ഐ സി എഫ് ആഗോളയാത്രയ്ക്ക് കുവൈത്തിൽ സ്വീകരണം

  • 05/02/2024

കുവൈത്ത് സിറ്റി: ഓരോ കാലത്തും മാനവിക സമൂഹത്തിന് വെളിച്ചം പകർന്നു നൽകിയ പൂർവ്വികരുടെ പാദമുദ്രകൾ നോക്കി സൂക്ഷ്മസഞ്ചാരം നടത്തുന്നതോടൊപ്പം പുതിയ കാലത്തെ മാറ്റങ്ങൾ ഉൾക്കൊണ്ട് വ്യക്തി ജീവിതവും സാമൂഹിക പ്രതിനിധാനങ്ങളും ക്രിയാത്മകമായി ക്രമപ്പെടുത്തേണ്ടതുണ്ടെന്നു ഐ സി എഫ് ഇന്റർനാഷണൽ കൗൺസിൽ ജനറൽ സെക്രട്ടറി നിസാർ സഖാഫി ഒമാൻ പ്രസ്താവിച്ചു.
ഐ സി എഫ് അന്തർദേശീയ തലത്തിൽ നടപ്പാക്കുന്ന മാനവ വികസന വർഷം പദ്ധതികളുടെ പ്രചാരണ ഭാഗമായി നടത്തുന്ന സ്നേഹസഞ്ചാരത്തിനു കുവൈത്തിൽ നൽകിയ സ്വീകരണത്തിൽ സന്ദേശ പ്രഭാഷണം നടത്തുകയായിരുന്നു അദ്ദേഹം.

വ്യക്തികളും പ്രസ്ഥാനവും വലിയ സ്വപ്നങ്ങൾ കാണാൻ ശീലിക്കുകയും അവ യാഥാർഥ്യമാക്കുന്നതിനു നിതാന്തമായി പരിശ്രമിക്കുകയും വേണം. എങ്കിൽ വിപ്ലവകരമായ മുന്നേറ്റങ്ങൾ സാധ്യമാണെന്നും ചരിത്രത്തിലെയും സമകാലത്തേയും സാമൂഹിക മുന്നേറ്റങ്ങളെ പഠിക്കാൻ തയാറായാൽ അതു ബോധ്യമാകുമെന്നും അദ്ദേഹം പറഞ്ഞു. ത്യാഗവും സമർപ്പണവും നിറഞ്ഞ വഴികൾ താണ്ടിയാണു സ്വപ്‌നങ്ങൾ സാക്ഷാൽകരിക്കപ്പെടുക. അതിനാൽ നിഷ്‌ക്രിയരാകാനുള്ള കാരണങ്ങൾ തേടിപ്പോകാതെ പ്രതികൂല സാഹചര്യങ്ങളോട് പൊരുതി മുന്നേറാൻ പരിശ്രമിക്കണമെന്നും നിസാർ സഖാഫി ഉദ്ബോധിപ്പിച്ചു. 

കുവൈത്ത് ഐ സി എഫ് പ്രസിഡന്റ് അലവി സഖാഫിയുടെ അധ്യക്ഷതയിൽ അബ്ബാസിയ ഇന്ത്യൻ സെൻട്രൽ സ്കൂൾ ഓഡിറ്റോറിയത്തിൽ ചേർന്ന സ്വീകരണസമ്മേളനം അബ്ദുല്ല വടകര ഉദ്ഘാടനം ചെയ്തു. സൈദലവി തങ്ങൾ സഖാഫി പ്രാർത്ഥന നിർവഹിച്ചു. അബ്ദുൽ അസീസ് സഖാഫി മമ്പാട് (യു.എ.ഇ.) സമാപന പ്രസംഗം നടത്തി. 

അബ്ദുൽഹമീദ് ചാവക്കാട്, അഹ്‌മദ്‌ സഖാഫി കാവനൂർ, ശുകൂർ മൗലവി കൈപ്പുറം, അബ്ദുൽ അസീസ് സഖാഫി കൂനോൽമാട്, ബഷീർ അണ്ടിക്കോട് സംബന്ധിച്ചു. സാലിഹ് കെ സ്വാഗതവും സമീർ എ എം നന്ദിയും പറഞ്ഞു.

Related News

സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024
ഡോ. യൂഹാനോൻ മാർ മിലിത്തിയോസ്‌ മെത്രാപ്പോലിത്തായ്ക്ക്‌ സ്വീകര ...
  • 22/11/2024
കെ.എം ഷാജിക്ക് കുവൈത്ത് കെഎംസിസി സ്വീകരണം നൽകി
  • 20/11/2024
കുവൈത്ത് കെഎംസിസി 'തംകീൻ-24' നവംബർ 22 ന്
  • 19/11/2024
19-ാമത് ഗര്‍ഷോം രാജ്യാന്തര പുരസ്കാര വിതരണം അർമേനിയയിൽ, കുവൈത ...
  • 19/11/2024
അൽ തൈസീർ ഖുർആൻ പഠിതാക്കളുടെ സംഗമം സംഘടിപ്പിച്ചു
  • 19/11/2024
തനിമ കുവൈത്ത്‌ - 18ആം ദേശീയ വടംവലി മത്സരവും പേൾ ഓഫ്‌ ദി സ്കൂ ...
  • 19/11/2024
പ്രതീക്ഷ ഇന്ത്യൻ അസോസിയേഷൻ ഓണനിലാവ് 2024 സംഘടിപ്പിച്ചു
  • 18/11/2024
കെ.ഡി.എൻ.എ വിദ്യാഭ്യാസ അവാർഡുകൾ പ്രഖ്യാപിച്ചു
  • 18/11/2024
ട്രാസ്ക് ഫുട്ബോൾ ടൂർണമെന്റ് 2K24
  • 17/11/2024
സാരഥി കുവൈറ്റ്, രജത ജൂബിലി സാരഥീയം@25 പ്രൗഢ ഗംഭീരമായി ആഘോഷിച ...
  • 17/11/2024