കുവൈറ്റ് സിറ്റി : രാജ്യം സാധാരണ നിലയിലേക്ക് മടങ്ങിവരുന്നതിനെക്കുറിച്ച് കാര്യങ്ങള്‍ ചർച്ച ചെയ്യുന്നതിനായി കുവൈത്ത് മന്ത്രിസഭ യോഗം ചേര്‍ന്നതായി പ്രാദേശിക പത്രങ്ങള്‍ റിപ്പോര്‍ട്ട് ചെയ്തു.നിലവില്‍ പ്രഖ്യാപിച്ചിരിക്കുന്ന കര്‍ഫ്യൂ മെയ് 30 ശനിയാഴ്ചയോടെയാണ് അവസാനിക്കുന്നത് . കൊറോണ ബാധിതര്‍ കൂടുതലുള്ള പ്രദേശങ്ങളില്‍ കൂടുതല്‍ നിയന്ത്രണങ്ങള്‍ വരുവാന്‍ സാധ്യതയുണ്ട്. രാജ്യത്ത് നിലവിലുള്ള കര്‍ഫ്യൂ ഭാഗികമായി നീക്കം ചെയ്യുക. വൈകുന്നേരം 6 മുതൽ 4 വരെ അല്ലെങ്കിൽ രാത്രി 9 മുതൽ 4 വരെ പരിമിതമായി കര്‍ഫ്യൂ നിയന്ത്രണം ഏര്‍പ്പെടുത്തുക. പുറത്തേക്ക് പോകുമ്പോള്‍ മാസ്‌കുകളും കയ്യുറകളും ധരിക്കുക. ആളുകള്‍ തമ്മില്‍ സാമൂഹ്യ അകലം പാലിച്ചും കര്‍ശനമായ ആരോഗ്യ പ്രതിരോധ മാര്‍ഗ്ഗങ്ങള്‍ സ്വീകരിച്ചു കോ-ഓപ്പറേറ്റീവ് സ്റ്റോറുകള്‍ക്കും മറ്റ് സ്ഥാപനങ്ങള്‍ക്കും പ്രവര്‍ത്തനാനുമതി നല്കുക. വാണിജ്യ കോംപ്ലക്സുകളില്‍ ഓരോ ആയിരം ചതുരശ്ര മീറ്ററും 50 പേരെ അനുവദിക്കുക . സീറ്റിംഗ് ഒഴിവാക്കി ഹോട്ടലുകള്‍ക്കും റെസ്റ്റോറന്റുകള്‍ക്കും ഹോം ഡെലിവറി സേവനം മാത്രം അനുവദിക്കുക . തുടക്കത്തില്‍ രാജ്യത്തെ ഓഫീസുകളിലും സ്ഥാപനങ്ങളിലും 25% തൊഴിലാളികളെ മാത്രം അനുവദിക്കും തുടര്‍ന്ന് തൊഴിലാളികളുടെ എണ്ണം വര്‍ദ്ധിപ്പിക്കുവാന്‍ അനുവദിക്കുമെന്നും തുടങ്ങിയ നിരവധി നിര്‍ദ്ദേശങ്ങളാണ് മന്ത്രിസഭ ചര്‍ച്ച ചെയ്യുന്നതെന്ന് പ്രാദേശിക പത്രം വാര്‍ത്തയില്‍ സൂചിപ്പിച്ചു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?