കുവൈറ്റ് സിറ്റി : കുവൈത്തിലെ പള്ളികൾ ജൂൺ 10 ബുധനാഴ്ച മുതൽ സമൂഹ പ്രാർത്ഥനകൾക്കായി തുറന്നു കൊടുക്കുമെന്ന് മതകാര്യ നീതിന്യായ മന്ത്രി ഡോ: ഫഹദ്‌ അൽ അഫാസി അറിയിച്ചു. ബുധനാഴ്ചത്തെ ദുഹർ നമസ്കാരത്തോടെ ആയിരിക്കും പള്ളികൾ വീണ്ടും തുറന്ന് പ്രവർത്തിക്കുക. ഈ വരുന്ന വെള്ളിയാഴ്ച മസ്ജിദുൽ കബീറിൽ ജുമു' അ നമസ്കാരം നടത്തപ്പെടുമെന്നും എന്നാൽ ആദ്യ ഘട്ടത്തിൽ ജുമു ' അ നമസ്കാരം മസ്ജിദിലെ ജീവനക്കാർക്ക് മാത്രമായി പരിമിതപ്പെടുത്തിയതായും മന്ത്രി അറിയിച്ചു. ജുമു ' അ നമസ്കാരത്തിന്റെ തൽസമയ ദൃശ്യങ്ങൾ കുവൈത്ത് ടി.വി.യിൽ സമ്പ്രേക്ഷണം ചെയ്യുമെന്നും അഫാസി വ്യക്തമാക്കി. ജനസാന്ദ്രത കുറഞ്ഞ പാർപ്പിട മേഖലകളിലാണ് ആദ്യഘട്ടത്തിൽ പള്ളികൾ തുറക്കുക. അഞ്ചു നേരത്തെ നിർബന്ധ നമസ്കാരങ്ങൾക്ക് മാത്രമാണ് ആദ്യഘട്ടത്തിൽ അനുമതി നൽകിയത്. രാജ്യത്തെ ആരോഗ്യ അധികൃതർ നിശ്ചയിച്ച മാനദണ്ഠങ്ങൾക്ക്‌ അനുശൃതമായാണു പള്ളികളൾ പ്രാർത്ഥനക്കായി സജ്ജീകരിച്ചിരിക്കുന്നത്‌, കൂടാതെ ആരോഗ്യ മന്ത്രാലയത്തിന്റെ സുരക്ഷാനിർദ്ദേശങ്ങൾ പാലിക്കുവാൻ എല്ലാ വിശ്വാസികളോടും അദ്ദേഹം ആഹ്വാനം ചെയ്തു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?