കുവൈത്ത് സിറ്റി: ജഹ്റയിൽ നടന്ന ഗുരുതര വാഹനാപകടത്തിൽ 24ഉം 19-ഉം വയസ്സുള്ള രണ്ട് കുവൈത്തി യുവാക്കൾ മരണപ്പെട്ടു. അപകടത്തിൽ 27 വയസ്സുള്ള കുവൈത്തി യുവാവിനും 22 വയസ്സുള്ള ഗൾഫ് സ്വദേശിക്കും പരിക്കേറ്റു. അപകടസ്ഥലത്തെത്തിയ സുരക്ഷാ വിഭാഗവും അടിയന്തര മെഡിക്കൽ സംഘവും പരിക്കേറ്റവരെ നിരവധി ഫ്രാക്ചറുകളോടെ ആശുപത്രിയിലേക്ക് മാറ്റി. തൈമ പൊലീസ് സ്റ്റേഷനിൽ കേസെടുത്ത് അന്വേഷണം ആരംഭിച്ചിട്ടുണ്ട്.
ഇതിനിടെ, ഷാഅബ് പ്രദേശത്ത് നടന്ന മറ്റൊരു സംഭവത്തിൽ ഒരു സ്ത്രീ വാഹനമിടിച്ച് പരിക്കേറ്റ് അമിരി ആശുപത്രിയിൽ പ്രവേശിപ്പിക്കപ്പെട്ടു. റോഡ് മുറിച്ചു കടക്കുന്നതിനിടെ അപ്രതീക്ഷിതമായി മുന്നിലെത്തിയ സ്ത്രീയെ ഒഴിവാക്കാൻ ശ്രമിച്ചെങ്കിലും അപകടം ഒഴിവാക്കാൻ കഴിഞ്ഞില്ലെന്ന് ഡ്രൈവർ പൊലീസിനോട് പറഞ്ഞു. ഇരുവിഭാഗങ്ങളിലെയും സംഭവങ്ങളിൽ അധികൃതർ അന്വേഷണം തുടരുന്നു.
