കുവൈറ്റ് സിറ്റി : മലപ്പുറം ജില്ലാ മലയാളി അസോസിയേഷന്റെ ആഭിമുഖ്യത്തിൽ ഇത്തവണത്തെ ഓണാഘോഷം 2020 സമുചിതമായി ആഘോഷിച്ചു.പ്രശസ്തരായ കലാകാരന്മാർ പങ്കെടുത്ത വെർച്വൽ കലാവിരുന്നുകൊണ്ട് സമൃദ്ധമായ ആഘോഷങ്ങൾ ആവേശം നിറഞ്ഞതായിരുന്നു . കോവിഡ് മഹാമാരിയുടെ പശ്ചാത്തലത്തിൽ പരിമിതികൾ ഉണ്ടായിരുന്നെങ്കിൽ പോലും ഓണത്തിന്റെ നിറശോഭ ഒട്ടും മങ്ങാത്തതരത്തിൽ സൂമിലൂടെയാണ് മലപ്പുറം ജില്ലാ അസോസിയേഷൻ കുവൈറ്റ് ഓണാഘോഷങ്ങൾ ക്രമീകരിച്ചത്.സെപ്റ്റംബർ 11 വെള്ളിയാഴ്ച വൈകീട്ട് 4 മുതൽ 9 മണി വരെ നീണ്ടു നിന്ന ആഘോഷങ്ങളിൽ അസോസിയേഷൻ അംഗങ്ങളും കുടുംബാംഗങ്ങളും പങ്കെടുത്തു .പ്രസിഡന്റ് വാസുദേവൻ മമ്പാടിന്റെ അധ്യക്ഷതയിൽ പ്രശസ്ത നാടൻ പാട്ട് കലാകാരനും സിനിമ നടനുമായ ശ്രീ സുരേഷ് തിരുവാലി ആഘോഷം ഉദ്ഘാടനം ചെയ്തു .കേരള നിയമസഭാ സ്‌പീക്കർ ശ്രീ പി ശ്രീരാമകൃഷ്ണൻ , ഉന്നത വിദ്യാഭ്യാസ വകുപ്പ് മന്ത്രി ശ്രീ കെ ടി ജലീൽ , മലപ്പുറം എം പി ശ്രീ പി കെ കുഞ്ഞാലിക്കുട്ടി ,കോട്ടക്കൽ എം എൽ എ ശ്രീ ആബിദ് ഹുസ്സൈൻ തങ്ങൾ ,മുൻ മന്ത്രി ശ്രീ ആര്യാടൻ മുഹമ്മദ് , ജില്ലാ അസോസിയേഷൻ രക്ഷാധികാരി ശറഫുദ്ധീൻ കണ്ണോത്ത് , വനിതാവേദി ചെയർപേഴ്സൺ അഡ്വ :ജസീന എന്നിവർ ആശംസകൾ നേർന്നു .കേരളത്തിലെ മുതിർന്ന മിമിക്രി കലാകാരൻ കൊല്ലം സിറാജ് ,മാപ്പിളപ്പാട്ട് ഗായിക കണ്ണൂർ സീനത്ത് എന്നീ പ്രശസ്തരുടെ സാന്നിധ്യം പരിപാടികൾക്ക് നിറപ്പകിട്ടേകി.അസ്സോസിയേഷൻ കുടുംബാംഗങ്ങളും കുട്ടികളും അവതരിപ്പിച്ച വ്യത്യസ്ത കലാപാരിപാടികൾ പ്രതിസന്ധികൾക്കിടയിലും മനസ്സിന് കുളിർമ്മയേകുന്നതായിരുന്നു .ജനറൽ സെക്രട്ടറി മുസ്തഫ മാറഞ്ചേരി സ്വാഗതവും വൈസ് പ്രസിഡന്റ് സിജു സെബാസ്റ്റ്യൻ നന്ദിയും പറഞ്ഞു .അഭിലാഷ് കളരിക്കൽ ,അനീഷ് കാരാട്ട് , അനസ് തയ്യിൽ ,അഡ്വ ജംഷാദ് , അഷ്‌റഫ് മങ്കരത്തൊടി , ഷാജഹാൻ പാലാറ ,സലീന ടീച്ചർ , അനു അഭിലാഷ് , ഭവ്യ അനീഷ്. എന്നിവർ പരിപാടിക്ക് നേതൃത്വം നൽകി .
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?