കുവൈറ്റ് സിറ്റി : വിദേശ രാജ്യങ്ങളിലേക്കുള്ള വിമാന റിസർവേഷൻ ആരംഭിച്ചതായി കുവൈറ്റ് എയർവേയ്‌സ് അറിയിച്ചു. ദുബായ്, ലണ്ടൻ, ജനീവ, ബെയ്റൂട്ട്, കെയ്‌റോ, ബഹ്‌റൈൻ, തുർക്കിയിലെ ഇസ്താംബുൾ, ബോഡ്രം, ട്രാബ്‌സൺ എന്നീ നഗരങ്ങളിലേക്കുള്ള സര്‍വീസുകളാണ് ഓഗസ്റ്റ് മുതൽ ബുക്കിംഗ് തുടങ്ങിയിരിക്കുന്നത്. ഓഗസ്റ്റ് 1 മുതൽ മൂന്ന് ഘട്ടങ്ങളിലായാണ്, വ്യോമയാന മേഖലയിലെ പ്രവർത്തനങ്ങൾ സാധാരണ നിലയിലേക്ക് തിരികെ കൊണ്ടുവരുന്നതിനുള്ള തീരുമാനം കുവൈറ്റ് നടപ്പിലാക്കുന്നത്. തുടക്കത്തില്‍ വാണിജ്യ വിമാന സർവീസുകളുടെ പ്രവര്‍ത്തനം 30% ആയി നിജപ്പെടുത്തിയിട്ടുണ്ട്. അതിനിടെ രാജ്യത്തെ ഏറ്റവും വലിയ വിദേശി സമൂഹമായ ഇന്ത്യയിലേക്കുള്ള വിമാന സര്‍വീസിന്‍റെ കാര്യത്തില്‍ ഇപ്പോയും അവ്യക്തത തുടരുകയാണ്. നേരത്തെ കുവൈറ്റ് എയർവേയ്‌സ് പുറത്തിറക്കിയ ലിസ്റ്റില്‍ ചെന്നൈ, ഡല്‍ഹി,കൊച്ചി,മുംബൈ എന്നീ നഗരങ്ങള്‍ ഉള്‍പ്പെട്ടിരുന്നു. നാട്ടിൽനിന്നുള്ള വിമാന സർവിസുകൾ ഇല്ലാത്തതിനാൽ അവധിക്ക് നാട്ടിൽപോയി തിരിച്ചുവരാൻ കഴിയാതെ നിരവധി പ്രവാസികളാണ് ദുരിതത്തിലായിരിക്കുന്നത്. ഇന്ത്യയിൽ കോവിഡ് വ്യാപനം കൂടുന്ന പശ്ചാത്തലത്തിൽ പുതിയ നിയന്ത്രണങ്ങൾ കൊണ്ടുവരുമോയെന്ന ആശങ്കയിലാണ് പ്രവാസികള്‍.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?