എ.കെ.ജി സെന്റര്‍ ആക്രമണം ഇ.പി ജയരാജന്റെ തിരക്കഥയെന്ന് കെ. സുധാകരന്‍

  • 01/07/2022

കണ്ണൂര്‍: എ.കെ.ജി സെന്ററിന് നേരെ ഉണ്ടായ ആക്രമണം ഇ.പി.ജയരാജന്റെ തിരക്കഥയാണെന്ന് കെ.പി.സി.സി പ്രസിഡന്റ് കെ. സുധാകരന്‍ ആരോപിച്ചു. മുഖ്യമന്ത്രിയേയും കുടുംബത്തേയും രക്ഷിക്കാന്‍ ജയരാജന്‍ ഗുണ്ടകളെ വച്ച് നടത്തിയ ആക്രമണം ആണിത്. രാഹുലിന്റെ സന്ദര്‍ശന പ്രാധാന്യം ഇല്ലാതാക്കാന്‍ ആണ് സി പി എം ശ്രമം. കാമറകളില്‍ ഒന്നും പെടാതെ അക്രമി എങ്ങനെ കടന്നുവെന്നും കെ.സുധാകരന്‍ ചോദിച്ചു.

അക്രമം നടന്ന ഉടന്‍ അവിടെ എത്തിയ ഇ പി ജയരാജന്‍ എങ്ങനെയാണ് അത് കോണ്‍ഗ്രസ് പ്രവര്‍ത്തകനാണെന്ന് തിരിച്ചറിഞ്ഞത്. ഒരു തെളിവും ഇല്ലാതെ എങ്ങനെയാണ് ഇ പി ജയരാജന്‍ ആരോപണം ഉന്നയിക്കുന്നതെന്നും ഇ പി ജയരാജന്‍ ചോദിച്ചു. പൊലീസ് കാവല്‍ ഉള്ള , സി.സി.ടി.വി കാമറ ഉളള എ കെ ജി സെന്ററിന് നേരെ നടന്ന ആക്രമണം തിരക്കഥയുടെ ഭാഗമാണ്. ഇത് ചെയ്തത് സി പി എം ഗുണ്ടകളെ നിയന്ത്രിക്കുന്ന ഇ പി ജയരാജനാണ്. തിരുവനന്തപുരത്തെ ഗുണ്ടകളെ വച്ച് ഇ പി ജയരാജന്‍ ചെയ്ത അക്രമം ആണിതെന്നും കെ സുധാകരന്‍ ആരോപിച്ചു. രാഹുല്‍ ഗാന്ധി ഇന്ന് കേരളത്തിലെത്തുമ്പോള്‍ കോണ്‍ഗ്രസ് പ്രവര്‍ത്തര്‍ ആരെങ്കലും ഇത്തരമൊരു മണ്ടത്തരത്തിന് മുതിരുമോ? അങ്ങനെ കരുതുന്നവര്‍ ഉണ്ടെങ്കില്‍ അവര്‍ വിഡിഢികളായിരിക്കും. രാഹുല്‍ ഗാന്ധിയുടെ സന്ദര്‍ശന വാര്‍ത്തയുടെ പ്രാധാന്യം ഇല്ലാതാക്കാന്‍ ഇ പി ജയരാജന്‍ തന്നെ ചെയ്ത അക്രമമാണിതെന്നും അദ്ദേഹം പറഞ്ഞു. 

സി സി ടി വി കാമറ ചുറ്റും ഉള്ള എ കെ ജി സെന്ററിലെ ഒരു കാമറയില്‍ പോലും വ്യക്തമാകാത്ത തരത്തില്‍ അക്രമി രക്ഷപെട്ടു എങ്കില്‍ അത് എ കെ ജി സെന്ററിനെ കുറിച്ച് കൃത്യമായി അറിയുന്ന ആള്‍ ആകണം. ബോംബേറ് കോണ്‍ഗ്രസ് രീതി അല്ലെന്നും കെ സുധാകരന്‍ പറഞ്ഞു.കെ പി സി സി ഓഫിസ് ആക്രമിച്ചപ്പോള്‍ കോണ്‍ഗ്രസ് ആരോപണം ഉന്നയിച്ചത് തെളിവുകളുടെ അടിസ്ഥാനത്തിലായിരുന്നു. ദൃശ്യങ്ങള്‍ വ്യക്തമായിരുന്നു. എന്നാല്‍ എ കെ ജി സെന്റര്‍ ആക്രമണ ദൃശ്യങ്ങളില്‍ ഒന്നും വ്യക്തമാകുന്നില്ലെന്ന് പറയുന്നു. ഇത് തന്നെ ആക്രമണം നാടകമാണെന്ന് വ്യക്തമാക്കുന്നതാണെന്ന് കെ സുധാകരന്‍ പ്രതികരിച്ചു

Related News

7 ചോദ്യം, അച്ചടക്ക ലംഘനത്തിന് ചാര്‍ജ് മെമ്മോ നല്‍കിയ ചീഫ് സെ ...
  • 26/12/2024
'വരുമാനം മുൻവര്‍ഷത്തെ അപേക്ഷിച്ച്‌ 28 കോടി രൂപയോളം കൂടുതല്‍' ...
  • 26/12/2024
എം ടിക്ക് അരികില്‍ മോഹൻലാല്‍; 'ഞാൻ ആ സ്നേഹം വേണ്ടുവോളം അനുഭവ ...
  • 25/12/2024
'സമൂഹ മനസിനെ അടയാളപ്പെടുത്തിയ പ്രതിഭ, നികത്താനാവാത്ത നഷ്ടം'- ...
  • 25/12/2024
എം.ടി വാസുദേവൻ നായര്‍ അന്തരിച്ചു
  • 25/12/2024
യുവമോര്‍ച്ച നേതാവ്, 400 ലേറെ ബാങ്ക് അക്കൗണ്ടുകള്‍; ലിങ്കണ്‍ ...
  • 25/12/2024
3 ദിവസം മാത്രം പ്രായം, ക്രിസ്‌മസ് ദിനത്തില്‍ അമ്മത്തൊട്ടിലില ...
  • 25/12/2024
തൃശൂര്‍ മേയറുമായും ആര്‍ച്ച്‌ ബിഷപ്പുമായും കൂടിക്കാഴ്ച നടത്തി ...
  • 25/12/2024
ഒരാള്‍ സ്റ്റെപ്പിനരികില്‍, രണ്ടാമത്തേയാള്‍ പിന്‍ഭാഗത്ത്; കാര ...
  • 23/12/2024
ഷാള്‍ ചക്രത്തില്‍ കുരുങ്ങി; തലയടിച്ച്‌ വീണ സ്കൂട്ടര്‍ യാത്രക ...
  • 23/12/2024
വനനിയമ ഭേദഗതി മാറ്റത്തിനൊരുങ്ങി വനംവകുപ്പ്; എതിര്‍പ്പുയര്‍ന് ...
  • 23/12/2024
എ വിജയരാഘവന്റെ വര്‍ഗീയ പരാമര്‍ശം; ഡിജിപിക്ക് പരാതി നല്‍കി യൂ ...
  • 23/12/2024