കുവൈത്ത് സിറ്റി: മനുഷ്യഉപയോഗത്തിന് തീർത്തും യോഗ്യമല്ലാത്ത ആറ് ലക്ഷത്തിലധികം കിലോഗ്രാം ജീർണ്ണിച്ച പച്ചക്കറികളും പഴവർഗ്ഗങ്ങളും കുവൈത്ത് അധികൃതർ പിടിച്ചെടുത്തു. ഷുവൈഖ് ഇൻഡസ്ട്രിയൽ ഏരിയ കേന്ദ്രീകരിച്ച് അധികൃതർ നടത്തിയ വ്യാപകമായ പരിശോധനയിലാണ് ഈ വൻ ലഹരിവിരുദ്ധ/ഭക്ഷ്യസുരക്ഷാ വേട്ട നടന്നത്. പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷന്റെ കീഴിലുള്ള കാപ്പിറ്റൽ ഗവർണറേറ്റ് ഇൻസ്പെക്ഷൻ വിഭാഗവും ആഭ്യന്തര മന്ത്രാലയ സുരക്ഷാ വിഭാഗവും സംയുക്തമായാണ് ഈ വൻ ഓപ്പറേഷൻ വിജയകരമായി പൂർത്തിയാക്കിയത്.വ്യാവസായിക മേഖലയിലെ ഒരു പ്രമുഖ വെയർഹൗസിൽ അതീവ ദയനീയമായ സാഹചര്യത്തിൽ ചീഞ്ഞഴുകിയ നിലയിലാണ് ഈ ഉൽപ്പന്നങ്ങൾ സൂക്ഷിച്ചിരുന്നത്.
പൊതുവിപണിയിലേക്ക് എത്തിക്കാൻ പാകത്തിൽ പ്രദർശിപ്പിച്ചിരുന്ന ആകെ 608,640 കിലോഗ്രാം കേടായ പഴങ്ങളും പച്ചക്കറികളുമാണ് അധികൃതർ പിടിച്ചെടുത്ത് നശിപ്പിച്ചത്. നിയമലംഘനം നടത്തിയവർക്കെതിരെ കടുത്ത നിയമനടപടികൾ ഉടനടി സ്വീകരിച്ചതായി ഉദ്യോഗസ്ഥർ വ്യക്തമാക്കി. ഇതോടൊപ്പം ആരോഗ്യ സുരക്ഷാ മാനദണ്ഡങ്ങൾ ലംഘിച്ച് പ്രവർത്തിച്ച മൂന്ന് കടകൾ അധികൃതർ അടിയന്തരമായി അടപ്പിച്ചു. പൊതുജനാരോഗ്യം സംരക്ഷിക്കുന്നതിനും ഭക്ഷ്യസുരക്ഷ ഉറപ്പാക്കുന്നതിനുമുള്ള ഇത്തരം കർശനമായ പരിശോധനകൾ വരും ദിവസങ്ങളിലും ശക്തമായി തുടരുമെന്ന് അധികൃതർ മുന്നറിയിപ്പ് നൽകി.
