5 ജി വേഗതയിൽ ലോകത്ത് ആറാം സ്ഥാനത്ത് കുവൈത്ത് , ഒന്നാം സ്ഥാനത്ത് സൗദി അറേബ്യ

  • 30/08/2020



കുവൈറ്റ് സിറ്റി : അതി വേഗതയാർന്ന ഡിജിറ്റൽ സെല്ലുലാർ നെറ്റ്വര്‍ക്കായ  5 ജി നെറ്റ്‍വര്‍ക്ക് വേഗതയിൽ കുവൈത്തിന് ലോകത്തില്‍ ആറാം സ്ഥാനം. കഴിഞ്ഞ ദിവസം ബ്രിട്ടീഷ് കമ്പനിയായ ഓപ്പൺ സിഗ്നൽ പുറത്തിറക്കിയ റിപ്പോർട്ടിലാണ് കുവൈത്തിന് ലോകത്ത് ആറാം സ്ഥാനവും ഗള്‍ഫ് രാഷ്ട്രങ്ങള്‍ക്കിടയില്‍ രണ്ടാം സ്ഥാനവും ലഭിച്ചത്. രാജ്യത്തെ 5 ജി ഡൌണ്‍ലോഡ്  വേഗത സെക്കൻഡിൽ 171.5 MB ആണെന്ന് പ്രാദേശിക പത്രമായ അൽ അൻ‌ബ റിപ്പോർട്ട് ചെയ്തു. ആഗോളതലത്തിൽ സൗദി അറേബ്യയാണ്  ഒന്നാമത്. സൗദിയില്‍ 5 ജി ഡൌണ്‍ലോഡ്  വേഗത സെക്കൻഡിൽ 414.2 MB ആണ്.  ദക്ഷിണ കൊറിയ,ആസ്ട്രേലിയ, തായ് വാന്‍, കാനഡ, കുവൈത്ത്, സ്വിറ്റ്സര്‍ലാണ്ട്, ഹോങ്കോംഗ്, ബ്രിട്ടന്‍,ജര്‍മ്മനി തുടങ്ങിയ രാജ്യങ്ങളാണ് ആദ്യ പത്ത് സ്ഥാനങ്ങളിലുള്ളത്. 

നിലവിൽ 4ജി സേവനങ്ങൾ ഒരു നിശ്ചിത പ്രദേശത്ത് നൽകുന്നതിന്‍റെ പത്തിരട്ടി മൊബൈൽ ഉപകരണങ്ങൾ 5ജിയിൽ കണക്റ്റ് ചെയ്യാൻ സാധിക്കും. 4ജിയേക്കാൾ നൂറു മടങ്ങു വരെ ഡാറ്റ സ്പീഡ് നൽകാൻ 5ജിക്ക് സാധിക്കും. ഇതോടൊപ്പം കൂടുതൽ മൊബിലിറ്റി, ഡാറ്റ കൈകാര്യം ചെയ്യാനുള്ള കഴിവ്, കുറഞ്ഞ പവർ ഉപയോഗത്തിനാൽ കൂടുതൽ ബാറ്ററി ലൈഫ് ഒക്കെ 5ജി കൊണ്ടുവരും. വാവ്വെ, ZTE കമ്പിനികളാണ് 5ജി മേഖലയിലെ മുമ്പന്മാര്‍.  3 ജി, 4 ജി / എൽടിഇ, 5 ജി, വൈഫൈ എന്നിവയ്‌ക്കായുള്ള ഡൗൺലോഡ്, അപ്‌ലോഡ്, ലേറ്റൻസി എന്നിവയുൾപ്പെടെയുള്ള സ്പീഡ് ടെസ്റ്റ് നടത്തിയാണ് ഓപ്പൺ സിഗ്നൽ റിപ്പോര്‍ട്ടുകള്‍ തയ്യാറാക്കുന്നത്. 5 ജിയുടെ കവറേജ് , 4ജി - 5ജി  തലമുറയിലെ  സാങ്കേതികവിദ്യകളുടെ പൊതുവായ വേഗത, 4ജി - 5ജി ഡൌണ്‍ലോഡ്  തുടങ്ങിയ ഘടകങ്ങള്‍ അടിസ്ഥാനമാക്കി നടത്തിയ പഠനത്തിലും സൗദി അറേബ്യ ഒന്നാം സ്ഥാനത്തെത്തിയതായി  ഓപ്പൺ സിഗ്നൽ അധികൃതര്‍ അറിയിച്ചു. ഈ വിഭാഗതില്‍ കുവൈത്ത് പത്താം സ്ഥാനത്താണ്. 

Related News

ഇസ്രായേൽ ആക്രമണങ്ങൾക്കെതിരെ യുഎന്നിലെ കുവൈത്ത് പ്രതിനിധി
  • 15/11/2024
കുവൈത്തിനെ സംരക്ഷിക്കാൻ സൈന്യം സദാ സജ്ജമെന്ന് കരസേനയുടെ ഡെപ് ...
  • 15/11/2024
റിയൽ എസ്റ്റേറ്റ് തട്ടിപ്പ്; അഭിഭാഷകന് 10 വർഷത്തെ തടവ്, വിധി ...
  • 15/11/2024
നിക്ഷേപ പദ്ധതികൾക്ക് ലൈസൻസ് നൽകുന്നതിന് ട്രാഫിക് വിഭാ​ഗത്തിന ...
  • 15/11/2024
ജിസിസി ഉച്ചകോടിക്ക് ആതിഥേയത്വം വഹിക്കാൻ കുവൈത്ത്; ഒരുക്കങ്ങൾ ...
  • 14/11/2024
അബ്ദാലി അപകടം, പിന്നീട് കാർ ചേസ്; ഒരു മരണം, പ്രതി അറസ്റ്റിലാ ...
  • 14/11/2024
ഭക്ഷ്യസുരക്ഷ ശക്തിപ്പെടുത്തുന്നതിനായി പുതിയ സംവിധാനവുമായി കു ...
  • 13/11/2024
ഗ്രോസറി ഷോപ്പിന്റെ മറവിൽ മയക്കുമരുന്ന് വിൽപ്പന; രണ്ട് പ്രവാസ ...
  • 13/11/2024
പ്രതിശ്രുത വധുവിനായി പ്രവാസി സ്വർണം മോഷ്ടിച്ചു; അറസ്റ്റ്
  • 13/11/2024
കുവൈത്തിലെ നിർമ്മാണ പദ്ധതികൾ വിദ്യാഭ്യാസത്തിൻ്റെ ഗുണനിലവാരം ...
  • 13/11/2024
സൗദി മരുഭൂമിയിൽ ഭാര്യയെ കൊലപ്പെടുത്തിയ കേസ്; കുവൈത്തി പൗരന് ...
  • 13/11/2024
മദ്യക്കടത്ത് കേസ്; കുവൈറ്റ് വിമാനത്താവളത്തിൽ നിന്ന് രക്ഷപ്പെ ...
  • 13/11/2024