യുവതിയെയും സുഹൃത്തിനെയും സ്കൂട്ടറില്‍ പിന്തുടർന്ന് ആക്രമിച്ച കേസില്‍ രണ്ട് പേർ പിടിയില്‍. അരുണ്‍, അഖില്‍ എന്നിവരാണ് അറസ്റ്റിലായത്. കേസില്‍ ഒളിവില്‍ പോയ മറ്റൊരു പ്രതിക്കായി അന്വേഷണം തുടരുകയാണ്. കൊല്ലം കരുനാഗപ്പള്ളിയില്‍ ഇക്കഴിഞ്ഞ വ്യാഴാഴ്ച വൈകുന്നേരമാണ് സംഭവമുണ്ടായത്.
ബൈക്കില്‍ സഞ്ചരിക്കുകയായിരുന്ന യുവതിയും സുഹൃത്തുമാണ് ആക്രമണത്തിന് ഇരയായത്. സ്കൂട്ടറില്‍ എത്തിയ മൂവർ സംഘം ഇവരെ അസഭ്യം പറഞ്ഞു. ഇത് യുവതി ചോദ്യം ചെയ്തതോടെ പ്രകോപിതരായ യുവാക്കള്‍ ബൈക്കിനെ പിന്തുടർന്നു. സ്കൂട്ടർ ബൈക്കിന് കുറുകെയിട്ട് യുവതിയെയും സുഹൃത്തിനെയും ആക്രമിക്കുകയായിരുന്നു.
മർദ്ദന ശേഷം പ്രതികള്‍ സ്കൂട്ടറില്‍ രക്ഷപെട്ടു. യുവതി നല്‍കിയ പരാതിയില്‍ സിസിടിവി ദൃശ്യങ്ങള്‍ കേന്ദ്രീകരിച്ച്‌ കരുനാഗപ്പള്ളി പൊലീസ് നടത്തിയ അന്വേഷണത്തിലാണ് പ്രതികള്‍ പിടിയിലായത്. മൂന്നാമനായി തെരച്ചില്‍ തുടരുകയാണ്. അറസ്റ്റിലായ പ്രതികളെ കോടതിയില്‍ ഹാജരാക്കി റിമാൻഡ് ചെയ്തു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?