കരാർ തൊഴിലാളി ലംഘനം ; 265 കമ്പനി ഫയലുകൾ നിയമ നടപടികള്‍ക്കായി കൈമാറി

  • 14/09/2020

കുവൈത്ത് സിറ്റി: സർക്കാർ കരാറുകൾ ഉപയോഗപ്പെടുത്തി തൊഴിലാളികളെ ദുരുപയോഗം ചെയ്ത 265 കമ്പനികളുടെ  ഫയലുകൾ തുടര്‍ നടപടികള്‍ക്ക്  കൈമാറിയതായി വാണിജ്യ കാര്യ മന്ത്രി മറിയം അൽ അഖീൽ പറഞ്ഞു. 

19 കമ്പനികളുടെ ഫയലുകള്‍ പ്രോസിക്യൂഷനും 16 കമ്പനികളുടെ ഫയലുകള്‍ ആഭ്യന്തര മന്ത്രാലയത്തിനും 33 കമ്പനികളുടെ ഫയലുകള്‍ റെസിഡൻസി അഫയേഴ്‌സ് ഡിപ്പാർട്ട്‌മെന്റിനും 197 കമ്പനികളുടെ ഫയലുകള്‍ പബ്ലിക് അതോറിറ്റി ഓഫ് മാൻ‌പവറിനും  റഫർ ചെയ്തതായും മന്ത്രി വ്യക്തമാക്കി. 

കഴിഞ്ഞ 10 വര്‍ഷത്തിനിടയില്‍ വിവിധ സര്‍ക്കാര്‍ കരാറുകൾക്കായില്‍ നാല് ലക്ഷത്തിലേറെ വിദേശി തൊഴിലാളികളാണ് രാജ്യത്തെത്തിയത്.  സർക്കാർ പദ്ധതി പ്രകാരം രാജ്യത്തെത്തിയ  തൊഴിലാളികളുടെ കൃത്യമായ  വിവരങ്ങള്‍  നല്‍കുന്നതില്‍ കമ്പിനികള്‍ നിരന്തരം പരാജയപ്പെടുകയാണെന്നും വിസാ കാലാവധി കഴിഞ്ഞ 28,748 തൊഴിലാളികള്‍ രാജ്യത്ത് കഴിയുന്നെണ്ടെന്നും മന്ത്രി പറഞ്ഞു. 

കോവിഡ് കാലത്ത് ശമ്പളം നല്‍കാത്തതുമായി ബന്ധപ്പെട്ട് നിരവധി പരാതികള്‍ ലഭിച്ചിട്ടുണ്ടെന്നും പരാതികളില്‍  നടപടിയെടുത്തതായും മറിയം അൽ അഖീൽ പറഞ്ഞു. തൊഴിലാളികളുമായുള്ള  കരാർ നിബന്ധനകൾ ലംഘിച്ചതിന് തുടര്‍ന്ന് രാജ്യത്ത് 182 പണിമുടക്കുകൾ നടന്നതായി ശ്രദ്ധയില്‍ പെട്ടിട്ടുണ്ട്. 

കമ്പിനികളും തൊഴിലാളികളും തമിലുള്ള തർക്കങ്ങൾ പരിഹരിക്കുന്നതിനായി അടിയന്തര സംഘങ്ങൾ രൂപീകരിച്ചതായും തൊഴിലാളികളുടെ കുടിശ്ശിക തീർക്കാൻ തൊഴിലുടമകളോട് നിര്‍ദ്ദേശിച്ചതായും മറിയം അൽ അഖീൽ വ്യക്തമാക്കി. 3,502 സർക്കാർ കരാറുകൾ ശമ്പള പ്രശ്‌നങ്ങൾ മൂലം താൽക്കാലികമായി നിർത്തിവെച്ചിട്ടുണ്ട്.  ജീവനക്കാരുമായുള്ള  തൊഴിൽ കരാറുകളിൽ പരാജയപ്പെട്ട 1,471 സബ് കോൺട്രാക്ടിംഗ് കമ്പനികളെ സസ്പെന്‍ഡ് ചെയ്തതായും മന്ത്രി അറിയിച്ചു. 

നേരത്തെ സ്വകാര്യ മേഖലയില്‍ നിന്ന് സര്‍ക്കാര്‍ മേഖലയിലേക്കും സര്‍ക്കാര്‍ മേഖലയില്‍ നിന്ന് സ്വകാര്യ മേഖലയിലേക്കും  വിസാ മാറ്റം നിര്‍ത്തിവെച്ചിരുന്നു. പലസ്തീന്‍ പൗരന്‍മാര്‍, കുവൈത്തി വനിതകളുടെ വിദേശിയായ ഭര്‍ത്താവും മക്കളും, കുവൈത്ത് പൗരന്‍മാരുടെ വിദേശികളായ ഭാര്യമാര്‍, ഡോക്ടര്‍മാര്‍, നഴ്‌സുമാര്‍ ഉള്‍പ്പെടുന്ന ആരോഗ്യ മേഖലയിലെ ജീവനക്കാര്‍ എന്നിവരെ വിലക്കില്‍ നിന്ന് ഒഴിവാക്കിയിട്ടുണ്ട്. 

വിദേശ തൊഴിലാളികളുടെ എണ്ണം പരിമിതപ്പെടുത്തുന്നതിനും തൊഴില്‍ വിപണിയില്‍ കൂടുതല്‍ നിയന്ത്രണങ്ങള്‍ കൊണ്ടുവരുന്നതിനും നിരവധി പരിഷ്‌കരണങ്ങളാണ് രാജ്യത്ത് നടപ്പിലാക്കുന്നത് . 

Related News

പേയ്‌മെന്‍റ് ലിങ്കുകളുടെ ഉപയോഗത്തിന്‍റെ സുരക്ഷ കൂട്ടി കുവൈത് ...
  • 19/09/2024
നിയമ ലംഘനം 35 വ്യാപാര സ്ഥാപനങ്ങൾ അടപ്പിച്ചു
  • 19/09/2024
അമിത വേഗതിയിൽ വാഹനമോടിക്കുന്നവർക്ക് മുന്നറിയിപ്പ്, ക്യാമറക്ക ...
  • 19/09/2024
ഇന്ത്യൻ എംബസി പാസ്പോര്ട്ട് സേവനങ്ങൾ താൽക്കാലികമായി നിർത്തിവച ...
  • 19/09/2024
കുവൈത്തിൽ വ്യാപക ട്രാഫിക്ക് പരിശോധന; 54,844 ട്രാഫിക് നിയമലംഘ ...
  • 19/09/2024
കുവൈത്ത് നാഷണൽ സെൻ്റർ ഫോർ സ്‌പേസ് റിസർച്ച് സ്ഥാപിക്കുന്നതിൻ് ...
  • 19/09/2024
ഷർഖ് മത്സ്യ മാർക്കറ്റിൽ ചെമ്മീൻ ചാകര
  • 19/09/2024
കുവൈത്തി പൗരനെ കബളിപ്പിച്ച് പ്രവാസി 15,000 ദിനാർ തട്ടിയെടുത് ...
  • 19/09/2024
ഷാംപൂ കഴിച്ച് ജീവനൊടുക്കാൻ ശ്രമിച്ച് കുവൈറ്റ് പ്രവാസി
  • 19/09/2024
കുവൈത്തിൽ കാർ വിൽപ്പനയിൽ നേരിട്ടുള്ള പണമിടപാട് നിരോധിച്ചു
  • 19/09/2024
കുടിയേറ്റക്കാരുടെയും അഭയാർത്ഥികളുടെ സംരക്ഷണം; കുവൈത്തിൽ ചർച് ...
  • 18/09/2024
സൗദി മരുഭൂമിയിൽ ഭാര്യയെ കൊലപ്പെടുത്തിയ കേസ്; കുവൈത്തി പൗരനെ ...
  • 18/09/2024