പശ്ചിമബംഗാൾ നിയമസഭയിൽ ഭരണ-പ്രതിപക്ഷ കൈയാങ്കളി; അഞ്ച് ബിജെപി എംഎൽഎമാർക്ക് സസ്‌പെൻഷൻ

  • 28/03/2022

കൊൽക്കത്ത: പശ്ചിമബംഗാൾ നിയമസഭയിൽ ഭരണപക്ഷവും പ്രതിപക്ഷവും കൈയാങ്കളി. സംഭവത്തെ തുടർന്ന് പ്രതിപക്ഷ നേതാവ് സുവേന്ദു അധികാരിയടക്കമുള്ള അഞ്ച് ബിജെപി എംഎൽഎമാരെ സഭയിൽ നിന്ന് സസ്പെൻഡ് ചെയ്തു. ബിർഭൂംമ കൂട്ടക്കൊലയുടെ പശ്ചാത്തലത്തിൽ ബംഗാളിലെ ക്രമസമാധാന നിലയെക്കുറിച്ച് മുഖ്യമന്ത്രി മമതാ ബാനർജി നിയമസഭയിൽ പ്രസ്താവന നടത്തണമെന്ന് ബിജെപി എംഎൽഎമാർ ആവശ്യപ്പെട്ടു. തുടർന്ന് തൃണമൂൽ-ബിജെപി എംഎൽഎമാർ നടത്തിയ വാക്കുതർക്കം സംഘർഷത്തിൽ കലാശിച്ചു.

ബജറ്റ് സമ്മേളനത്തിന്റെ അവസാന ദിവസമായിരുന്നു ഇന്ന്, എട്ടുപേർ കൊല്ലപ്പെട്ട ബിർഭൂം അക്രമത്തിന്റെ പശ്ചാത്തലത്തിൽ സംസ്ഥാനത്തെ ക്രമസമാധാനനില ചർച്ച ചെയ്യണമെന്ന് പ്രതിപക്ഷം ആവശ്യപ്പെട്ടു.  എന്നാൽ പ്രതിപക്ഷത്തിന്റെ ആവശ്യം തൃണമൂൽ കോൺഗ്രസ് എതിർത്തു. തുടർന്നാണ് ബഹളവും സംഘർഷവുമുണ്ടായത്. സംഘർഷത്തിൽ പരിക്കേറ്റതിനെ തുടർന്ന് മൂക്കിൽ നിന്ന് രക്തം വന്ന തൃണമൂൽ എംഎൽഎ അസിത് മജുംദാറിനെ ആശുപത്രിയിൽ പ്രവേശിപ്പിച്ചു.  സുവേന്ദു അധികാരിയാണ് തന്റെ മൂക്കിനിടിച്ചതെന്ന് അസിത് ആരോപിച്ചു. പ്രതിപക്ഷ നേതാവ് സുവേന്ദു അധികാരിയടക്കം അഞ്ചു ബിജെപി എംഎൽഎമാരെ സ്പീക്കർ സസ്‌പെൻഡ് ചെയ്തു.

സുവേന്ദു അധികാരിക്ക് പുറമെ, ദീപക് ബർമൻ, ശങ്കർ ഘോഷ്, മനോജ് ടിഗ്ഗ, നരഹരി മഹതോ എന്നിവരാണ് സസ്‌പെൻഡ് ചെയ്തത്. ഈ വർഷം പൂർണമായും ഇവരെ സഭയിൽ ഹാജരാകുന്നതിന് സ്പീക്കർ വിലക്കി. ബംഗാളിലെ ക്രമസമാധാന പ്രശ്നത്തിൽ കേന്ദ്ര സർക്കാർ ഇടപെടണമെന്ന് ബിജെപി ആവശ്യപ്പെട്ടു. ബിജെപി എംഎൽഎമാരെ മർദ്ദിക്കാൻ പൊലീസിനെ ഉപയോഗിച്ചെന്നും നേതാക്കൾ ആരോപിച്ചു.

Related News

വീണ്ടും ട്രംപ്; വ്യാപാര, നയതന്ത്ര മേഖലകളില്‍ കൂടുതല്‍ സഹകരണം ...
  • 06/11/2024
അമ്മ ബാത്ത്റൂമില്‍ പോയി വന്നപ്പോള്‍ തൊട്ടിലില്‍ കിടന്ന കുഞ്ഞ ...
  • 06/11/2024
കുടുംബാംഗങ്ങള്‍ നേര്‍ക്കുനേര്‍, ഇനിയൊരു മത്സരത്തിനില്ല; രാഷ് ...
  • 05/11/2024
പാര്‍ലമെന്റിന്റെ ശൈത്യകാല സമ്മേളനം നവംബര്‍ 25 മുതല്‍ ഡിസംബര് ...
  • 05/11/2024
ബുള്ളറ്റ് ട്രെയിൻ പദ്ധതിയുടെ ഭാഗമായ പാലം തകര്‍ന്നു; ഗുജറാത്ത ...
  • 05/11/2024
പാലക്കാട് മാത്രമല്ല, ആകെ 14 നിയമസഭാ മണ്ഡലങ്ങളിലെ ഉപതെരഞ്ഞെടു ...
  • 05/11/2024
തെരഞ്ഞെടുപ്പ് പ്രചാരണം ഊര്‍ജിതമാക്കി പാര്‍ട്ടികള്‍; മോദി ഇന് ...
  • 03/11/2024
ഷൊര്‍ണൂര്‍ ട്രെയിൻ അപകടം; മരിച്ചവരുടെ കുടുംബങ്ങളെ ചേര്‍ത്തുപ ...
  • 03/11/2024
'ഇത് ശരിയാകില്ല', കേന്ദ്രമന്ത്രിക്ക് മലയാളത്തില്‍ പ്രതിഷേധ ക ...
  • 03/11/2024
വരും വരും വരും..., കെ റെയിലുമായി ബന്ധപ്പെട്ട് ചോദ്യത്തോട് പ് ...
  • 03/11/2024
ഗോത്രവര്‍ഗക്കാരുടെ പെണ്‍മക്കളെ നുഴഞ്ഞുകയറ്റക്കാര്‍ വശീകരിച്ച ...
  • 03/11/2024
ലാബ് ടെക്നീഷ്യൻ ദീപാവലി ആഘോഷിക്കാൻ പോയി, രോഗിക്ക് യൂട്യൂബ് വ ...
  • 03/11/2024