ഇന്ത്യയിൽ നിന്നുള്ള പഞ്ചസാര കയറ്റുമതിയിൽ വൻ വളർച്ച

  • 20/04/2022



ദില്ലി : ഇന്ത്യയിൽ നിന്നുള്ള പഞ്ചസാര കയറ്റുമതിയിൽ വൻ വളർച്ച. ഈ വിപണി വർഷത്തിൽ ഇന്ത്യയിലെ പഞ്ചസാര കയറ്റുമതിയിൽ മികച്ച മുന്നേറ്റം നടത്താനാകുമെന്നാണ് പ്രതീക്ഷ എന്ന് വ്യക്തമാക്കി കേന്ദ്ര സർക്കാർ. ഈ സീസണിൽ ഇന്ത്യയിൽ നിന്നുള്ള പഞ്ചസാര കയറ്റുമതി 9.5 ദശലക്ഷം ടൺ എന്ന റെക്കോർഡ് നിലവാരത്തിലേക്ക് എത്തിയേക്കുമെന്നാണ് പ്രതീക്ഷിക്കുന്നത്. 2021 ഒക്ടോബറിൽ തുടങ്ങിയ വിപണി 2022 സെപ്റ്റംബറിലാണ് അവസാനിക്കുക.

കയറ്റുമതി കൂടുന്ന സാഹചര്യത്തിൽ രാജ്യത്ത് പഞ്ചസാര വില ഉയരുമെന്ന ആശങ്ക വേണ്ട എന്ന് കേന്ദ്ര സർക്കാർ വ്യക്തമാക്കുന്നു. കാരണം പഞ്ചസാരയുടെ ആഭ്യന്തര ഉത്പാദനത്തിലും വലിയ വർധനവാണ് ഉണ്ടായിരിക്കുന്നത്. അതിനാൽ നിലവിലെ വിലയിൽ തന്നെയായിരിക്കും പഞ്ചസാര ആഭ്യന്തര വിപണിയിൽ എത്തുക. 2021 - 22 വിപണി വർഷത്തിൽ മുൻ വിപണി വർഷത്തേക്കാൾ 13 ശതമാനത്തോളം ഉത്പാദന വർധനവ് ഉണ്ടാകുമെന്നാണ് പ്രതീക്ഷിക്കുന്നത്. ഇതോടെ രാജ്യത്തെ പഞ്ചസാര ഉത്പാദനം 35 ദശലക്ഷം ടണ്ണായി ഉയർന്നേക്കും. അതേസമയം 8.5 ദശലക്ഷം ടൺ പഞ്ചസാര ശേഖരവുമായാണ് ഈ വർഷം വിപണി ആരംഭിച്ചത്. അതിനാൽ തന്നെ ആകെ 43.5 ദശലക്ഷം ടൺ പഞ്ചസാര ലഭ്യത ഈ വർഷം ഉണ്ടാകും. 

രാജ്യത്ത് ഈ വിപണി വർഷം 43.5 ദശലക്ഷം ടൺ പഞ്ചസാര ശേഖരം ഉണ്ടാകുകയാണെങ്കിൽ ഇതിൽ 27.8 ദശലക്ഷം ടൺ രാജ്യത്തെ വിപണികളിലേക്ക് മാറ്റിവെക്കും. 9.5 ദശലക്ഷം ടൺ കയറ്റുമതി ചെയ്യും. ഇങ്ങനെ വരുമ്പോൾ 2022 ഒക്ടോബറിൽ വിപണി അവസാനിപ്പിക്കുമ്പോൾ 6 ദശലക്ഷം ടൺ പഞ്ചസാര അവശേഷിക്കും. ഇത് ക്ലോസിങ് ബാലൻസ് ആയി കണക്കാക്കി അടുത്ത വർഷത്തെ ഓപ്പണിങ് സ്റ്റോക്ക് ആക്കി നീക്കിവെക്കും. 

ഇങ്ങനെ 6 ദശലക്ഷം ടൺ പഞ്ചസാര കരുതൽ ശേഖരമായി ഇരിക്കെ ആഭ്യന്തര വിപണിയിൽ പഞ്ചസാരയുടെ ക്ഷാമം ഉണ്ടാകുകയില്ലെന്നും വിപണിയിൽ സുഗമമായ ലഭ്യതയും ന്യായമായ വിലയും തുടരുമെന്ന് പ്രതീക്ഷിക്കുന്നതായി കേന്ദ്ര സർക്കാർ ഔദ്യോഗിക പ്രസ്താവനയിൽ അറിയിച്ചിട്ടുണ്ട്. 

Related News

25 ലക്ഷത്തിന്‍റെ ഇൻഷുറൻസ് പരിരക്ഷ, സ്ത്രീകള്‍ക്ക് പ്രതിമാസം ...
  • 07/11/2024
വീണ്ടും ട്രംപ്; വ്യാപാര, നയതന്ത്ര മേഖലകളില്‍ കൂടുതല്‍ സഹകരണം ...
  • 06/11/2024
അമ്മ ബാത്ത്റൂമില്‍ പോയി വന്നപ്പോള്‍ തൊട്ടിലില്‍ കിടന്ന കുഞ്ഞ ...
  • 06/11/2024
കുടുംബാംഗങ്ങള്‍ നേര്‍ക്കുനേര്‍, ഇനിയൊരു മത്സരത്തിനില്ല; രാഷ് ...
  • 05/11/2024
പാര്‍ലമെന്റിന്റെ ശൈത്യകാല സമ്മേളനം നവംബര്‍ 25 മുതല്‍ ഡിസംബര് ...
  • 05/11/2024
ബുള്ളറ്റ് ട്രെയിൻ പദ്ധതിയുടെ ഭാഗമായ പാലം തകര്‍ന്നു; ഗുജറാത്ത ...
  • 05/11/2024
പാലക്കാട് മാത്രമല്ല, ആകെ 14 നിയമസഭാ മണ്ഡലങ്ങളിലെ ഉപതെരഞ്ഞെടു ...
  • 05/11/2024
തെരഞ്ഞെടുപ്പ് പ്രചാരണം ഊര്‍ജിതമാക്കി പാര്‍ട്ടികള്‍; മോദി ഇന് ...
  • 03/11/2024
ഷൊര്‍ണൂര്‍ ട്രെയിൻ അപകടം; മരിച്ചവരുടെ കുടുംബങ്ങളെ ചേര്‍ത്തുപ ...
  • 03/11/2024
'ഇത് ശരിയാകില്ല', കേന്ദ്രമന്ത്രിക്ക് മലയാളത്തില്‍ പ്രതിഷേധ ക ...
  • 03/11/2024
വരും വരും വരും..., കെ റെയിലുമായി ബന്ധപ്പെട്ട് ചോദ്യത്തോട് പ് ...
  • 03/11/2024
ഗോത്രവര്‍ഗക്കാരുടെ പെണ്‍മക്കളെ നുഴഞ്ഞുകയറ്റക്കാര്‍ വശീകരിച്ച ...
  • 03/11/2024