കുവൈത്ത് സിറ്റി : ആരോഗ്യ അധികൃതരുടെ കര്‍ശന മാർഗ്ഗനിർദ്ദേശങ്ങൾ അനുസരിച്ച് പള്ളികൾ വീണ്ടും തുറക്കാന്‍ അനുമതി നല്‍കിയതായി പ്രാദേശിക പത്രം റിപ്പോര്‍ട്ട് ചെയ്തു. കഴിഞ്ഞ ദിവസം നടന്ന പ്രതിവാര മന്ത്രിസഭ യോഗത്തില്‍ ഇതുമായി ബന്ധപ്പെട്ട റിപ്പോര്‍ട്ട് തയ്യാറാക്കുവാന്‍ ഔഖാഫ് മന്ത്രിയെ ചുമതലേപ്പെടുത്തിയിരുന്നു. പള്ളിയിലേക്ക് വരുന്ന വിശ്വാസികള്‍ ആരോഗ്യ വകുപ്പ് നിര്‍ദ്ദേശിച്ച കര്‍ശന നിര്‍ദ്ദേശങ്ങള്‍ പാലിക്കണം. പരസ്പരം ഹസ്ത ദാനം ചെയ്യാനോ നിസ്കാരത്തിന് മുമ്പും ശേഷവും കൂടിച്ചേരലുകളോ അനുവദിക്കില്ല. നിസ്കരിക്കുവാന്‍ വേണ്ടി മുസല്ലകള്‍ കൊണ്ടുവരണം. അതോടപ്പം വിശ്വാസികള്‍ തമ്മില്‍ സാമൂഹ്യ അകലം പാലിക്കണം. അഞ്ച് നേരത്തെ ജമാഅത്ത് നമസ്കാര സമയത്ത് മാത്രമേ ആളുകളെ പള്ളിയില്‍ പ്രവേശിപ്പിക്കുവാന്‍ അനുവദിക്കുകയുള്ളൂവെന്നും നിര്‍ദ്ദേശങ്ങളിലുണ്ട്. അതോടപ്പം കുട്ടികളെയും വൃദ്ധരെയും രോഗികളേയും പള്ളിയില്‍ താല്‍ക്കാലികമായി വിലക്കുമെന്നും അധികൃതര്‍ അറിയിച്ചതായി പ്രാദേശിക പത്രം വാര്‍ത്തയില്‍ പറഞ്ഞു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?