കശ്മീരിൽ വീരമൃത്യു വരിച്ച മലയാളി സൈനികന് ശൗര്യ ചക്ര; നായിബ് സുബൈദാർ ശ്രീജിത്തിന് രാജ്യത്തിൻറെ ആദരം

  • 25/01/2022

ദില്ലി: ജമ്മു കശ്മീരിൽ വീരമൃത്യു വരിച്ച മലയാളി സൈനികൻ നായിബ് സുബേദർ എം ശ്രീജിത്തിന് ശൗര്യചക്ര. ശ്രീജിത്ത് ഉൾപ്പടെ പന്ത്രണ്ട് സേന അംഗങ്ങൾക്കാണ് ശൗര്യചക്ര നൽകി രാജ്യം ആദരിക്കുക. ഒളിമ്പിക്‌സിലെ നേട്ടത്തിന്  സുബേദാർ നീരജ് ചോപ്രക്ക് പരം വിശിഷ്ട സേവാ മെഡൽ  സമ്മാനിക്കും. 

മരണാന്തരബഹുമതിയായി ഒമ്പത് പേർക്ക് അടക്കം പന്ത്രണ്ട് ജവാന്മാർക്കാണ് ശൗര്യചക്ര. കരസേനയിൽ നിന്ന് ശൗര്യചക്ര സമ്മാനിക്കുന്ന അഞ്ച് പേരും കശ്മീരിലെ സേവനത്തിനിടെ വീരമൃത്യു വരിച്ചവരാണ്. മറ്റു ആറ് പേർ സിആർപിഎഫ് ജവാന്മാരാണ്. കഴിഞ്ഞ വർഷം ജൂലായ് എട്ടിനാണ് രജൌരിയിലെ നിയന്ത്രണരേഖയിൽ നടന്ന നുഴഞ്ഞകയറ്റ ശ്രമം ശ്രീജീത്തിന്റെ നേതൃത്വത്തിലുള്ള സൈനികർ തടഞ്ഞത്. തുടർന്ന് നടന്ന ഏറ്റുമുട്ടലിൽ ആറ് ഭീകരരെ സൈന്യം വധിച്ചു. ശ്രീജീത്തിനൊപ്പം വീരമൃത്യു വരിച്ച സിപായി എം. ജസ്വന്ത് റെഡ്ഢിക്കും ശൗര്യചക്ര നൽകി ആദരിക്കും. കോഴിക്കോട് കൊയിലാണ്ടി ചേമഞ്ചേരി സ്വദേശിയാണ് ശ്രീജിത്ത്. 

384 സൈനികർക്കാണ് സേന മെഡലുകൾ പ്രഖ്യാപിച്ചത്. ഉത്തം സേവാ മെഡലിന് രണ്ട് മലയാളികൾ അർഹരായി. ലെഫ്റ്റനന്റ് ജനറൽ ജോൺസൺ പി മാത്യു, ലെഫ്റ്റനന്റ് ജനറൽ പി.ഗോപാലകൃഷ്ണമേനോൻ എന്നിവർക്കാണ് ഉത്തം സേവ മെഡൽ ലഭിക്കുക. ലെഫ്. ജനറൽ എം ഉണ്ണികൃഷ്ണൻ നായർക്ക്  അതിവിശിഷ്ട സേവാ മെഡൽ  നൽകി ആദരിക്കും. ഒളിമ്പിക്‌സിലെ സുവർണ്ണ മെഡൽ നേട്ടം കണക്കിലെടുത്താണ് സുബേദാർ നീരജ് ചോപ്രക്ക് പരം വിശിഷ്ട സേവാ മെഡൽ  നൽകി ആദരിക്കുന്നത്. ഉന്നതസൈനിക ഉദ്യോഗസ്ഥർക്കൊപ്പമാണ് സുബൈദാർ റാങ്കിലുള്ള നീരജിന് ഈ നേട്ടം.

Related News

'ഞാനൊരിക്കലും ഹിന്ദുവെന്നോ മുസ്ലീമെന്നോ പറഞ്ഞിട്ടില്ല'; വിവാ ...
  • 14/05/2024
30 വര്‍ഷം മുമ്ബ് മരണപ്പെട്ട മകള്‍ക്കൊരു വരനെ വേണം; പത്രത്തില ...
  • 14/05/2024
3 വിദ്യാര്‍ത്ഥികളെ കിണറ്റില്‍ മരിച്ച നിലയില്‍ കണ്ടെത്തി
  • 14/05/2024
വാരാണസിയില്‍ മൂന്നാമങ്കത്തിനൊരുങ്ങി പ്രധാനമന്ത്രി, പത്രിക സമ ...
  • 14/05/2024
രണ്ടര പതിറ്റാണ്ടിലെ റെക്കോര്‍ഡ് പോളിംഗ്; ചരിത്രമെഴുതി ശ്രീനഗ ...
  • 14/05/2024
ഇറാനിലെ ചബഹാര്‍ തുറമുഖം 10 വര്‍ഷത്തേക്ക് ഇന്ത്യക്ക്
  • 14/05/2024
രാഹുല്‍ ഗാന്ധിക്കെതിരെ മത്സരിക്കുന്ന ബിജെപി സ്ഥാനാര്‍ത്ഥിക്ക ...
  • 13/05/2024
ലൈംഗിക പീഡനം; ഇമാമിനെ കൊലപ്പെടുത്തി മദ്രസ വിദ്യാര്‍ത്ഥികള്‍, ...
  • 13/05/2024
സിബിഎസ്‌ഇ പ്ലസ് ടു ഫലം പ്രഖ്യാപിച്ചു; 87.98 ശതമാനം വിജയം; മേ ...
  • 13/05/2024
രാജ്യം നാലാം ഘട്ട വോട്ടെടുപ്പിലേക്ക്; ഇന്ന് ജനവിധി തേടുന്നത് ...
  • 12/05/2024
'കെജ്രിവാളിന്റെ മാനസിക നില തെറ്റി'; ബിജെപിയിലെ പ്രായപരിധി വി ...
  • 12/05/2024
ദില്ലിയിലെ 2 ആശുപത്രികളിലും വിമാനത്താവളത്തിലും ബോംബ് ഭീഷണി; ...
  • 12/05/2024