സിപിഐ നേതൃത്വവുമായി ഭിന്നത: രാഷ്ട്രീയ അഭ്യൂഹങ്ങൾക്ക് ഇടനൽകി കനയ്യ കുമാർ ജെഡിയു നേതൃത്വവുമായി കൂടിക്കാഴ്ച നടത്തി

  • 16/02/2021

പാട്ന: ജെഎൻയു സ്റ്റുഡന്റ്‌സ് യൂണിയൻ മുൻ പ്രസിഡന്റ് കനയ്യ കുമാറിന് സിപിഐ നേതൃത്വവുമായി ഭിന്നത രൂക്ഷമായി. ഈ സാഹചര്യത്തിൽ രാഷ്ട്രീയ അഭ്യൂഹങ്ങൾക്ക് ഇടനൽകി കനയ്യ കുമാർ ജെഡിയു നേതൃത്വവുമായി കൂടിക്കാഴ്ച നടത്തി. ബിഹാർ മുഖ്യമന്ത്രി നിതീഷ് കുമാറിന്റെ വിശ്വസ്തനും ജെഡിയുവിന്റെ അമിത്ഷാഎന്നും അറിയപ്പെടുന്ന അശോക് ചൗധരിയുമായാണ് കനയ്യകുമാർ ചർച്ച നടത്തിയത്.

ഡിസംബറിൽ പാട്നയിലെ പാർട്ടി ഓഫിസിൽ കനയ്യയുടെ അനുയായികൾ ഓഫിസ് സെക്രട്ടറി ഇന്ദു ഭൂഷനെ കൈയേറ്റം ചെയ്ത സംഭവത്തിൽ സിപിഐ ദേശീയ കൗൺസിലിൽ താക്കീത് ചെയ്തിരുന്നു. ബഗുസരായി ജില്ലാ കൗൺസിൽ യോഗം മാറ്റിവച്ചകാര്യം കനയ്യയെ അറിയിച്ചില്ലെന്ന് പറഞ്ഞായിരുന്നു ഇന്ദു ഭൂഷനെ പ്രാദേശിക നേതാക്കൾ മർദ്ദിച്ചത്. എന്നാൽ സംഭവത്തിൽ താൻ പങ്കെടുത്തിട്ടില്ലെന്ന് കനയ്യ വ്യക്തമാക്കി.

ദേശീയ എക്സിക്യൂട്ടീവ് കൗൺസിൽ തന്നെ താക്കിത് ചെയ്ത നടപടി പിൻവലിക്കണമെന്നും കനയ്യ കുമാർ ആവശ്യപ്പെട്ടു. ഇക്കാര്യത്തിൽ എന്നാൽ പാർട്ടി നടപടി തിരുത്താൻ തയാറല്ലെന്ന് വ്യക്തമാക്കി. അശോക് ചൗധരിയെ കനയ്യ കണ്ടത് ഈ സാഹചര്യത്തിലാണ്. പട്‌നയിലെ വസതിയിലായിരുന്നു കൂടിക്കാഴ്ച. ഇതോടെ കനയ്യ സിപിഐ വിട്ട് ജെഡിയുവിൽ ചേരുമെന്ന അഭ്യൂഹം ആണ് ഇപ്പോൾ ശക്തമായത്. കഴിഞ്ഞ ലോക്സഭാ തെരഞ്ഞെടുപ്പിൽ പരാജയപ്പെട്ട കനയ്യയ്ക്ക് ഇത്തവണ നിയമസഭാ തെരഞ്ഞെടുപ്പിൽ പാർട്ടി സീറ്റ് നൽകാത്തത് സംബന്ധിച്ച് കനയ്യ ശക്തമായ പ്രതിഷേധം പാർട്ടിയിൽ ഉയർത്തിയിരുന്നു.

കൂടിക്കാഴ്ച സൗഹാർദ്ദപരമായിരുന്നെന്ന് പ്രഖ്യാപിച്ചതൊഴിച്ചാൽ ചർച്ച ആയത് എന്താണെന്ന് അടക്കം കനയ്യ വ്യക്തമാക്കിയില്ല. അതേസമയം, കമ്യൂണിസ്റ്റ് പ്രത്യയശാസ്ത്രം ഉപേക്ഷിച്ച് ‘അച്ചടക്കമുള്ള നേതാവായി’ മാറാൻ തയാറാണെങ്കിൽ കനയ്യയെയെ സ്വാഗതം ചെയ്യുമെന്ന് ജെഡിയു വക്താവ് അജയ് അലോക് പറഞ്ഞു. കനയ്യ ജെഡിയുവിൽ ചേർന്ന് മുഖ്യധാരയിലെയ്ക്ക് വരുന്നതിനെ എതിർക്കേണ്ടതില്ലെന്ന് ബിജെപിയും വ്യക്തമാക്കി. കഴിഞ്ഞ ദിവസമാണ് ബിഎസ്പിയുടെ ഏക എംഎൽഎയും ഒരു സ്വതന്ത്ര എംഎൽഎയും ജെഡിയുവിന്റെ ഭാഗമായത്.

Related News

വധുവിന് വീട്ടുകാര്‍ നല്‍കുന്ന സ്വത്തില്‍ ഭര്‍ത്താവിന് അവകാശമ ...
  • 26/04/2024
വിവാഹ പന്തലില്‍ വൻ തീപിടിത്തം; മൂന്ന് കുട്ടികളടക്കം ആറ് പേര് ...
  • 26/04/2024
15.88 കോടി വോട്ടര്‍മാര്‍, 1202 സ്ഥാനാര്‍ഥികള്‍, 1.67 ലക്ഷം പ ...
  • 25/04/2024
മോദി ഗ്യാരണ്ടിയില്‍ BJP, തിരിച്ചുപിടിക്കാൻ കോണ്‍ഗ്രസ്; രണ്ടാ ...
  • 25/04/2024
മോദിയുടെ വിദ്വേഷ പരാമർശത്തിൽ തെരഞ്ഞെടുപ്പ് കമ്മീഷൻ ഇടപെടൽ, ബ ...
  • 25/04/2024
'മമ്മീ.. കരയരുത്, സന്തോഷമായിട്ടിരിക്കണം, എല്ലാം ശരിയാകുമെന്ന ...
  • 25/04/2024
വീട്ടിലെ വോട്ടിൽ വീഴ്ച മനപൂർവമല്ല; ഇതുവരെ രേഖാമൂലം പരാതിലഭിച ...
  • 24/04/2024
8 വര്‍ഷമായി നിര്‍മാണത്തിലിരിക്കുന്ന കൂറ്റൻ പാലം, ശക്തമായ കാറ ...
  • 23/04/2024
കാമുകിയില്ലെന്ന് പറഞ്ഞ് കളിയാക്കിയ സുഹൃത്തിനെ 17കാരന്‍ കുത്ത ...
  • 23/04/2024
വർഗീയ വാദികൾക്ക് പ്രവേശനമില്ലാത്ത സിപിഎം ആസ്ഥാനത്ത് ബിജെപി സ ...
  • 23/04/2024
ഒറ്റയാനായി ഡി.ഗുകേഷ്; കാൻഡിഡേറ്റസ് ചെസ് കിരീടത്തിൽ മുത്തമിട് ...
  • 22/04/2024
ആരോഗ്യ ഇൻഷുറൻസിന് ഇനി പ്രായപരിധിയില്ല; 65 വയസ് കഴിഞ്ഞാലും ഇൻ ...
  • 22/04/2024