കുവൈത്ത് സിറ്റി: കുവൈത്തിൽ സിവിൽ ഡിഫൻസ് ഉന്നതതല സമിതിയുടെ പതിവ് യോഗം ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ സബാഹിന്റെ അധ്യക്ഷതയിൽ ചേർന്നു.
രാജ്യത്തെ സിവിൽ ഡിഫൻസ് സംവിധാനങ്ങളുടെ പ്രവർത്തനങ്ങളും അടിയന്തര സാഹചര്യങ്ങൾ നേരിടുന്നതിനുള്ള തയ്യാറെടുപ്പുകളും വിലയിരുത്തുന്നതിനാണ് യോഗം ചേർന്നത്.അടിയന്തര സാഹചര്യങ്ങളിൽ വിവിധ സർക്കാർ വകുപ്പുകൾ തമ്മിലുള്ള ഏകോപനം ശക്തിപ്പെടുത്തുന്നതും പൊതുജനങ്ങളുടെ സുരക്ഷ ഉറപ്പാക്കുന്നതിനുള്ള നടപടികളും യോഗത്തിന്റെ പ്രധാന വിഷയങ്ങളായിരുന്നു.
അപ്രതീക്ഷിത സാഹചര്യങ്ങൾ നേരിടുന്നതിനുള്ള മുൻകരുതലുകൾ, അടിയന്തര പ്രതികരണ സംവിധാനങ്ങൾ, ബന്ധപ്പെട്ട സർക്കാർ ഏജൻസികളുടെ പ്രവർത്തനങ്ങൾ എന്നിവയുടെ പ്രാധാന്യവും യോഗവുമായി ബന്ധപ്പെട്ട് ചർച്ചാവിഷയമായി.രാജ്യത്തെ സുരക്ഷയും പൊതുജനങ്ങളുടെ സംരക്ഷണവും ഉറപ്പാക്കുന്നതിൽ സിവിൽ ഡിഫൻസ് സംവിധാനത്തിന് നിർണായക പങ്കാണുള്ളത്.
