കുവൈത്ത് സിറ്റി: കേരള ഇസ്ലാമിക് ഗ്രൂപ്പ് ഫർവാനിയ ഏരിയ അറഫാ ദിനത്തോടനുബന്ധിച്ച് ഓണ്ലൈൻ ആപ്പിക്കേഷൻ ആയ സൂമിന്റെ സഹായത്തോടെ അറഫാ ദിന സംഗമം നടത്തി . അറഫ എന്നാൽ സ്വന്തത്തെയും സൃഷ്ടാവിനെയും തിരിച്ചറിയാനുള്ള ദിവസമാന്നെന്നും കഅബ ദേവാലയം ലോക മുസ്ലിംങ്ങളുടെ ഹൃദയത്തിലാണ് സ്ഥിതി ചെയ്യുന്നത് എന്നും പരിപാടിയിൽ മുഖ്യ പ്രഭാഷണം നിർവഹിച്ച കെ.ഐ.ജി കേന്ദ്ര വൈസ് പ്രസിഡണ്ട് സക്കീർ ഹുസ്സൈൻ തുവ്വൂർ അഭിപ്രായപ്പെട്ടു . കോവി ഡാനന്തര കാലത്ത് രൂപപ്പെട്ട ഓൺലൈൻ വിദ്യാഭ്യാസത്തിൻ്റെ സാധ്യതകളും അത് ഉണ്ടാക്കുന്ന മാനസിക ശാരീരിക പിരിമുറുക്കങ്ങളും, അതിനുള്ള പരിഹാരങ്ങളും പ്രമുഖ സെക്കോളജിസ്റ്റും ഫാമിലി കൗൺസിലറുമായ ഷറഫുദ്ധീൻ കടമ്പോട്ട് വിശദീകരിച്ചു. ശേഷം നടന്ന ചോദ്യോത്തര സെഷൻ പ്രോഗ്രാം കൺവീനർ അബ്ദുൽ വാഹിദ് നിയന്ത്രിച്ചു.നബ നിഅമത്തിന്റെ ഖിറാഅത്തോടെ തുടങ്ങിയ പരിപാടിയിൽഏരിയ പ്രസിഡൻ്റ് സി.പി. നൈസാം അദ്ധ്യക്ഷത വഹിച്ചു. പ്രോഗ്രാം കൺവീനർ അബ്ദുൽ വാഹിദ് നന്ദി രേഖപ്പെടുത്തിയ ചടങ്ങിന് ഷാഫി .പി.ടി. ഹഷീബ് എന്നിവർ സാങ്കേതിക സഹായം നിർവഹിച്ചു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?