കുവൈറ്റ് സിറ്റി : ഓഗസ്റ്റ് ഒന്ന് തീയതി മുതൽ കുവൈറ്റ് അന്താരാഷ്ട്ര വിമാനത്താവളത്തിൽ നിന്ന് 20 രാജ്യങ്ങളിലേക്ക് വാണിജ്യ വിമാന സർവീസുകൾ ആരംഭിക്കുമെന്ന് ജനറൽ അഡ്മിനിസ്ട്രേഷൻ ഓഫ് സിവിൽ ഏവിയേഷൻ ഡയറക്ടർ അബ്ദുല്ല അൽ-രാജി അറിയിച്ചു, എമിറേറ്റ്സ് - ബഹ്‌റൈൻ - ഒമാൻ സുൽത്താനത്ത് - ലെബനൻ - ഖത്തർ - ജോർദാൻ - ഈജിപ്ത് - ബോസ്നിയയും ഹെർസഗോവിനയും - ശ്രീലങ്ക - പാകിസ്ഥാൻ - എത്യോപ്യ - യുണൈറ്റഡ് കിംഗ്ഡം - തുർക്കി - ഇറാൻ - നേപ്പാൾ - സ്വിറ്റ്സർലൻഡ് - ജർമ്മനി - അസർബൈജാൻ - ഫിലിപ്പൈൻസ് - ഇന്ത്യ ഇന്നിവിടങ്ങളിലേക്കായിരിക്കും തുടക്കത്തിൽ വാണിജ്യ സർവീസുകൾ ഉണ്ടാവുക.
കുവൈറ്റ് അന്താരാഷ്ട്ര വിമാനത്താവളത്തിൽ സർവീസ് നടത്തുന്ന വിമാനക്കമ്പനികൾ അവരുടെ പ്രവർത്തന ഷെഡ്യൂളുകളും ഫ്ലൈറ്റ് സമയങ്ങളും വിശദമായി പ്രഖ്യാപിക്കുമെന്ന് അൽ-റാജി പത്രക്കുറിപ്പിൽ അറിയിച്ചു.രാജ്യത്തിന് പുറത്തേക്കും അകത്തേക്കുമുള്ള വിമാനയാത്രക്ക് www.kuwaitmosafer.com എന്ന ലിങ്കിൽ രജിസ്റ്റർ ചെയ്യണം . അറബിയിലും ഇംഗ്ലീഷിലും സേവനം ലഭ്യമാണ്.യാത്രക്കാര്‍ അവരുടെ യാത്രകൾക്കിടയിൽ പാലിക്കേണ്ട ആരോഗ്യ പ്രോട്ടോക്കോളുകളെയും സുരക്ഷാ നടപടികളെയും കുറിച്ചുള്ള വിവരങ്ങള്‍ സ്മാർട്ട്‌ഫോൺ ആപ്പില്‍ ലഭ്യമാണ്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?