  • 26/03/2022

ഊട്ടി: ഒരു വയസുള്ള കുഞ്ഞിന്‍റെ വായില്‍ ഭക്ഷണം കുത്തിനിറച്ച് കൊലപ്പെടുത്തിയ അമ്മ അറസ്റ്റില്‍. തമിഴ്നാട്ടിലെ ഊട്ടിയിലാണ് സംഭവം. 38കാരിയായ ഗീതയാണ് പിടിയിലായത്. ബോധം കെട്ടുവീണ മകനുമായി ഫെബ്രുവരി മാസത്തിലാണ് അമ്മ ഗീത ആശുപത്രിയിലെത്തിയത്. അശുപത്രിയിലെത്തിയപ്പോഴേയ്ക്കും കുട്ടി മരിച്ചിരുന്നു. മരണത്തില്‍ ഡോക്ടര്‍ക്ക് തോന്നിയ സംശയമാണ് കൊലപാതകത്തിന്‍റെ ചുരുളഴിച്ചത്.

നീലഗിരിയിലെ ഉദഗയ് വാഷര്‍മാന്‍പേട്ട്  സ്വദേശിനിയായ ഗീത രണ്ടു തവണ വിവാഹിതയാണ്. കോയമ്പത്തൂര്‍ സ്വദേശിയായ കാര്‍ത്തിക്കിനെ വിവാഹം ചെയ്തതില്‍ മൂന്നും ഒന്നും വയസുള്ള ആണ്‍കുട്ടികളുണ്ട്. ഊട്ടിയിലായിരുന്നു ഇവര്‍ താമസിച്ചിരുന്നത്. അടുത്തിടെ കാര്‍ത്തിക്കുമായി ഇവര്‍ പിണങ്ങി. തുടര്‍ന്ന് കാര്‍ത്തിക് മൂന്ന് വയസ് പ്രായമുള്ള മൂത്ത മകനൊപ്പം കോയമ്പത്തൂരിലേക്ക് പോയി. അവിടെയൊരു സ്വകാര്യ സ്ഥാപനത്തില്‍ ജോലി ചെയ്യുകയായിരുന്നു ഇയാള്‍.

ഒരു വയസ് പ്രായമുള്ള മകന്‍ നിതിനുമായി ഗീത ഊട്ടിയിലുമായിരുന്നു താമസം. കുട്ടി പെട്ടന്ന് തലകറങ്ങി വീഴുകയായിരുന്നുവെന്നാണ് ഫെബ്രുവരിയില്‍ ഗീത ആശുപത്രി അധികൃതരെ അറിയിച്ചത്. കുഞ്ഞ് മരിച്ചതിന് പിന്നാലെ പൊലീസ്  അസ്വാഭാവിക മരണത്തിന് കേസ് എടുത്തു. കോയമ്പത്തൂരിലെ സര്‍ക്കാര്‍ ആശുപത്രിയില്‍ നടന്ന പോസ്റ്റ് മോര്‍ട്ടത്തിലാണ് ഭക്ഷണം കുടുങ്ങി ശ്വാസം മുട്ടിയാണ് കുട്ടി മരിച്ചതെന്ന് കണ്ടെത്തിയത്. മദ്യം കലര്‍ന്നതായിരുന്നു കുഞ്ഞിന് നല്‍കിയ ഭക്ഷണമെന്നും പോസ്റ്റുമോര്‍ട്ടത്തില്‍ വിശദമായി. തൊട്ടിലില്‍ ആട്ടുന്നതിന് ഇടയില്‍ കുഞ്ഞിന്‍റെ തല ഭിത്തിയില്‍ ഇടിപ്പിച്ചതായും പോസ്റ്റുമോര്‍ട്ടത്തില്‍ വ്യക്തമായി.

വിശദമായ ചോദ്യം ചെയ്യലിലാണ് സ്വകാര്യ ജീവിതത്തിന് കുഞ്ഞ് വെല്ലുവിളിയാണെന്ന് മനസിലായതോടെ കൊലപ്പെടുത്തിയതാണെന്ന് ഗീത പൊലീസിന് മൊഴി നല്‍കിയത്. ഭര്‍ത്താവുമായി പിരിഞ്ഞ് കഴിഞ്ഞിരുന്ന ഇവര്‍ക്ക് ഒരു യുവാവുമായി ബന്ധമുണ്ടായിരുന്നു. ഈ ബന്ധത്തിന് മകന്‍ തടസമാണെന്ന് തോന്നിയതിനെ തുടര്‍ന്നായിരുന്നു കൊലപാതകം. സ്വാഭാവിക മരണമെന്ന് തോന്നിപ്പിക്കുന്നതിനായിരുന്നു കുഞ്ഞിന്‍റെ വായില്‍ ഭക്ഷണം കുത്തി നിറച്ചതെന്നും ഇവര്‍ മൊഴി നല്‍കി. പ്രതിയെ പൊലീസ് അറസ്റ്റ് ചെയ്ത് റിമാന്‍ഡ് ചെയ്തു. 

Related News

സെയ്ഫ് അലി ഖാന് കുത്തേറ്റ സംഭവം; പ്രതി പിടിയില്‍
  • 18/01/2025
റഷ്യൻ കൂലിപട്ടാളത്തിലേക്ക് മനുഷ്യക്കടത്ത്: റഷ്യൻ പൗരത്വമുള്ള ...
  • 18/01/2025
എയ്റോ ഷോ നടക്കുന്ന 13 കിമീ ചുറ്റളവില്‍ നോണ്‍ വെജ് വില്‍പ്പന ...
  • 18/01/2025
ബൈക്കിലെത്തിയ 2 പേര്‍ ഡ്യൂട്ടി കഴിഞ്ഞ് വീട്ടിലേക്ക് മടങ്ങിയ ...
  • 18/01/2025
കൊല്‍ക്കത്ത ബലാത്സംഗക്കൊല: പ്രതി സഞ്ജയ് റോയ് കുറ്റക്കാരന്‍, ...
  • 18/01/2025
സൗജന്യ വൈദ്യുതി, സൗജന്യ ബസ് യാത്ര; വാഗ്ദാന പെരുമഴ എഎപി വക, ഒ ...
  • 17/01/2025
രാജ്യത്തെ നടുക്കിയ ആര്‍ ജി കര്‍ മെഡിക്കല്‍ കോളേജിലെ അതിക്രൂര ...
  • 17/01/2025
റഷ്യൻ സൈന്യത്തിലെ 12 ഇന്ത്യക്കാര്‍ കൊല്ലപ്പെട്ടെന്ന് കേന്ദ്ര ...
  • 17/01/2025
വീട്ടില്‍ പ്രസവം; ആദ്യം കുഞ്ഞ് മരിച്ചു, പിന്നാലെ അബോധാവസ്ഥയി ...
  • 17/01/2025
പീഡനക്കേസില്‍ ഡിജിറ്റല്‍ തെളിവുകള്‍ വേണമെന്ന് പ്രജ്വല്‍ രേവണ ...
  • 16/01/2025
ഡല്‍ഹി നിയമസഭാ തെരഞ്ഞെടുപ്പ്: രാഷ്ട്രീയ പാര്‍ട്ടികള്‍ക്ക് മാ ...
  • 16/01/2025
മോഹൻ ഭാഗവതിന്റെ പ്രസ്താവന ചരിത്രത്തെ വളച്ചൊടിക്കാനുള്ള ശ്രമം ...
  • 16/01/2025