ബാങ്കുകളില്‍ സ്വദേശികളെ നിയമിക്കാന്‍ നിര്‍ദ്ദേശം നല്കി സെൻട്രൽ ബാങ്ക് ഓഫ് കുവൈറ്റ്

  • 19/09/2020

കുവൈത്ത് സിറ്റി : രാജ്യത്തെ ബാങ്കുകളില്‍ സ്വദേശിവൽക്കരണം ഊർജിതമാക്കാന്‍ നിര്‍ദ്ദേശം നല്‍കി സെൻട്രൽ ബാങ്ക് ഓഫ് കുവൈറ്റ്. ബാങ്കുകൾ, നിയമനത്തിന്റെ തസ്തിക എന്നിവ ഉറപ്പാക്കി അനുയോജ്യരായ സ്വദേശി ഉദ്യോഗാർഥികൾക്കു തൊഴിൽ നല്‍കണമെന്നും  സ്വദേശികളെ ആകർഷിക്കുന്ന വിധം വേതനവും അവധിയും അനുബന്ധ അവകാശങ്ങളും സ്ഥാപനങ്ങളിൽ കൊണ്ടുവരണമെന്നും ബാങ്കുകളോട് ആവശ്യപ്പെട്ടു. 

ബാങ്കിംഗ് മേഖലയിലെ പുതു അവസരങ്ങള്‍ കുവൈത്തികള്‍ക്കായി പരിമിതപ്പെടുത്തണമെന്നും ഇതിനായുള്ള  പുതിയ പദ്ധതികള്‍ക്ക് ബാങ്കുകള്‍ നേതൃത്വം നല്‍കണമെന്നും സി.ബി.കെ അധികൃതര്‍ വ്യക്തമാകി. കഴിഞ്ഞ ദിവസം നടന്ന  രാജ്യത്തെ വിവിധ ബാങ്കിലെ മാനവ വിഭവശേഷി എക്സിക്യൂട്ടീവ് മേധാവികളുടെ ഓണ്‍ലൈന്‍ മീറ്റിംഗിലാണ് പുതിയ നിര്‍ദ്ദേശം നല്‍കിയത്. ബാങ്കിംഗ് മേഖലയിലെ ദേശസാൽക്കരണ നിരക്ക് വർദ്ധിപ്പിക്കണം. അതോടപ്പം  ഉന്നത പദവികളിൽ കുവൈത്തി പൗരന്മാരുടെ സാന്നിധ്യം വര്‍ദ്ധിപ്പിക്കുവാനുള്ള ശ്രമങ്ങള്‍ നടത്തണമെന്നും എച്ച്. ആര്‍ മേധാവികളോട് സെൻട്രൽ ബാങ്ക് ഓഫ് കുവൈറ്റ് ആവശ്യപ്പെട്ടു.

ബാങ്കിലെ  സ്വദേശികളുടെ എണ്ണം കൂട്ടാനുള്ള നടപടികളുടെ മേൽനോട്ടം സെൻട്രൽ ബാങ്കിന്റെ നിരീക്ഷണത്തിലായിരിക്കും. ഇതുവരെയുള്ള നിയമന ശതമാനവും വരുംവർഷങ്ങളിൽ പൂർത്തിയാക്കേണ്ട നിയമനങ്ങളുടെ കാര്യത്തിലും  പുതിയ പദ്ധതികള്‍ കൊണ്ട് വരണം. വിദഗ്ധ തൊഴിലാളികളെ കിട്ടാത്ത മേഖലയില്‍  ഉദ്യോഗാർഥികൾക്ക് ആവശ്യമായ തൊഴിൽ പരിശീലനവും നല്‍കണമെന്നും സി.ബി.കെ നിര്‍ദ്ദേശിച്ചു. 

ഇന്ത്യക്കാര്‍ അടക്കമുള്ള ആയിരക്കണക്കിന് വിദേശി തൊഴിലാളികളാണ് ബാങ്കിംഗ് മേഖലയില്‍ ജോലി ചെയ്യുന്നത്. സി.ബി.കെയുടെ നിര്‍ദ്ദേശങ്ങള്‍ കര്‍ശനമായി നടപ്പിലാക്കിയാല്‍ നിരവധി വിദേശികള്‍ രാജ്യം വിടേണ്ടിവരും. 

Related News

പേയ്‌മെന്‍റ് ലിങ്കുകളുടെ ഉപയോഗത്തിന്‍റെ സുരക്ഷ കൂട്ടി കുവൈത് ...
  • 19/09/2024
നിയമ ലംഘനം 35 വ്യാപാര സ്ഥാപനങ്ങൾ അടപ്പിച്ചു
  • 19/09/2024
അമിത വേഗതിയിൽ വാഹനമോടിക്കുന്നവർക്ക് മുന്നറിയിപ്പ്, ക്യാമറക്ക ...
  • 19/09/2024
ഇന്ത്യൻ എംബസി പാസ്പോര്ട്ട് സേവനങ്ങൾ താൽക്കാലികമായി നിർത്തിവച ...
  • 19/09/2024
കുവൈത്തിൽ വ്യാപക ട്രാഫിക്ക് പരിശോധന; 54,844 ട്രാഫിക് നിയമലംഘ ...
  • 19/09/2024
കുവൈത്ത് നാഷണൽ സെൻ്റർ ഫോർ സ്‌പേസ് റിസർച്ച് സ്ഥാപിക്കുന്നതിൻ് ...
  • 19/09/2024
ഷർഖ് മത്സ്യ മാർക്കറ്റിൽ ചെമ്മീൻ ചാകര
  • 19/09/2024
കുവൈത്തി പൗരനെ കബളിപ്പിച്ച് പ്രവാസി 15,000 ദിനാർ തട്ടിയെടുത് ...
  • 19/09/2024
ഷാംപൂ കഴിച്ച് ജീവനൊടുക്കാൻ ശ്രമിച്ച് കുവൈറ്റ് പ്രവാസി
  • 19/09/2024
കുവൈത്തിൽ കാർ വിൽപ്പനയിൽ നേരിട്ടുള്ള പണമിടപാട് നിരോധിച്ചു
  • 19/09/2024
കുടിയേറ്റക്കാരുടെയും അഭയാർത്ഥികളുടെ സംരക്ഷണം; കുവൈത്തിൽ ചർച് ...
  • 18/09/2024
സൗദി മരുഭൂമിയിൽ ഭാര്യയെ കൊലപ്പെടുത്തിയ കേസ്; കുവൈത്തി പൗരനെ ...
  • 18/09/2024