ഫ്യൂച്ചർ ഐ തിയേറ്റർ ലോക നാടക ദിനം ആഘോഷിച്ചു

  • 31/03/2024

 
 കുവൈറ്റിലെ പ്രമുഖ നാടക സംഘടന ആയ ഫ്യൂച്ചർ ഐ തിയേറ്റർ, ലോക നാടക ദിനം ആഘോഷിച്ചു. ലോക നാടക ദിനമായ മാർച്ച് 27 ന് മംഗാഫ് കാലസദൻ  ഓഡിറ്റോറിയത്തിൽ നടത്തിയ ചടങ്ങിൽ വിശിഷ്ഠ അതിഥി ഇംഗ്ലീഷ് സ്കൂൾ ഫഹഹീൽ  ഡെപ്യൂട്ടി പ്രിസിപ്പലും,  തിയേറ്റർ പ്രവർത്തകനും ആയ ശ്രീ പീറ്റർ മുള്ളേ ഉദ്‌ഘാടനം ചെയ്തു. 
ഫ്യൂച്ചർ ഐ തിയേറ്റർ ജനറൽ സെക്രട്ടറി ശ്രീ ഉണ്ണി കൈമൾ സ്വാഗതവും പ്രെസിഡൻഡ്  ശ്രീ സന്തോഷ് കുട്ടത്ത് അദ്ധ്യക്ഷ പ്രസംഗവും നടത്തി. പേട്രൺ ശ്രീ ഷെമേജ് കുമാർ , നൊബേൽ സമ്മാന ജേതാവും നോർവെജിയൻ നാടക പ്രവർത്തകനായ ജോൺ ഫൊസ്സേ എഴുതിയ ഈ വർഷത്തെ ലോക നാടകദിന സന്ദേശം അവതരിപ്പിക്കുകയും  2009 മുതൽ ഫ്യൂച്ചർ ഐ തിയേറ്റർ  നടത്തിയ പ്രവർത്തനങ്ങളെക്കുറിച്ച് വിശദീകരിക്കുകയും ചെയ്തു. 
വിശിഷ്ഠ അതിഥിയായി എത്തിയ നാടക അദ്ധ്യാപകനും തിയേറ്റർ പ്രവർത്തകനും ആയ ശ്രീ പീറ്റർ മുള്ളേ,  തന്റെ 7 വയസ്സ് മുതൽ തുടങ്ങിയ നാടകാനുഭവങ്ങൾ പങ്കുവെക്കുകയും ഫ്യൂച്ചർ ഐ തിയേറ്ററിന്റെ തുടർ പ്രവർത്തനങ്ങൾക്ക് ആശംസകൾ നേരുകയും ചെയ്തു .
ശ്രീ ബിവിൻ തോമസ് മലയാള നാടകാചാര്യൻ ശ്രീ എൻ എൻ പിള്ളയുടെ 'കുടുംബയോഗം' എന്ന നാടകത്തിന്റെ സംക്ഷിപ്‌ത രൂപം അവതരിപ്പിക്കുകയും ശ്രീമതി ദൃശ്യ പ്രസാദ് കിഴക്കേടത്തു മന കേരളത്തിന്റെ തനത് കലാരൂപമായ കഥകളി സാധാരണ ജനങ്ങൾക്ക് എങ്ങിനെ ആസ്വദിക്കാം എന്നതിനെക്കുറിച്ച് ലഘുവിവരണം നൽകുകയും നളചരിതം രണ്ടാം ദിവസം കഥകളിയിലെ ചെറിയൊരു ഭാഗം അവതരിപ്പിക്കുകയും ചെയ്തത് വ്യത്യസ്ത അനുഭവമായി. തുടർന്ന് 2009 മുതൽ ഫ്യൂച്ചർ ഐ തിയേറ്റർ അവതരിപ്പിച്ച നാടകങ്ങളുടെ  പ്രസക്ത ഭാഗങ്ങൾ ഉൾപ്പെടുത്തിയ വീഡിയോ പ്രദർശനം നടന്നു .
.കുവൈറ്റിലെ നാടക ചലച്ചിത്ര രംഗത്ത് പ്രവൃത്തിക്കുന്നവരും ആസ്വാദകരും പങ്കെടുത്ത ചടങ്ങിൽ വട്ടിയൂർ കാവ് കൃഷ്ണ കുമാർ, പ്രേം രാജ്, പ്രമോദ് മേനോൻ ജിനു വൈക്കത്ത് , ചിന്നു കോര, ഷിബു ഫിലിപ്പ്, സജീഷ് കുമാർ ഗോവിന്ദ് ശാന്ത, വാസു മമ്പാട് എന്നിവർ  ആശംസകൾ അറിയിച്ചു. ശ്രീമതി ജിജുന മേനോൻ  ചടങ്ങുകൾ  നിയന്ത്രിക്കുകയും Dr. പ്രമോദ് മേനോൻ നന്ദി രേഖപ്പെടുത്തുകയും ചെയ്തു.

Related News

സാരഥി കുവൈത്തിന്റെ നേതൃത്വത്തിൽ SCFE കുട്ടികൾക്കായി സംഘടിപ്പ ...
  • 01/05/2024
മെഡക്സ് മെഡിക്കൽ കെയർ കോഴിക്കോട് ഫെസ്റ്റ് 2024 മെയ്‌ 3 വെള്ള ...
  • 01/05/2024
വേനൽത്തനിമ 2024 മെയ്‌ 30,31 ജൂൺ 1 തീയതികളിൽ
  • 01/05/2024
കെ. കെ. ഐ.സി ത്രിദിന ഇസ് ലാമിക്‌ റെസിഡൻഷൽ പഠനക്യാമ്പ് സംഘടിപ ...
  • 01/05/2024
കുവൈത്ത്‌ കേരള പ്രവാസി മിത്രം ഫാമിലി പിക്നിക് സംഘടിപ്പിച്ചു
  • 30/04/2024
ഫ്രണ്ട്സ് ഓഫ് കണ്ണൂർ കുവൈറ്റ് എക്സ്‌പാറ്റ്സ് അസോസിയേഷൻ (ഫോക് ...
  • 30/04/2024
നേതൃത്വ പഠന ക്യാമ്പ് സംഘടിപ്പിച്ചു
  • 29/04/2024
കുവൈത്ത് കെഎംസിസി സി എച്ച് ദിന ഫണ്ട്‌ കൈമാറി
  • 28/04/2024
കുവൈറ്റിനെ ആവേശഭരിതമാക്കി മ്മടെ ഗഡികളുടെ 'പൂരം2K24
  • 28/04/2024
ജേഴ്‌സി പ്രകാശനം ചെയ്തു
  • 26/04/2024
കുവൈറ്റ് വയനാട് അസോസിസേഷൻ പിക്നിക് സംഘടിപ്പിച്ചു
  • 26/04/2024
ഗ്രാൻഡ് ഹൈപ്പർമാർക്കറ്റിൻ്റെ ജലീബ് ഔട്ട്‌ലെറ്റിൽ ഇനി കൂടുതൽ ...
  • 25/04/2024