ഹീറോ മോട്ടോകോർപ്പിന്റെ ഏറ്റവും ജനപ്രിയമായ ഉൽപ്പന്നങ്ങളിലൊന്നാണ് അടുത്തിടെ ഒരു അപ്‌ഡേറ്റ് ലഭിച്ച ഹീറോ എച്ച്എഫ് ഡീലക്സ്. പുതിയ 2023 ഹീറോ HF ഡീലക്സ് രണ്ട് വേരിയന്റുകളിൽ വരുന്നു - കിക്ക്-സ്റ്റാർട്ട്, സെൽഫ്-സ്റ്റാർട്ട് - യഥാക്രമം 60,760 രൂപയും 66,408 രൂപയുമാണ്. മേൽപ്പറഞ്ഞ എല്ലാ വിലകളും എക്സ്-ഷോറൂം വിലകള്‍ ആണ്. ബൈക്കില്‍ വരുത്തിയ എല്ലാ പ്രധാന അപ്‌ഡേറ്റുകളും നോക്കാം.സ്‌പോർട്ടിയർ പതിപ്പ്ഇത്തവണ നിങ്ങൾക്ക് ഹീറോ എച്ച്എഫ് ഡീലക്‌സിന്റെ സ്‌പോർട്ടിയർ പതിപ്പ് ലഭിക്കും. സ്‌പോർട്ടി ഓൾ-ബ്ലാക്ക് തീം ഫീച്ചർ ചെയ്യുന്ന പുതിയ ക്യാൻവാസ് ബ്ലാക്ക് എഡിഷൻ കമ്പനി ചേർത്തിട്ടുണ്ട്. കറുത്ത ഹെഡ്‌ലാമ്പ് കൗൾ, ഫ്യുവൽ ടാങ്ക്, ലെഗ് ഗാർഡ്, എൻജിൻ, അലോയ് വീലുകൾ, ഗ്രാബ് റെയിലുകൾ, എക്‌സ്‌ഹോസ്റ്റ് പൈപ്പ് എന്നിവ പുതിയ പതിപ്പിലുണ്ട്. ഇതിനു വിപരീതമായി, ഹാൻഡിൽബാർ, പിൻ സസ്‌പെൻഷൻ, ടെലിസ്‌കോപിക് ഫ്രണ്ട് ഫോർക്കുകൾ എന്നിവയ്ക്ക് ഒരേ ക്രോം ഫിനിഷാണുള്ളത്. എച്ച്എഫ് ഡീലക്സ് ക്യാൻവാസ് ബ്ലാക്ക് എഡിഷനിൽ സൈഡ് പാനലുകളിൽ 3D എച്ച്എഫ് ഡീലക്സ് മോണിക്കർ ഉണ്ട്.എന്താണ് നിലനിർത്തിയിരിക്കുന്നത്?എഞ്ചിൻ അതേപടി തുടരുന്നു. BS6 ഫേസ് 2 മാനദണ്ഡങ്ങൾ പാലിക്കുന്ന 97.2 സിസി, 4-സ്ട്രോക്ക്, സിംഗിൾ-സിലിണ്ടർ, എയർ കൂൾഡ് എഞ്ചിനിലാണ് പുതിയ 2023 ഹീറോ എച്ച്എഫ് ഡീലക്സ് വരുന്നത്. മോട്ടോർ അതിന്റെ മൊത്തത്തിലുള്ള പ്രകടനവും ഇന്ധനക്ഷമതയും വർധിപ്പിച്ചുകൊണ്ട് 'XSens ടെക്നോളജി' ഉപയോഗിച്ച് ഫ്യുവൽ ഇഞ്ചക്ഷൻ ടെക്നോളജി പ്രോഗ്രാം ചെയ്തിട്ടുണ്ട്. ഇത് പരമാവധി 8.02PS കരുത്തും 8.05Nm ടോർക്കും പുറപ്പെടുവിക്കുന്നു. നിലവിലെ അതേ 4-സ്പീഡ് ഗിയർബോക്സാണ് ട്രാൻസ്‍മിഷൻ ഡ്യൂട്ടി ചെയ്യുന്നത്.എന്താണ് കൂടുതൽ?പുതിയ 2023 ഹീറോ എച്ച്എഫ് ഡീലക്‌സിന് ഹെഡ്‌ലാമ്പ് കൗൾ, സൈഡ് പാനലുകൾ, ഇന്ധന ടാങ്ക്, സീറ്റിനടിയിലെ പാനലുകൾ എന്നിവയിൽ പുതിയ സ്‌പോർട്ടി ഗ്രാഫിക്‌സ് (സ്ട്രൈപ്പുകൾ) ഉണ്ട്. പുതിയ സ്ട്രൈപ്പുകൾക്കായി വാങ്ങുന്നവർക്ക് നാല് കളർ ഓപ്ഷനുകളുണ്ട്, അതായത് ബ്ലാക്ക് വിത്ത് സ്‌പോർട്‌സ് റെഡ്, നെക്‌സസ് ബ്ലൂ, ഹെവി ഗ്രേ വിത്ത് ബ്ലാക്ക്, കാൻഡി ബ്ലേസിംഗ് റെഡ്. സെൽഫ്, സെൽഫ് i3S വേരിയന്റുകളിൽ ഇപ്പോൾ അലോയി വീലുകളും ട്യൂബ് ലെസ് ടയറുകളും ലഭ്യമാണ്. യുഎസ്ബി ചാർജറും ബൈക്കിനുണ്ട്.വിലപുതിയ ഹീറോ എച്ച്എഫ് ഡീലക്സ് വില - വേരിയന്റ് എക്സ്-ഷോറൂം എന്ന ക്രമത്തില്കിക്ക്-സ്റ്റാർട്ട് 60,760 രൂപസെല്ഫ് സ്റ്റാര്‍ട്ട് 66,408 രൂപ
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?