ബസ് ഡിവൈഡറിൽ ഇടിച്ച് മറിഞ്ഞ് തീപിടിച്ച് 25 യാത്രക്കാർ വെന്തുമരിച്ചു

  • 01/07/2023

മഹാരാഷ്ട്ര: മഹാരാഷ്ട്രയിൽ ബസ് ഡിവൈഡറിൽ ഇടിച്ച് മറിഞ്ഞ് തീപിടിച്ച് 25 പേർ വെന്തുമരിച്ചു. മഹാരാഷ്ട്രയിലെ ബുൽദാനയിലെ സമൃദ്ധി എക്പ്രസ് ഹൈവേയിലാണ് ദാരുണമായ സംഭവം. എട്ടോളം പേർക്ക് പരിക്കേറ്റു. മഹാരാഷ്ട്രയിലെ യവത്മാലിൽ നിന്ന് പൂനെയിലേക്ക് പോയ ബസാണ് അപകടത്തിൽപ്പെട്ടത്.

ശനിയാഴ്ച പുലർച്ചെ രണ്ട് മണിയോടെയാണ് അപകടം. ഡിവൈഡറിൽ തട്ടി മറിഞ്ഞ ബസിൽ തീപിടിക്കുകയായിരുന്നു. ബസ് മറിഞ്ഞതിണ് പിന്നാലെ ഡീസൽ ടാങ്കിന്റെ ഭാഗത്ത് നിന്നും പൊട്ടിത്തെറിയുണ്ടായതായാണ് റിപ്പോർട്ട്. എട്ടോളം പേർക്ക് പരിക്കേറ്റു. ഇവരെ വിവിധ ആശുപത്രികളിൽ പ്രവേശിപ്പിച്ചു. ഇവരുടെ പരിക്ക് ഗുരുതരമാണെന്ന് അധികൃതർ വ്യക്തമാക്കി.

ഡോറിന്റെ വശത്തേക്ക് ബസ് മറിഞ്ഞതിനാൽ ആളുകൾക്ക് പുറത്തുകടക്കാനായില്ല. രക്ഷപ്പെട്ടവർ ബസിന്റെ ചില്ല് പൊട്ടിച്ച് പുറത്തിറങ്ങിയവരാണ്. പോലീസും അഗ്‌നിശമന ഉദ്യോഗസ്ഥരും സ്ഥലത്തെത്തിയാണ് രക്ഷാപ്രവർത്തനം നടത്തിയത്. മൃതദേഹങ്ങൾ തിരിച്ചറിയാനാകാത്ത തരത്തിലാണ്. പ്രദേശത്ത് മഴയുണ്ടായിരുന്നുവെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

Related News

ആറ് ദിവസത്തില്‍ മൂന്ന് രാജ്യങ്ങള്‍: മോദി ഇന്ന് നൈജീരിയയിലേക് ...
  • 16/11/2024
മുൻ എസ്പി, ഉന്നത പദവി വാഗ്ദാനം ചെയ്ത് 25 ലക്ഷം തട്ടി; പരാതിയ ...
  • 16/11/2024
3 വര്‍ഷം പ്രണയം; ആളൊഴിഞ്ഞ സ്ഥലത്ത് വെച്ച്‌ കാമുകിയെ ചുംബിച്ച ...
  • 16/11/2024
കൈക്കുഞ്ഞുള്‍പ്പെടെ 2 കുട്ടികളും ഒരു സ്ത്രീയും, അഴുകിയ മൃതദേ ...
  • 16/11/2024
വയനാട് ഉരുള്‍പൊട്ടല്‍ ദുരന്തബാധിതരുടെ കടം എഴുതിത്തള്ളാൻ നിര് ...
  • 16/11/2024
എലിവിഷം വച്ച മുറിയില്‍ കിടന്നുറങ്ങി, 2 കുഞ്ഞുങ്ങള്‍ക്ക് ദാരു ...
  • 15/11/2024
പ്രൈമറി സ്കൂളുകള്‍ അടച്ചിടും, ഡീസല്‍ ബസ് വേണ്ട, നിര്‍മ്മാണ പ ...
  • 15/11/2024
ട്രംപിന്റെ വിജയം: അദാനിയുടെ കണ്ണുകള്‍ യുഎസിലേക്ക്, വൻ നിക്ഷേ ...
  • 14/11/2024
'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024
193 പേരുമായി പറക്കുന്നതിനിടെ യാത്രക്കാരന്റെ സംശയം; ഇന്റിഗോ വ ...
  • 14/11/2024
ജന്‍ജാതീയ ഗൗരവ് ദിവസ് നവംബര്‍ 15ന്; മോദി ഉദ്ഘാടനം ചെയ്യും
  • 13/11/2024
ഝാര്‍ഖണ്ഡ് പോളിങ് ബൂത്തില്‍, ആദ്യഘട്ടത്തില്‍ ജനവിധി തേടി ചംപ ...
  • 12/11/2024