കുവൈറ്റ് സിറ്റി : സ്വദേശികൾക്കും വിദേശികൾക്കും നടത്തുന്ന പി സി ആർ ടെസ്റ്റുകൾ തികച്ചും സൗജന്യമാണെന്ന് ആരോഗ്യ മന്ത്രാലയം പ്രസ്താവിച്ചു.കോവിഡ് 19 ബാധ സംബന്ധിച്ച് പരിശോധനക്കായി രാജ്യത്തെ വൈറോളജി ലാബുകളും 24 മണിക്കൂറും പ്രവർത്തിക്കുന്ന ജീവനക്കാരുമാണ് ഉള്ളത്. വ്യക്തിഗത സുരക്ഷാ മാനദണ്ഡങ്ങള്‍ പാലിച്ച് രോഗലക്ഷണമുള്ള വ്യക്തികളുടെ മൂക്കിലേയും തൊണ്ടയിലേയും സ്രവങ്ങള്‍ സ്റ്റെറൈല്‍ സ്വാബ് ഉപയോഗിച്ച് വൈറല്‍ ട്രാന്‍സ്‌പോര്‍ട്ട് മീഡയത്തിലാണ് (വി.ടി.എം.) ശേഖരിക്കുന്നത്. പിന്നീട് ടെസ്റ്റ് നടത്തിയ വ്യക്തിയുടെ വിവരങ്ങൾ കൂടി ഉൾക്കൊള്ളിച്ച് ലാബിലേക്ക് അയക്കും. കോവിഡ് വ്യാപന നിരക്ക് കൃത്യമായി വിലയിരുത്തുന്നതിനായി രാജ്യത്ത് കൊറോണ വൈറസ് പരിശോധനയും കോൺടാക്റ്റ് ട്രെയ്‌സിംഗും വർദ്ധിപ്പിച്ചു, ഇത് പകർച്ചവ്യാധിയുടെ വ്യാപനവുമായി ബന്ധപ്പെട്ട വ്യതിയാനങ്ങളെക്കുറിച്ച് വലിയ തോതിലുള്ള ഗവേഷണത്തിന് കാരണമാകുമെന്ന് മന്ത്രാലയം അറിയിച്ചു .ലോകാരോഗ്യ സംഘടന പുറപ്പെടുവിച്ച മാർഗ്ഗനിർദ്ദേശങ്ങൾ അനുസരിച്ചാണ്‌ പിസിആർ ടെസ്റ്റുകൾ നടത്തുന്നത്. അക്രഡിറ്റേഷനായി ഏഴ് ലാബുകൾ അപേക്ഷിച്ചതായും അവയിലൊന്നിന് അംഗീകാരം നൽകിയതായും അധികൃതർ അറിയിച്ചു .
സ്വകാര്യ ആശുപത്രികളിലെ കോവിഡ് ടെസ്റ്റ് ഫീസ് ഏകീകരിക്കാനും ഫീസ് വർദ്ധന തടയാൻ മന്ത്രാലയ നിരീക്ഷണം ഉണ്ടാകും. മറ്റ് രാജ്യങ്ങളുമായി താരതമ്യപ്പെടുത്തുമ്പോൾ കുവൈത്തിലെ പി സി ആർ ടെസ്റ്റിനുള്ള ചെലവ് താരതമ്യേന കുറവാണ്. അമിത ചാർജ് ഈടാക്കുകയോ അപകീർത്തികരമായ പ്രവർത്തനങ്ങളിൽ ഏർപ്പെടുകയോ ചെയ്‌താൽ കർശന നടപടി സ്വീകരിക്കുമെന്ന് മന്ത്രാലയം സൂചിപ്പിച്ചു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?