'ക്യാപ്റ്റന്‍ ഒറിജിനല്‍' പരാമര്‍ശത്തില്‍ തിരുത്തലുമായി വി.ഡി സതീശന്‍

  • 04/06/2022

കൊച്ചി: 'ക്യാപ്റ്റന്‍ ഒറിജിനല്‍' പരാമര്‍ശത്തിലെ അപകടം മുന്നില്‍ക്കണ്ട് തിരുത്തലുമായി വി.ഡി സതീശന്‍ രംഗത്ത്. താന്‍ ക്യാപ്റ്റന്‍ അല്ല, പട നയിക്കുന്നവരില്‍ മുന്‍ നിരയിലുള്ള ഒരാള്‍ മാത്രമാണെന്ന് അദ്ദേഹം വിശദീകരിച്ചു. 

കൂട്ടായ പ്രവര്‍ത്തനങ്ങളുടെ ഫലമാണ് തൃക്കാക്കരയിലെ വിജയമെന്നും ഏകോപനം നടത്തുകയെന്ന കാര്യം മാത്രമാണ് ഞാന്‍ ചെയ്‌തെന്നും സതീശന്‍ പറയുന്നു.'മുന്നില്‍ നിന്നും നയിക്കുന്ന പടയാളികളൊരാളാണ് ഞാന്‍. പിന്നിലേക്ക് പോകില്ല. പിറകില്‍ നിന്ന് വെടിയേറ്റ് മരിക്കുകയുമില്ല'. പോര്‍ക്കളത്തില്‍ നിന്ന് പിന്തിരിഞ്ഞോടുന്ന ഭീരുക്കള്‍ക്കാണ് പിറകില്‍ നിന്നും വെടിയേല്‍ക്കുന്നതെന്നും സതീശന്‍ പറഞ്ഞു. 

തൃക്കാക്കരയില്‍ സിപിഎമ്മിന്റെ അടക്കം എല്ലാവരുടെ വോട്ടും യുഡിഎഫിന് ലഭിച്ചതായും വി ഡി സതീശന്‍ അവകാശപ്പെട്ടു. കെ വി തോമസിനെ വംശീയമായി അധിക്ഷേപിച്ചിട്ടില്ലെന്നും പ്രതിപക്ഷനേതാവ് വിശദീകരിക്കുന്നു.

തൃക്കാക്കരയിലെ മിന്നും വിജയത്തിന് പിന്നാലെ യുഡിഎഫിനെ നയിച്ച പ്രതിപക്ഷനേതാവ് വിഡി സതീശനെ ഹൈബി ഈഡന്‍ എംപി, മുന്‍ എംഎല്‍എ അനില്‍ അക്കരെ അടക്കമുള്ള നേതാക്കള്‍ പ്രശംസിച്ച് സമൂഹമാധ്യമങ്ങളില്‍ പോസ്റ്റ് പങ്കുവെച്ചിരുന്നു. വിഡി സതീശനൊപ്പം നടന്നു നീങ്ങുന്ന ചിത്രം 'ക്യാപ്റ്റന്‍ (ഒറിജിനല്‍) 'എന്ന അടിക്കുറിപ്പില്‍ ഹൈബി ഈഡന്‍ പങ്കുവെച്ചതുംസമൂഹ മാധ്യമങ്ങളില്‍ ഏറെ ചര്‍ച്ചയായി. അതേസമയം വി. മുരളീധരന്‍ ഉള്‍പ്പെടെയുള്ള നേതാക്കള്‍ ഇതിനെതിരായി രംഗത്തുവന്നു. ഈ സാഹചര്യത്തിലാണ് തിരുത്തലുമായി വി.ഡി സതീശന്‍ തന്നെ രംഗത്ത് വന്നിരിക്കുന്നത്.

Related News

പിപി ദിവ്യയ്ക്ക് ഇന്ന് നിര്‍ണായകം; ജാമ്യാപേക്ഷ കോടതി പരിഗണിക ...
  • 31/10/2024
അമ്മയും മകനും മരിച്ച നിലയില്‍; മൃതദേഹം വീടിനുള്ളിലും ടെറസിനു ...
  • 31/10/2024
കാറില്‍ നിന്ന് ഇറങ്ങിയപ്പോള്‍ ഗുണ്ടകള്‍ ആക്രമിച്ചു; പൂരനഗരിയ ...
  • 31/10/2024
തിരുവനന്തപുരത്ത് പത്താം ക്ലാസ് വിദ്യാര്‍ത്ഥിനി കൂട്ടബലാത്സംഗ ...
  • 30/10/2024
ഉപതെരഞ്ഞെടുപ്പ് പ്രചാരണം വാശിയേറിയ രണ്ടാം ഘട്ടത്തില്‍; കളം ന ...
  • 30/10/2024
പാലക്കാട് കെ മുരളീധരനെ ഡിസിസി നിര്‍ദ്ദേശിച്ചിരുന്നുവെന്ന് കെ ...
  • 30/10/2024
ഉരുള്‍പൊട്ടല്‍ ദുരന്തമുണ്ടായി 3 മാസം മാത്രം, പുനരധിവാസത്തിനാ ...
  • 29/10/2024
ഗുണനിലവാരമില്ലാത്ത പെയിന്റ് നല്‍കി കബളിപ്പിച്ചു; കമ്ബനിക്ക് ...
  • 29/10/2024
മോഷണം കൊണ്ട് പൊറുതിമുട്ടിയപ്പോള്‍ വീട്ടില്‍ സിസിടിവി ക്യാമറ ...
  • 29/10/2024
പറഞ്ഞത് അഴിമതിക്കെതിരെ, എഡിഎമ്മിന് മനോവേദനയുണ്ടാക്കാൻ ഉദ്ദേശ ...
  • 29/10/2024
കൂറുമാറ്റത്തിന് 100 കോടി കോഴ; അന്വേഷിക്കാന്‍ നാലംഗ കമ്മീഷനെ ...
  • 29/10/2024
'ദിവ്യയെ കസ്റ്റഡിയിലെടുത്തത് പാര്‍ട്ടി ഗ്രാമത്തില്‍ നിന്ന്, ...
  • 29/10/2024