കുവൈത്ത് സിറ്റി: അൽ-റൗദ പ്രദേശത്തെ ഒരു വീട്ടിലെ അടുക്കളയിൽ ഗ്യാസ് ചോർച്ചയെ തുടർന്നുണ്ടായ സ്ഫോടനത്തിൽ ഒരാൾക്ക് പരിക്കേറ്റു. തിങ്കളാഴ്ച വൈകുന്നേരമാണ് സംഭവം നടന്നത്.
അൽ-ഷഹീദ് ഫയർഫോഴ്സ് കേന്ദ്രത്തിലെ അഗ്നിശമന സേനാംഗങ്ങൾ സ്ഥലത്തെത്തി വേഗത്തിൽ ഇടപെട്ട് സാഹചര്യം നിയന്ത്രണവിധേയമാക്കി. പരിക്കേറ്റ വ്യക്തിയെ ബന്ധപ്പെട്ട അധികൃതർക്കു കൈമാറിയതായി അധികൃതർ അറിയിച്ചു.
സംഭവത്തെ തുടർന്ന് സുരക്ഷാ നടപടികൾ ശക്തിപ്പെടുത്തുകയും ഗ്യാസ് ഉപകരണങ്ങൾ ഉപയോഗിക്കുമ്പോൾ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.
