കുവൈത്ത് സിറ്റി: പ്രാദേശിക സാഹചര്യങ്ങളെ തുടർന്ന് കുവൈത്ത് എയർസ്പേസ് താൽക്കാലികമായി അടച്ചതിനെ തുടർന്ന്, ജസീറ എയർവേയ്സ് സൗദി അറേബ്യയിലെ വിവിധ വിമാനത്താവളങ്ങൾ വഴി 1,200 വിമാന സർവീസുകൾ നടത്തി. ഇതിലൂടെ ഏകദേശം 1.32 ലക്ഷം യാത്രക്കാരെയും 300 ടണ്ണിലധികം ഭക്ഷ്യവസ്തുക്കളെയും കൈമാറിയതായി കമ്പനി അറിയിച്ചു.യാത്രക്കാരുടെ ഗതാഗതം സുഗമമാക്കാൻ ശക്തമായ ലജിസ്റ്റിക് പിന്തുണ ലഭിച്ചു.
കുവൈത്തിൽ നിന്ന് അൽ-ഖൈസുമയും ദമ്മാമും വിമാനത്താവളങ്ങളിലേക്ക് 8,400 ബസ് സർവീസുകൾ നടത്തിയതായും അദ്ദേഹം വ്യക്തമാക്കിയതായി സിഇഒ ബരതൻ പസുപതി വാർത്താസമ്മേളനത്തിൽ പറഞ്ഞു, വിവിധ തരത്തിലുള്ള വിസകളുള്ള യാത്രക്കാരെ സൗകര്യപ്രദമായി കൈകാര്യം ചെയ്യാൻ ഇരു രാജ്യങ്ങളിലെ അധികാരികളുടെ പിന്തുണ ലഭിച്ചതായി അദ്ദേഹം പറഞ്ഞു. എന്നാൽ ഇൻഷുറൻസ് ചെലവും ഇന്ധന ചെലവും വൻ തോതിൽ വർധിച്ചതോടെ പ്രവർത്തന ചെലവ് കൂടുകയും ടിക്കറ്റ് നിരക്കുകൾക്ക് ബാധ ഉണ്ടാകുകയും ചെയ്തതായി അദ്ദേഹം ചൂണ്ടിക്കാട്ടി.കുവൈത്ത് ഇന്റർനാഷണൽ ഫെയർഗ്രൗണ്ട്സ് നൽകിയ സൗകര്യങ്ങൾ പ്രവർത്തനങ്ങൾക്ക് വലിയ സഹായമായതായും അദ്ദേഹം നന്ദി അറിയിച്ചു.
Pp 300 ടണ്ണിലധികം ഭക്ഷ്യവസ്തുക്കൾ — മാംസവും മറ്റ് വേഗം നശിക്കുന്ന സാധനങ്ങളും ഉൾപ്പെടെ — നിയമാനുസൃതമായി കുവൈത്തിലേക്ക് എത്തിച്ചുവെന്ന് അതേസമയം നാസർ അൽ-ഒബൈദ് വ്യക്തമാക്കി, ടെർമിനൽ 5 (T5) ലെ മെയ്ന്റനൻസ് പ്രവർത്തനങ്ങൾ പൂർത്തിയായിട്ടുണ്ടെന്നും, എയർസ്പേസ് തുറന്നതിന് ശേഷം ജനറൽ അതോറിറ്റി ഓഫ് സിവിൽ ഏവിയേഷൻ അനുമതി നൽകുന്ന മുറയ്ക്ക് യാത്രക്കാരെ സ്വീകരിക്കാൻ സജ്ജമാണെന്നും അദ്ദേഹം കൂട്ടിച്ചേർത്തു.
