കുവൈത്ത് സിറ്റി: ചില വ്യാപാര പ്രവർത്തനങ്ങൾക്ക് പണമായി (Cash) ഇടപാടുകൾ നടത്തുന്നത് വിലക്കുന്ന 2026-ലെ മന്ത്രിതല ഉത്തരവ് നമ്പർ 32 ലംഘിച്ചതിനെ തുടർന്ന് ഒരു ആരോഗ്യ സ്ഥാപനം വാണിജ്യ-വ്യവസായ മന്ത്രാലയം അടച്ചുപൂട്ടി.
വാണിജ്യ നിയന്ത്രണ-ഉപഭോക്തൃ സംരക്ഷണ വകുപ്പ് അടിയന്തര പരിശോധനാ സംഘവും ആഭ്യന്തര മന്ത്രാലയവും ചേർന്ന് നടത്തിയ പരിശോധനയിലാണ് നിയമലംഘനം കണ്ടെത്തിയത്. സ്ഥാപനത്തിൽ മറ്റ് നിയമലംഘനങ്ങളും കണ്ടെത്തിയതായി മന്ത്രാലയം അറിയിച്ചു.നിയമനടപടികൾ സ്വീകരിച്ച ശേഷം സ്ഥാപനം ഉടൻ അടച്ചുപൂട്ടിയതായും, നിയമലംഘനങ്ങൾക്കെതിരെ കർശന പരിശോധനകൾ തുടരുമെന്നും മന്ത്രാലയം വ്യക്തമാക്കി.
