നിധിയാണെന്ന് കരുതി തുറന്നു, കൈപ്പത്തി അറ്റുപോയെങ്കിലും വീടിന്റെ താഴേക്ക് ഇറങ്ങി; അച്ഛനും മകനും ബോംബ് സ്‌ഫോടനത്തില്‍ മരിച്ച സംഭവത്തിന്‍റെ കൂടുതല്‍ വിവരങ്ങള്‍

  • 07/07/2022

കണ്ണൂര്‍: മട്ടന്നൂരില്‍ അച്ഛനും മകനും ബോംബ് സ്‌ഫോടനത്തില്‍ മരിച്ച സംഭവത്തില്‍ കൂടുതല്‍ വിവരങ്ങള്‍ പുറത്ത്. നിധിയാണെന്ന് കരുതിയാണ് ഇരുവരും സ്‌ഫോടകവസ്തു തുറന്നുനോക്കിയതെന്നും തുടര്‍ന്നാണ് പൊട്ടിത്തെറിയുണ്ടായതെന്നുമാണ് വിവരം. 

നിധിയോ മറ്റുവിലപിടിപ്പുള്ള വസ്തുവോ ആണെന്ന് കരുതിയ രണ്ടുപേരും ഇത് തുറക്കുന്നതിന് മുമ്പ് വീട്ടിലെ മറ്റുള്ളവരെ മാറ്റിനിര്‍ത്തിയതായും വിവരങ്ങളുണ്ട്. മട്ടന്നൂര്‍ 19-ാം മൈലില്‍ ബോംബ് പൊട്ടിത്തെറിച്ച് അസം സ്വദേശികളായ ഫസല്‍ ഹഖ്(45) മകന്‍ ഷഹിദുള്‍(22) എന്നിവരാണ് കഴിഞ്ഞ ദിവസം മരിച്ചത്.

 മറുനാടന്‍ തൊഴിലാളികളായ ഇരുവര്‍ക്കും ആക്രി സാധനങ്ങള്‍ ശേഖരിച്ചുവില്‍ക്കുന്ന ജോലിയാണ്. മാസങ്ങളായി സുഹൃത്തുക്കളായ മറ്റുള്ളവര്‍ക്കൊപ്പം 19-ാം മൈലിലെ വാടകവീട്ടിലായിരുന്നു ഇവര്‍ താമസിച്ചുവന്നിരുന്നത്. ബുധനാഴ്ച വൈകിട്ട് ആറുമണിയോടെയാണ് ഓടുമേഞ്ഞ ഇരുനില വീട്ടില്‍ സ്‌ഫോടനമുണ്ടായത്. വലിയ ശബ്ദം കേട്ട് അയല്‍വാസികള്‍ എത്തിയപ്പോള്‍ വീടിന്റെ മേല്‍ക്കൂര തകര്‍ന്ന നിലയിലായിരുന്നു. ഫസല്‍ ഹഖിനെ മരിച്ചനിലയില്‍ കണ്ടെത്തി.

 കൈപ്പത്തി അറ്റുപോയി മുഖത്തടക്കം മാരകമായി പരിക്കേറ്റ ഷഹിദുള്‍ വീടിന്റെ താഴേക്ക് ഇറങ്ങിവന്നിരുന്നു. ഉടന്‍തന്നെ ഇയാളെ കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പൊട്ടിത്തെറിച്ചത് സ്റ്റീല്‍ ബോംബാണെന്ന് പോലീസ് സ്ഥിരീകരിച്ചിരുന്നു.  

സ്‌ഫോടനമുണ്ടായ വീട്ടില്‍നിന്ന് ബോംബിന്റെ അവശിഷ്ടങ്ങള്‍ പോലീസ് കണ്ടെടുത്തിട്ടുണ്ട്. ഡോഗ് സ്‌ക്വാഡും ബോംബ് സ്‌ക്വാഡും സ്ഥലത്ത് പരിശോധന നടത്തി. സ്ഥലത്ത് മറ്റ് സ്‌ഫോടകവസ്തുക്കളൊന്നും ഇല്ലെന്ന് പരിശോധനയില്‍ ഉറപ്പുവരുത്തിയിട്ടുണ്ട്. 
 

Related News

ശബരിമലയില്‍ കുട്ടികള്‍ കൂട്ടം തെറ്റുമെന്ന ഭയം വേണ്ട!; ബാന്‍ഡ ...
  • 20/11/2024
കേന്ദ്ര കാലാവസ്ഥ അറിയിപ്പ്, വരും മണിക്കൂറില്‍ തലസ്ഥാനവും കൊച ...
  • 20/11/2024
ജെയ്സിയുടെ കളമശ്ശേരിയിലെ അപ്പാര്‍ട്ട്മെന്‍റില്‍ ഹെല്‍മറ്റിട് ...
  • 20/11/2024
നിയമവിദ്യാര്‍ഥിനിയെ കാമുകൻ പീഡിപ്പിച്ചു, വീഡിയോ പകര്‍ത്തി സു ...
  • 20/11/2024
അനുമതി വാങ്ങിയത് ഹാര്‍ബര്‍ ഷൂട്ട് ചെയ്യാന്‍, ബോട്ടുമായി ഉള്‍ ...
  • 20/11/2024
പാലക്കാട് മണ്ഡലത്തില്‍ ഇന്ന് വിധിയെഴുത്ത്
  • 19/11/2024
പാലക്കാട് ന്യൂനപക്ഷങ്ങളെ ഭിന്നിപ്പിക്കാൻ ശ്രമം, അത് വിലപ്പോക ...
  • 19/11/2024
തലയില്‍ ആഴത്തിലുള്ള മുറിവ്; ഒറ്റയ്ക്ക് താമസിച്ചിരുന്ന വീട്ടമ ...
  • 19/11/2024
'ആ പണി ഇവിടെ നടക്കില്ല'; സൈബര്‍ തട്ടിപ്പ് സംഘത്തിന്റെ കള്ളി ...
  • 19/11/2024
'പൂരം അലങ്കോലമായി, എല്ലാം ശരിയാക്കിയത് താനെന്ന് സുരേഷ് ഗോപി ...
  • 19/11/2024
ഇരട്ടവോട്ടുള്ളവര്‍ വോട്ട് ചെയ്താല്‍ നിയമനടപടി; സംശയമുള്ളവരുട ...
  • 19/11/2024
വിജയലക്ഷ്മിയുടെ തിരോധാനം 6ന്; അന്ന് തന്നെ കൊലപ്പെടുത്തിയെന്ന ...
  • 19/11/2024