ആലപ്പുഴ മെഡിക്കല്‍ കോളജ് കാന്റീനില്‍ നിന്നുള്‍പ്പെടെ പഴകിയ ഭക്ഷണം പിടികൂടി

  • 28/06/2022

ആലപ്പുഴ: ആരോഗ്യവകുപ്പ് അധികൃതര്‍ നടത്തിയ പരിശോധനയില്‍ ഹോട്ടലുകളിലും ബേക്കറികളിലും പഴകിയ ഭക്ഷണം പിടികൂടി. അമ്പലപ്പുഴ വടക്ക് പഞ്ചായത്തിലെ ഹോട്ടലുകളും ബേക്കറികളിലുമാണ് മിന്നല്‍ പരിശോധ നടത്തിയത്.  രണ്ടുഹോട്ടലുകളില്‍ നിന്നും ഗവ. ടി.ഡി.മെഡിക്കല്‍ കോളേജിലെ കാന്റീനില്‍നിന്നും പഴകിയ ഭക്ഷണം പിടിച്ചെടുത്തുനശിപ്പിച്ചു. 

മലബാര്‍ ഹോട്ടല്‍, താജ്മഹല്‍ എന്നിവിടങ്ങളില്‍ നിന്നാണ് പഴകിയഭക്ഷണം പിടികൂടിയത്.പുന്നപ്ര കുറവന്‍തോടു മുതല്‍ വണ്ടാനംവരെയും കഞ്ഞിപ്പാടത്തുമുള്ള സ്ഥാപനങ്ങളിലാണ് ഇന്നലെ പരിശോധന നടത്തിയത്. ഹോട്ടലുകളില്‍നിന്നു പഴകിയതും ഫ്രീസറില്‍ സൂക്ഷിച്ചതുമായ ഭക്ഷണസാധനങ്ങളാണു പിടിച്ചെടുത്തുനശിപ്പിച്ചത്. പഴകിയ ഷവര്‍മ, ബീഫ്, ചില്ലിചിക്കന്‍, ചില്ലിബീഫ് എന്നിവ വിവിധഹോട്ടലുകളില്‍നിന്നും കണ്ടെടുത്തുനശിപ്പിച്ചതായി ആരോഗ്യവകുപ്പധികൃതര്‍ പറഞ്ഞു. മെഡിക്കല്‍ കോളേജിലെ കാന്റീനില്‍നിന്നു ഗ്രേവിയാണ് പിടിച്ചത്. പഴകിയ ഭക്ഷണംകണ്ടെത്തിയ സ്ഥാപനങ്ങള്‍ക്ക് ഇനി ആവര്‍ത്തിക്കാതിരിക്കാന്‍ കര്‍ശനനിര്‍ദേശം നല്‍കിയതായും ആരോഗ്യവകുപ്പ് അറിയിച്ചു. പരിസരം വൃത്തിഹീനമായികണ്ട സ്ഥാപനങ്ങളില്‍ 24 മണിക്കൂറിനകം അതുപരിഹരിക്കാന്‍ നിര്‍ദേശം നല്‍കി. നിര്‍ദേശം പാലിക്കാത്ത സ്ഥാപനങ്ങളെക്കെതിരേ കര്‍ശനനടപടി സ്വീകരിക്കുമെന്ന് അധികൃതര്‍ അറിയിച്ചു. എല്ലാ സ്ഥാപനങ്ങളും പഞ്ചായത്തില്‍നിന്നു ഹരിതകാര്‍ഡ് എടുക്കാനും നിര്‍ദേശിച്ചു. ഹെല്‍ത്ത് ഇന്‍സ്പെക്ടര്‍ ജെ. ശ്യാംകുമാറിന്റെ നേതൃത്വത്തില്‍ നടന്ന പരിശോധനയില്‍ ജൂനിയര്‍ ഹെല്‍ത്ത് ഇന്‍സ്പെക്ടര്‍മാരായ ശ്രീദേവി, സ്മിതാ വര്‍ഗീസ്, മീനുമോള്‍ എന്നിവര്‍ പങ്കെടുത്തു.

Related News

'വരുമാനം മുൻവര്‍ഷത്തെ അപേക്ഷിച്ച്‌ 28 കോടി രൂപയോളം കൂടുതല്‍' ...
  • 26/12/2024
എം ടിക്ക് അരികില്‍ മോഹൻലാല്‍; 'ഞാൻ ആ സ്നേഹം വേണ്ടുവോളം അനുഭവ ...
  • 25/12/2024
'സമൂഹ മനസിനെ അടയാളപ്പെടുത്തിയ പ്രതിഭ, നികത്താനാവാത്ത നഷ്ടം'- ...
  • 25/12/2024
എം.ടി വാസുദേവൻ നായര്‍ അന്തരിച്ചു
  • 25/12/2024
യുവമോര്‍ച്ച നേതാവ്, 400 ലേറെ ബാങ്ക് അക്കൗണ്ടുകള്‍; ലിങ്കണ്‍ ...
  • 25/12/2024
3 ദിവസം മാത്രം പ്രായം, ക്രിസ്‌മസ് ദിനത്തില്‍ അമ്മത്തൊട്ടിലില ...
  • 25/12/2024
തൃശൂര്‍ മേയറുമായും ആര്‍ച്ച്‌ ബിഷപ്പുമായും കൂടിക്കാഴ്ച നടത്തി ...
  • 25/12/2024
ഒരാള്‍ സ്റ്റെപ്പിനരികില്‍, രണ്ടാമത്തേയാള്‍ പിന്‍ഭാഗത്ത്; കാര ...
  • 23/12/2024
ഷാള്‍ ചക്രത്തില്‍ കുരുങ്ങി; തലയടിച്ച്‌ വീണ സ്കൂട്ടര്‍ യാത്രക ...
  • 23/12/2024
വനനിയമ ഭേദഗതി മാറ്റത്തിനൊരുങ്ങി വനംവകുപ്പ്; എതിര്‍പ്പുയര്‍ന് ...
  • 23/12/2024
എ വിജയരാഘവന്റെ വര്‍ഗീയ പരാമര്‍ശം; ഡിജിപിക്ക് പരാതി നല്‍കി യൂ ...
  • 23/12/2024
പാലക്കാട് ക്രിസ്മസ് ആഘോഷത്തിനായി സ്‌കൂളില്‍ സ്ഥാപിച്ച പുല്‍ക ...
  • 23/12/2024