മോദിയെ പുകഴ്ത്തി ഹാര്‍ദിക് പട്ടേല്‍; ബി.ജെ.പിയിലേക്കുള്ള ചുവടുമാറ്റമെന്ന് ആരോപണം

  • 22/04/2022

അഹമ്മദാബാദ്: മോദിയെ പ്രകീര്‍ത്തിച്ചും രാമക്ഷേത്ര നിര്‍മാണത്തെ അഭിനന്ദിച്ചും ഗുജറാത്ത് കോണ്‍ഗ്രസ് വര്‍ക്കിംഗ് പ്രസിഡന്റ് ഹാര്‍ദിക് പട്ടേല്‍. സംസ്ഥാന കോണ്‍ഗ്രസ് നേതൃത്വത്തെ രൂക്ഷമായി വിമര്‍ശിച്ച അദ്ദേഹത്തിന്റെ നിലപാട് ബിജെപിയിലേക്ക് ചാടാനുള്ള നീക്കത്തിന്റെ മുന്നൊരുക്കമാണെന്ന ആരോപണവും ഉയര്‍ന്നുകഴിഞ്ഞു. 

ഭാവി നോക്കേണ്ടതുണ്ടെന്നും, കൂടുതല്‍ സാധ്യതകള്‍ എപ്പോഴും നിലവിലുണ്ടെന്നും ഒരു ദിനപത്രത്തിന് നല്‍കിയ അഭിമുഖത്തില്‍ പട്ടേല്‍ പറഞ്ഞു. ബിജെപിയിലേക്ക് പോകുമെന്ന് അഭ്യൂഹങ്ങള്‍ അദ്ദേഹം തള്ളിയില്ല.

 
സംസ്ഥാന നേതൃത്വം മനഃപൂര്‍വം തന്നെ അവഗണിക്കുകയാണ്. ഇക്കാര്യത്തില്‍ ഹൈക്കമാന്റിനോട് പരാതിയില്ലെന്നും, രാജസ്ഥാനില്‍ സച്ചിന്‍ പൈലറ്റിന് സംഭവിച്ചത് തന്നെയാണ് ഗുജറാത്തിലും നടക്കുന്നതെന്നുമാണ് പട്ടേല്‍ പറഞ്ഞത്.

നേരത്തെ സംസ്ഥാന നേതൃത്വത്തിനെതിരെ രൂക്ഷവിമര്‍ശനം ഉന്നയിച്ചിരുന്നു. പാര്‍ട്ടി യോഗങ്ങളിലേക്ക് തന്നെ ക്ഷണിക്കുന്നില്ല. തീരുമാനങ്ങളെടുക്കുമ്പോള്‍ അഭിപ്രായം ചോദിക്കുന്നില്ല. അടുത്തിടെ പാര്‍ട്ടി 75 പുതിയ ജനറല്‍ സെക്രട്ടറിമാരെയും 25 വൈസ് പ്രസിഡന്റുമാരെയും പ്രഖ്യാപിച്ചു. എന്നാല്‍ ഇക്കാര്യത്തില്‍ തന്നോട് ഒരഭിപ്രായവും ചോദിച്ചില്ല. ഏതെങ്കിലും പ്രധാനപ്പെട്ട നേതാക്കള്‍ ഉള്‍പ്പെടാതെ പോയോ എന്നെങ്കിലും ചോദിക്കാമായിരുന്നുവെന്ന് ഹാര്‍ദിക് പറഞ്ഞിരുന്നു.

പട്ടേല്‍ വിഭാഗത്തിലെ മറ്റൊരു നേതാവായ നരേഷ് പട്ടേലിനെ കോണ്‍ഗ്രസിലേക്ക് എത്തിക്കാന്‍ പ്രശാന്ത് കിഷോര്‍ നടത്തിയ നീക്കങ്ങളും പട്ടേലിനെ പ്രകോപിപ്പിച്ചു. ഇതിന് പിന്നാലെയാണ് ഗുജറാത്തി പത്രത്തിന് നല്‍കിയ അഭിമുഖത്തിലെ ബിജെപി പ്രശംസ. കശ്മീരിലെ 370-ാം അനുച്ഛേദം റദ്ദാക്കിയതിനേയും ഹാര്‍ദിക് പിന്തുണച്ചു. അഭിമുഖം പുറത്ത് വന്നതോടെയാണ് ഹാര്‍ദിക് ബിജെപിയിലേക്ക് പോകുമോ എന്ന് സംശയം ഉയര്‍ന്നിരിക്കുന്നത്.

Related News

ചക്രവാതച്ചുഴി; സംസ്ഥാനത്ത് ശക്തമായ മഴയ്ക്ക് സാധ്യത; 11 ജില്ല ...
  • 02/11/2024
'ശോഭ കേരളത്തില്‍ ഉണ്ടാവരുതെന്ന് ആഗ്രഹിക്കുന്നത് പിണറായി, സതീ ...
  • 02/11/2024
പതിറ്റാണ്ടുകളായി താമസിക്കുന്നവര്‍ക്ക് കിടപ്പാടം നഷ്ടപ്പെടരുത ...
  • 02/11/2024
ഷൊര്‍ണൂരില്‍ ട്രെയിന്‍ തട്ടി നാല് പേര്‍ മരിച്ചു
  • 02/11/2024
കൊടകര പുനരന്വേഷണം തട്ടിപ്പ്: ബിജെപി-സിപിഎം ഡീല്‍ ഉണ്ടായി, രാ ...
  • 01/11/2024
ശ്രീലങ്കയിലേക്ക് കടക്കാൻ ശ്രമം; പെരുമ്ബാവൂര്‍ അര്‍ബൻ സഹകരണ ബ ...
  • 01/11/2024
'എഡിഎം നിരപരാധി, കൈക്കൂലി വാങ്ങിയതിന് തെളിവില്ല': റവന്യൂവകുപ ...
  • 01/11/2024
നീലേശ്വരം വെടിക്കെട്ടപകടം: ക്ഷേത്രഭാരവാഹികളടക്കം മൂന്ന് പ്രത ...
  • 01/11/2024
ബുധനാഴ്ച വരെ ശക്തമായ മഴ; ഇന്ന് മൂന്ന് ജില്ലകളില്‍ ഓറഞ്ച് അലര ...
  • 01/11/2024
കൊടകര കുഴല്‍പ്പണക്കേസില്‍ പുനരന്വേഷണം വേണം: സിപിഎം
  • 01/11/2024
'കണ്ണൂര്‍ കലക്ടറുടെ പങ്ക് അന്വേഷിക്കണം'; കോണ്‍ഗ്രസ് മാര്‍ച്ച ...
  • 01/11/2024
'ആണാണെന്ന് പറഞ്ഞാല്‍ പോരാ, ആണത്തം വേണം'; തിരുത്താന്‍ തയ്യാറാ ...
  • 01/11/2024