കുവൈത്ത് സിറ്റി: ഇറാന്റെ ആക്രമണത്തെ തുടർന്ന് ഇന്ന് രാവിലെ തീപിടിത്തം നിയന്ത്രിക്കുന്നതിനിടെ പരിക്കേറ്റ കുവൈത്ത് ജനറൽ ഫയർ ഫോഴ്സിലെ അഗ്നിശമന സേനാംഗങ്ങളെ ഫയർ ഫോഴ്സ് മേധാവി മേജർ ജനറൽ തലാൽ അൽ-റൂമി ആശുപത്രിയിൽ സന്ദർശിച്ചു.സിവിൽ പ്രൊട്ടക്ഷൻ വിഭാഗം ആക്ടിംഗ് ഡെപ്യൂട്ടി ചീഫ് ബ്രിഗേഡിയർ ജനറൽ ഒമർ അബ്ദുൽഅസീസ് ഹമദും അദ്ദേഹത്തോടൊപ്പമുണ്ടായിരുന്നു.
പരിക്കേറ്റവരുടെ ആരോഗ്യനില വിലയിരുത്തിയ അദ്ദേഹം, ഫസ്റ്റ് ഡെപ്യൂട്ടി പ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അൽ-യൂസഫിന്റെ ആശംസകൾ കൈമാറുകയും എല്ലാവർക്കും വേഗത്തിൽ സുഖം പ്രാപിച്ച് വീണ്ടും രാജ്യസേവനത്തിലേക്ക് മടങ്ങിവരാൻ ആശംസിക്കുകയും ചെയ്തു.സന്ദർശനത്തിനിടെ മെഡിക്കൽ സംഘത്തിൽ നിന്ന് പരിക്കേറ്റവരുടെ ആരോഗ്യനില സംബന്ധിച്ച വിശദീകരണം കേട്ട അദ്ദേഹം, ആവശ്യമായ ചികിത്സയും പരിചരണവും നൽകുന്ന ആരോഗ്യപ്രവർത്തകരുടെ സേവനത്തെ അഭിനന്ദിച്ചു.
