കുവൈറ്റ് സിറ്റി: സുരക്ഷാ മാനദണ്ഡങ്ങൾ ലംഘിച്ച് പ്രവർത്തിച്ച സ്ഥാപനങ്ങൾക്കെതിരെ കുവൈറ്റ് ജനറൽ ഫയർ ഫോഴ്സ് കനത്ത നടപടി സ്വീകരിച്ചു. അൽ-വഫ്ര കാർഷിക മേഖലയിൽ അഗ്നിശമന സേന നടത്തിയ വ്യാപകമായ പരിശോധനയിലാണ് കടുത്ത സുരക്ഷാ വീഴ്ചകൾ കണ്ടെത്തിയത്. കൃത്യമായ അഗ്നിസുരക്ഷാ ക്രമീകരണങ്ങളും പ്രതിരോധ സംവിധാനങ്ങളും ഒരുക്കുന്നതിൽ പരാജയപ്പെട്ട എട്ട് സ്ഥാപനങ്ങളും കടകളും അധികൃതർ ഭരണപൂർവ്വമായി അടപ്പിച്ചു. കൂ
ടാതെ, അഗ്നിശമന സേന നിർദ്ദേശിച്ച സുരക്ഷാ മാനദണ്ഡങ്ങൾ പാലിക്കാത്ത മറ്റ് പതിനേഴ് സ്ഥാപനങ്ങൾക്ക് നിയമലംഘന നോട്ടീസുകൾ നൽകുകയും ചെയ്തിട്ടുണ്ട്. പൊതുജനങ്ങളുടെ ജീവനും സ്വത്തിനും സംരക്ഷണം ഉറപ്പാക്കുന്നതിനും രാജ്യത്തെ അഗ്നിസുരക്ഷാ നിയമങ്ങൾ കർശനമായി പാലിക്കുന്നുണ്ടെന്ന് ഉറപ്പുവരുത്തുന്നതിനുമായി നടത്തുന്ന തുടർച്ചയായ ശ്രമങ്ങളുടെ ഭാഗമായാണ് ഈ പരിശോധനയെന്ന് അധികൃതർ വ്യക്തമാക്കി. വരും ദിവസങ്ങളിലും പരിശോധനകൾ കൂടുതൽ ശക്തമാക്കാനാണ് സുരക്ഷാ വിഭാഗത്തിന്റെ തീരുമാനം.
