കുട്ടികളുടെ മുന്നില് ലൈംഗികബന്ധത്തില് ഏർപ്പെടുന്നതും നഗ്നശരീരം പ്രദർശിപ്പിക്കുന്നതും ലൈംഗികാതിക്രമത്തിന്റെ പരിധിയില് വരുമെന്ന് ഹൈക്കോടതി. കുട്ടികള്ക്ക് മുന്നില് നഗ്നത പ്രദർശിപ്പിക്കുന്നത് പോക്സോ വകുപ്പുകള് അനുസരിച്ച് കുറ്റകരമാണെന്നും കോടതി വ്യക്തമാക്കി. പോക്സോ, ഐപിസി, ജുവനൈല് ജസ്റ്റിസ് ആക്ട് തുടങ്ങി നിരവധി വകുപ്പുകള് ചുമത്തി തനിക്കെതിരെ എടുത്ത കേസ് റദ്ദാക്കണമെന്ന് ആവശ്യപ്പെട്ടു പ്രതി സമർപ്പിച്ച ഹര്ജിയിലാണ് ജസ്റ്റിസ് എ ബദറുദീന്റെ ഉത്തരവ്.
ലോഡ്ജില് വച്ച് വാതില് അടയ്ക്കാതെ കുട്ടിയുടെ മാതാവുമായി പ്രതി ലൈംഗികബന്ധത്തില് ഏർപ്പെടുകയായിരുന്നു. വാതില് തുറന്ന് അകത്തേക്കു വന്ന കുട്ടി രംഗം കാണുകയും പ്രതിയെ ചോദ്യം ചെയ്യുകയും ചെയ്തു. തുടർന്ന് ഇയാള് കുട്ടിയെ മർദിച്ചു എന്നാണ് കേസ്.
ഒരാള് കുട്ടിക്കു മുന്നില് തന്റെ നഗ്നശരീരം കാണിക്കുന്നത് ആ കുട്ടിയോടു ചെയ്യുന്ന ലൈംഗികാതിക്രമം ആണെന്നു കോടതി നിരീക്ഷിച്ചു. ഇവിടെ ഹർജിക്കാരൻ നഗ്നനാവുകയും ലൈംഗികബന്ധത്തില് ഏർപ്പെടുകയും ചെയ്തു. വാതില് പൂട്ടാതിരുന്നതു കൊണ്ട് കുട്ടി അകത്തേക്ക് വരികയും അവിടെ നടന്ന കാര്യങ്ങള് കാണുകയും ചെയ്തു. അതുകൊണ്ടു തന്നെ പോക്സോ നിയമത്തിലെ പല വകുപ്പുകളും ഇതില് നിലനില്ക്കും.
കുട്ടിയെ തല്ലിയതിനാല് ഐപിസി അനുസരിച്ചുള്ള വകുപ്പുകളും കേസില് നിലനില്ക്കും. പ്രതി പോക്സോ, ഐപിസി അനുസരിച്ചുള്ള വകുപ്പുകളില് വിചാരണ നേരിടണമെന്നും കോടതി വ്യക്തമാക്കി. ജുവനൈല് ജസ്റ്റിസ് നിയമം, പൊതുസ്ഥലങ്ങളില് അശ്ലീലം സംസാരിച്ചു തുടങ്ങിയ കുറ്റങ്ങളില് ചുമത്തിയിരുന്ന വകുപ്പുകള് കോടതി റദ്ദാക്കി.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?