പ്രവാസി ലീഗൽ സെൽ കുവൈറ്റ് ചാപ്റ്ററിനു പുതിയ ഭാരവാഹികൾ

  • 17/03/2024



കുവൈറ്റ് സിറ്റി: കുവൈറ്റ് സിറ്റി ബോളിവുഡ്  ഹാളിൽ നടന്ന എക്സിക്യൂട്ടീവ് കൗൺസിൽ യോഗത്തിൽ വെച്ച്‌ ഗ്ലോബൽ നേതൃത്വത്തിന്റെ അംഗീകാരത്തോടുകൂടി 2024-25 വർഷത്തേക്കുള്ള പ്രവാസി ലീഗൽ സെൽ കുവൈറ്റ് ചാപ്റ്റർ ഭാരവാഹികളെ പ്രഖ്യാപിച്ചു. പി എൽ സി കുവൈറ്റ് കൺട്രി ഹെഡ് ചുമതല വഹിച്ചിരുന്ന
ശ്രീ ബാബു ഫ്രാൻസിന്റെ അധ്യക്ഷതയിൽ നടന്ന യോഗത്തിൽ ചാപ്റ്റർ പ്രസിഡന്റായി ബിജു സ്റ്റീഫൻ, ജനറൽ സെക്രട്ടറിയായി ഷൈജിത്ത്‌.കെ, ട്രഷററായി രാജേഷ് ഗോപി, രക്ഷാധികാരിയായി ജയകുമാർ, കോ ഓർഡിനേറ്ററായി അനിൽ മൂടാടി, ഉപദേശക സമിതി അംഗങ്ങളായി  ഗംഗൈ ഗോപാൽ, അഡ്വ. റെക്സി വില്യംസ്, ഡോ.ഷാജു പി.എസ് കൂടാതെ വൈസ് പ്രസിഡന്റുമാരായി ചാൾസ് പി.ജി, അനിരുദ്ധൻ വി.പി, സെക്രട്ടറിമാരായി ശ്രീകുമാർ പി, ബാബു സി മീഡിയ കമ്മിറ്റി അംഗങ്ങളായി അഖിൽ, അനു മോഹൻ പബ്ളിക് റിലേഷൻ കമ്മിറ്റി അംഗങ്ങളായി കിരൺ രാജഗോപാൽ, അഖിൻ സോമരാജ്, റഹ്മാൻ അസ്‌ലം എന്നിവരടങ്ങുന്ന പുതിയ കമ്മിറ്റി ചുമതലയേറ്റു. ബിജു സ്റ്റീഫൻ വാർഷിക റിപ്പോർട്ട് അവതരിപ്പിച്ചു. ഷൈജിത്ത് വാർഷിക യോഗത്തിൽ സ്വാഗതവും ശ്രീകുമാർ നന്ദിയും പറഞ്ഞു. കുവൈറ്റ് പ്രവാസി സമൂഹത്തിൽ അഞ്ചു വർഷം പൂർത്തിയാക്കുന്ന പ്രവാസി ലീഗൽ സെൽ കുവൈറ്റ് ചാപ്റ്ററിന്റെ വാർഷിക പരിപാടികൾ മെയ് ജൂൺ മാസങ്ങളിൽ സംഘടിപ്പിക്കുമെന്ന് ഭാരവാഹികൾ അറിയിച്ചു.

ദേശീയ തലത്തിൽ രജിസ്ട്രർ ചെയ്ത് പ്രവർത്തിക്കുന്ന പ്രവാസി ലീഗൽ സെല്ലിൽ സുപ്രീം കോടതിയിലേയും ഹൈക്കോടതിയിലേയും വിരമിച്ച ജഡ്ജിമാർ, അഭിഭാഷകർ, സാമൂഹിക പ്രവർത്തകർ, അക്കാദമിക് വിദഗ്ധർ, ഇന്ത്യയിലെ പൊതുപ്രവർത്തകർ എന്നിവർ  പ്രവർത്തിക്കുന്നു.  നീതി ലഭിക്കാൻ വേണ്ടി സാധാരണ ഇന്ത്യൻ പൗരൻ നേരിടുന്ന അനേകം വിഷമതകൾ ലഘൂകരിക്കുക, ജാതി-മത-ലിംഗ-ഭാഷ-ജനന സ്ഥലം മുതലായവയിൽ വിവേചനമില്ലാതെ എല്ലാവർക്കും അന്തസ്സും സംരക്ഷണവും ഉറപ്പാക്കുക തുടങ്ങിയവയാണ് പി‌എൽ‌സി ലക്ഷ്യം. ഇന്ത്യൻ പൗരന്റെ ഭരണഘടനാപരവും നിയമപരവുമായ അവകാശങ്ങളും ശരിയായ നീതിയും ഇന്ത്യയിൽ ലഭിക്കാൻ  നിയമസഹായവും നൽകുന്നു. കൂടാതെ വിദേശ രാജ്യങ്ങളിൽ തദ്ദേശീയ അഭിഭാഷകരും, നിയമജ്ഞരുമായി സഹകരിച്ചു കൊണ്ട് നിയമ ബോധവൽക്കരണ പരിപാടികളും, നിയമ ഉപദേശങ്ങളും, നിയമ സഹായങ്ങളും നൽകി വരുന്നു.

പി‌ എൽ‌ സി പാനലിലെ പ്രതിജ്ഞാബദ്ധരായ നിരവധി അഭിഭാഷകർ വിവിധ ജുഡീഷ്യൽ ഫോറങ്ങളിൽ ഇന്ത്യയിൽ സാധാരണക്കാർക്ക് വേണ്ടി ഹാജരായി  നിയമ സഹായവും, സൗജന്യ നിയമ ഉപദേശവും നൽകാൻ സന്നദ്ധരായി പ്രവർത്തിക്കുന്നു.പ്രമുഖ അക്കാദമിക് സ്ഥാപനങ്ങളുമായും സംഘടനകളുമായും സഹകരിച്ച് വിദഗ്ധരായ പരിശീലകരുടെ പിന്തുണയോടെ പൊതുജനങ്ങളിൽ നിയമ അവബോധം വ്യാപിപ്പിക്കുന്നതിന് പി‌ എൽ‌ സി ഇന്ത്യയിലും വിദേശത്തും  പ്രതിജ്ഞാബദ്ധമായി പ്രവർത്തിച്ചു വരുന്നു. മുൻ സുപ്രീം കോടതി ചീഫ് ജസ്റ്റിസും, ദേശീയ മനുഷ്യാവകാശ കമ്മീഷൻ ചെയർമാനുമായിരുന്ന ജസ്റ്റിസ് കെ.ജി. ബാലകൃഷ്ണനാണ് പ്രവാസി ലീഗൽ സെല്ലിന്റെ രക്ഷാധികാരി.


വീഡിയോ ലിങ്ക്
https://we.tl/t-DV9QiHaf1v

Related News

സ്പന്ദനം കുവൈത്ത് ഭാരവാഹികൾ
  • 23/11/2024
തിരുവല്ല പ്രവാസി അസോസിയേഷൻ ഫാമിലി പിക്കിനിക്കിന്റെ ഫ്‌ളൈയർ ...
  • 22/11/2024
ഡോ. യൂഹാനോൻ മാർ മിലിത്തിയോസ്‌ മെത്രാപ്പോലിത്തായ്ക്ക്‌ സ്വീകര ...
  • 22/11/2024
കെ.എം ഷാജിക്ക് കുവൈത്ത് കെഎംസിസി സ്വീകരണം നൽകി
  • 20/11/2024
കുവൈത്ത് കെഎംസിസി 'തംകീൻ-24' നവംബർ 22 ന്
  • 19/11/2024
19-ാമത് ഗര്‍ഷോം രാജ്യാന്തര പുരസ്കാര വിതരണം അർമേനിയയിൽ, കുവൈത ...
  • 19/11/2024
അൽ തൈസീർ ഖുർആൻ പഠിതാക്കളുടെ സംഗമം സംഘടിപ്പിച്ചു
  • 19/11/2024
തനിമ കുവൈത്ത്‌ - 18ആം ദേശീയ വടംവലി മത്സരവും പേൾ ഓഫ്‌ ദി സ്കൂ ...
  • 19/11/2024
പ്രതീക്ഷ ഇന്ത്യൻ അസോസിയേഷൻ ഓണനിലാവ് 2024 സംഘടിപ്പിച്ചു
  • 18/11/2024
കെ.ഡി.എൻ.എ വിദ്യാഭ്യാസ അവാർഡുകൾ പ്രഖ്യാപിച്ചു
  • 18/11/2024
ട്രാസ്ക് ഫുട്ബോൾ ടൂർണമെന്റ് 2K24
  • 17/11/2024
സാരഥി കുവൈറ്റ്, രജത ജൂബിലി സാരഥീയം@25 പ്രൗഢ ഗംഭീരമായി ആഘോഷിച ...
  • 17/11/2024