സുഹൃത്തുക്കൾക്കൊപ്പം ചേർന്ന് ഭാര്യയെ നഗ്‌നയാക്കി മർദ്ദിച്ചു; സംഭവം ആളുകൾ നോക്കി നിൽക്കെ; വീഡിയോ പ്രചരിച്ചതോടെ അറസ്റ്റ്

  • 02/06/2023

ദഹോദ്: താനുമായി പിണങ്ങി മറ്റൊരാൾക്കൊപ്പം കഴിയുന്ന ഭാര്യയെ തട്ടിക്കൊണ്ടുവന്ന് ആൾക്കൂട്ടത്തിൽവെച്ച് നഗ്‌നയാക്കി മർദ്ദിച്ച് ഭർത്താവും സുഹൃത്തുക്കളും. ഗുജറാത്തിലെ ദാഹോദ് ജില്ലയിലാണ് ഞെട്ടിക്കുന്ന സംഭവം അരങ്ങേറിയത്. ഒന്നരവർഷമായി താനുമായി പിണങ്ങിക്കഴിയുന്ന ഭാര്യയെ ഒരു വിവാഹചടങ്ങിൽ പങ്കടുക്കാനെത്തിയപ്പോഴാണ് യുവാവ് കാണുന്നത്. ഇവിടെ നിന്ന് തട്ടിക്കൊണ്ടുപോയിട്ടായിരുന്നു ക്രൂരകൃത്യമെന്ന് പോലീസ് പറഞ്ഞു. സംഭവവുമായി ബന്ധപ്പെട്ട് യുവതിയുടെ ഭർത്താവിനെയും മറ്റു മൂന്നുപേരെയും പോലീസ് അറസ്റ്റ് ചെയ്തു.

പോലീസ് പറയുന്നതിനനുസരിച്ച് മെയ് 28നാണ് ക്രൂരകൃത്യം നടക്കുന്നത്. വീഡിയോ പുറത്ത് വന്നതോടെയാണ് പോലീസ് കേസെടുത്തതും അറസ്റ്റ് രേഖപ്പെടുത്തിയതും. ദമ്പതികൾക്ക് നാല് മക്കളുണ്ട്. എന്നാൽ ഭർത്താവുമായി പ്രശ്‌നം പതിവായതോടെ ഇവർ ഒന്നരവർഷം മുമ്പ് യുവാവിനെ ഉപേക്ഷിച്ച് താമസം മാറുകയായിരുന്നു. അടുത്തിടെ യുവതിയ്‌ക്കൊപ്പം മറ്റൊരു യുവാവ് താമസം ആരംഭിച്ചിരുന്നു. ഇതാണ് പ്രതിയെ പ്രകോപിപ്പിച്ചതെന്നാണ് കരുതുന്നത്.

യുവതി താമസിച്ച് വരികയായിരുന്ന രാമപുര ഗ്രാമത്തിൽ നിന്നാണ് മറ്റു രണ്ടുപേർക്കൊപ്പം ചേർന്ന് ഇയാൾ ഭാര്യയെ തട്ടിക്കൊണ്ടുപോകുന്നത്. തുടർന്ന് മാർഗല ഗ്രാമത്തിലെത്തിച്ച് ആളുകൾ നോക്കി നിൽക്കെ നഗ്‌നയാക്കി സുഹൃത്തുക്കൾക്കൊപ്പം ചേർന്ന് മർദ്ദിക്കുകയായിരുന്നെന്ന് സുഖ്‌സർ പോലീസ് സ്റ്റേഷൻ ഉദ്യോഗസ്ഥൻ പറഞ്ഞു. ആദിവാസി വിഭാഗത്തിൽപ്പെട്ട യുവതിയാണ് ആക്രമിക്കപ്പെട്ടത്. കുടുംബത്തെ ഉപേക്ഷിച്ച് മെഹ്‌സാന ജില്ലയിലെ ഗ്രാമത്തിൽ കഴിയുകയായിരുന്ന യുവതി കൂലിപ്പണി ചെയ്താണ് ജീവിതം നയിച്ചത്. ഒരു വിവാഹത്തിൽ പങ്കെടുക്കാൻ ഭർത്താവിൻറെ അമ്മ ക്ഷണിച്ചതിന് അനുസരിച്ചാണ് യുവതി രാമപുരയിലെത്തുന്നത്. ഭർത്താവിനെയും ഇവിടേക്ക് ക്ഷണിച്ചിട്ടുണ്ടായിരുന്നു.

സുഹൃത്തുക്കൾക്കൊപ്പമാണ് യുവതിയുടെ ഭർത്താവ് കല്യാണത്തിൽ പങ്കെടുക്കാൻ വന്നത്. ഇവിടെ നിന്ന് ഭാര്യയെ കണ്ടതോടെ കാറിൽ കയറ്റിക്കൊണ്ടുപോവുകയായിരുന്നു. തുടർന്ന് മർഗല ഗ്രാമത്തിലെത്തിച്ച് ആളുകൾ നോക്കി നിൽക്കെ നഗ്‌നയാക്കി മർദ്ദിക്കുകയായിരുന്നു. സംഭവം കണ്ട് നിന്ന ആരോ ഒരാൾ ദൃശ്യങ്ങൾ മൊബൈലിൽ പകർത്തി. ഇത് സോഷ്യൽമീഡിയയിൽ വൈറലായതോടെയാണ് പോലീസ് കേസ് രജിസ്റ്റർ ചെയ്യുന്നത്.

Related News

മണിപ്പൂരില്‍ ക്രൈസ്തവ ദേവാലയങ്ങള്‍ക്ക് തീയിട്ടു; കുക്കി വീടു ...
  • 16/11/2024
ആറ് ദിവസത്തില്‍ മൂന്ന് രാജ്യങ്ങള്‍: മോദി ഇന്ന് നൈജീരിയയിലേക് ...
  • 16/11/2024
മുൻ എസ്പി, ഉന്നത പദവി വാഗ്ദാനം ചെയ്ത് 25 ലക്ഷം തട്ടി; പരാതിയ ...
  • 16/11/2024
3 വര്‍ഷം പ്രണയം; ആളൊഴിഞ്ഞ സ്ഥലത്ത് വെച്ച്‌ കാമുകിയെ ചുംബിച്ച ...
  • 16/11/2024
കൈക്കുഞ്ഞുള്‍പ്പെടെ 2 കുട്ടികളും ഒരു സ്ത്രീയും, അഴുകിയ മൃതദേ ...
  • 16/11/2024
വയനാട് ഉരുള്‍പൊട്ടല്‍ ദുരന്തബാധിതരുടെ കടം എഴുതിത്തള്ളാൻ നിര് ...
  • 16/11/2024
എലിവിഷം വച്ച മുറിയില്‍ കിടന്നുറങ്ങി, 2 കുഞ്ഞുങ്ങള്‍ക്ക് ദാരു ...
  • 15/11/2024
പ്രൈമറി സ്കൂളുകള്‍ അടച്ചിടും, ഡീസല്‍ ബസ് വേണ്ട, നിര്‍മ്മാണ പ ...
  • 15/11/2024
ട്രംപിന്റെ വിജയം: അദാനിയുടെ കണ്ണുകള്‍ യുഎസിലേക്ക്, വൻ നിക്ഷേ ...
  • 14/11/2024
'ഞെട്ടിക്കുന്ന അനീതി, കേന്ദ്ര സര്‍ക്കാര്‍ രാഷ്ട്രീയം കളിക്കു ...
  • 14/11/2024
193 പേരുമായി പറക്കുന്നതിനിടെ യാത്രക്കാരന്റെ സംശയം; ഇന്റിഗോ വ ...
  • 14/11/2024
ജന്‍ജാതീയ ഗൗരവ് ദിവസ് നവംബര്‍ 15ന്; മോദി ഉദ്ഘാടനം ചെയ്യും
  • 13/11/2024