യുവാവ് ഫ്രണ്ട് റിക്വസ്റ്റ് സ്വീകരിച്ചു; ചാറ്റ് ചെയ്തത് പോലീസുകാരി, പെണ്‍കുട്ടിയെ തട്ടിക്കൊണ്ടുപോയ പ്രതി കുടുങ്ങി

  • 25/04/2022

ലഖ്‌നൗ: പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയ യുവാവിനെ ഹണിട്രാപ്പിലൂടെ പിടികൂടി ഉത്തര്‍പ്രദേശ് പോലീസ്. പെണ്‍കുട്ടിയെ തട്ടിക്കൊണ്ടുപോയ കേസില്‍ ഗുര്‍പുര്‍ സ്വദേശിയായ സുര്‍ജീത്തിനെയാണ് പിടികൂടിയത്. പ്രയാഗ് രാജ് ജില്ലയില്‍നിന്ന് ഒരുമാസം മുമ്പ് കാണാതായ പെണ്‍കുട്ടിയെയാണ് മുംബൈയില്‍നിന്ന് പോലീസ് കണ്ടെത്തിയത്. 

മാര്‍ച്ച് 17-നാണ് പെണ്‍കുട്ടിയെ സുര്‍ജീത് തട്ടിക്കൊണ്ടുപോയെന്ന് കാണിച്ച് കുട്ടിയുടെ മാതാപിതാക്കള്‍ പോലീസില്‍ പരാതി നല്‍കിയത്. പരാതിയുടെ അടിസ്ഥാനത്തില്‍ പോലീസ് കേസെടുത്ത് അന്വേഷണം ആരംഭിക്കുകയായിരുന്നു. എന്നാല്‍ പ്രതിയായ യുവാവ് മൊബൈല്‍ ഫോണ്‍ ഉപയോഗിക്കാതിരുന്നത് അന്വേഷണത്തിന് തടസ്സമായി. ഒരു നമ്പറും യുവാവ് ഉപയോഗിക്കുന്നില്ലെന്ന് പോലീസിന് മനസിലായതോടെ മൊബൈല്‍ ടവര്‍ ലൊക്കേഷന്‍ കേന്ദ്രീകരിച്ചുള്ള അന്വേഷണം വഴിമുട്ടി.

തുടര്‍ന്ന് യുവാവിന്റെ സാമൂഹിക മാധ്യമ അക്കൗണ്ടുകള്‍ പോലീസ് നിരീക്ഷിച്ചു. ഇതിനിടെയാണ് ഫെയ്‌സ്ബുക്കില്‍ പെണ്‍കുട്ടിക്കൊപ്പമുള്ള ഫോട്ടോ യുവാവ് അപ് ലോഡ് ചെയ്തത് ശ്രദ്ധയില്‍പ്പെട്ടത്. ഇതോടെ സോഷ്യല്‍ മീഡിയ അക്കൗണ്ട് കേന്ദ്രീകരിച്ച് അന്വേഷണം നടത്താനായിരുന്നു പോലീസിന്റെ നീക്കം. യുവാവ് ഇടയ്ക്കിടെ ഫെയ്‌സ്ബുക്ക് അക്കൗണ്ട് ഉപയോഗിക്കുന്നതായി സ്ഥിരീകരിച്ചതോടെ ട്രെയിനി ഐ.പി.എസ്. ഉദ്യോഗസ്ഥനായ ചിരാഗ് ജെയിന്‍ ആണ് ഒരു സ്ത്രീയുടെ പേരില്‍ ഫെയ്ക്ക് അക്കൗണ്ട് നിര്‍മിച്ചത്. തുടര്‍ന്ന് ഈ അക്കൗണ്ടില്‍നിന്ന് പ്രതിക്ക് ഫ്രണ്ട് റിക്വസ്റ്റ് അയച്ചു. യുവാവ് ഫ്രണ്ട് റിക്വസ്റ്റ് സ്വീകരിച്ചതോടെ ഫെയ്ക്ക് അക്കൗണ്ട് കൈകാര്യം ചെയ്യാന്‍ രണ്ട് വനിതാ കോണ്‍സ്റ്റബിള്‍മാരെ നിയോഗിച്ചു. ഇരുവരും ഫെയ്‌സ്ബുക്ക് മെസഞ്ചറിലൂടെ യുവാവുമായി ചാറ്റിങ്ങ് തുടങ്ങി. 

വളരെ പെട്ടെന്ന് പ്രതിയുമായി അടുപ്പം സ്ഥാപിച്ച് പരമാവധി വിവരങ്ങള്‍ ശേഖരിക്കാനാണ് വനിതാ കോണ്‍സ്റ്റബിള്‍മാര്‍ ലക്ഷ്യമിട്ടത്. ചാറ്റിങ്ങിനിടെ എവിടെയാണ് താമസമെന്നടക്കമുള്ള കാര്യങ്ങള്‍ പോലീസുകാരി യുവാവിനോട് തിരക്കിയിരുന്നു. തന്റെ താമസസ്ഥലത്തുനിന്നുള്ള വീഡിയോ സഹിതമാണ് ഇതിന് യുവാവ് മറുപടി നല്‍കിയത്. വീഡിയോ പരിശോധിച്ചതോടെ യുവാവ് താമസിക്കുന്നത് നവിമുംബൈയിലെ വാഷി മേഖലയിലാണെന്ന് തിരിച്ചറിഞ്ഞു. 

നേരിട്ട് ഫോണില്‍ സംസാരിക്കണമെന്ന് വനിതാ കോണ്‍സ്റ്റബിള്‍ ചാറ്റില്‍ ആവശ്യപ്പെട്ടതോടെ യുവാവ് ഫോണ്‍ നമ്പറും നല്‍കി. യുവാവ് ഉപയോഗിക്കുന്ന പുതിയ ഫോണ്‍നമ്പര്‍ ലഭിച്ചതോടെ മൊബൈല്‍ ടവര്‍ ലൊക്കേഷനടക്കം പോലീസ് കണ്ടെത്തി. തുടര്‍ന്ന് യുവാവിന്റെ വീട്ടുടമയുടെ നമ്പറും പോലീസിന് ലഭിച്ചു. ഇയാളെ വിളിച്ച് വാടകവീട്ടില്‍ താമസിക്കുന്നത് പ്രതിയാണെന്ന് പോലീസ് സംഘം സ്ഥിരീകരിച്ചു. യുവാവിനൊപ്പം പെണ്‍കുട്ടിയും താമസിക്കുന്നുണ്ടെന്നും ഉറപ്പിച്ചു.

തുടര്‍ന്ന് ഉത്തര്‍പ്രദേശില്‍നിന്നുള്ള പോലീസ് സംഘം മുംബൈയിലേക്ക് തിരിച്ചു.  മുംബൈയിലെത്തിയ പോലീസ് സംഘം യുവാവിനെ കൈയോടെ പിടികൂടുകയായിരുന്നു. വാടകവീട്ടില്‍നിന്ന് പെണ്‍കുട്ടിയെ മോചിപ്പിക്കുകയും ചെയ്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്‌തു. 

Related News

റെയില്‍വേ സ്റ്റേഷനില്‍ നിര്‍മ്മാണ പ്രവര്‍ത്തനത്തിനായി കുഴിയെ ...
  • 28/11/2024
പങ്കാളിയെ ബലാത്സംഗം ചെയ്ത ശേഷം കൊലപ്പെടുത്തി; 50 കഷണങ്ങളാക്ക ...
  • 28/11/2024
20കാരിയുമായി ഒളിച്ചോടി; വിവാഹച്ചടങ്ങ് വീട്ടില്‍ നടത്താമെന്ന് ...
  • 28/11/2024
അധികാരമേറ്റ് ഹേമന്ത് സോറന്‍; ചടങ്ങില്‍ പങ്കെടുത്ത് ഇന്ത്യാസഖ ...
  • 28/11/2024
വയനാട് എംപിയായി പ്രിയങ്കാ ഗാന്ധി ഇന്ന് സത്യപ്രതിജ്ഞ ചെയ്യും
  • 27/11/2024
'പതിറ്റാണ്ടായ ഹര്‍ജി വീണ്ടും മാറ്റുന്നതില്‍ അതൃപ്തി'; പാമോലി ...
  • 27/11/2024
ചുഴലിക്കാറ്റ്: തമിഴ്‌നാട്ടില്‍ കനത്തമഴയ്ക്ക് സാധ്യത, ഒന്‍പത് ...
  • 26/11/2024
പോള്‍ ചെയ്തതിനേക്കാള്‍ അഞ്ചുലക്ഷം വോട്ട് കൂടുതല്‍; റിപ്പോര്‍ ...
  • 26/11/2024
വിവസ്ത്രയാക്കി, കൈക്കൂലി ചോദിച്ചു; യുവതിയുടെ ആത്മഹത്യയില്‍ പ ...
  • 25/11/2024
മത്സ്യബന്ധന ബോട്ടിനെ സംശയം, കുതിച്ചെത്തി ഇന്ത്യൻ കോസ്റ്റ് ഗാ ...
  • 25/11/2024
പാര്‍ലമെന്റ് ശീതകാല സമ്മേളനത്തിന് ഇന്ന് തുടക്കം; ഡിസംബര്‍ 20 ...
  • 24/11/2024
'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024