അമ്യൂസ്മെന്റ് പാര്ക്കില് റൈഡ് പൊട്ടി വീണ് അപകടം. നിരവധി പേര്ക്ക് പരിക്കേറ്റതായാണ് പ്രാഥമിക വിവരം. വെമ്പായത്ത് പ്രവര്ത്തിക്കുന്ന ‘ഹാപ്പി ലാന്ഡി’ലാണ് അപകടമുണ്ടായത്. പരിക്കേറ്റവരെ ആശുപത്രിയിലേക്ക് മാറ്റി.
പരിക്കേറ്റവരില് ഒരു കുടുംബത്തിലെ അഞ്ച് പേരും ഉള്പ്പെട്ടിട്ടുണ്ട്. ഇവര് തമിഴ്നാട് സ്വദേശികളാണെന്നാണ് വിവരം. റൈഡിന്റെ വെല്ഡിങ് പൊട്ടിയതാണ് അപകട കാരണം. പതിനഞ്ചോളം പേര് അപകടം സമയം റൈഡില് ഉണ്ടായിരുന്നെന്നും റിപ്പോര്ട്ടുകളുണ്ട്.
അപകടത്തിന് പിന്നാലെ അമ്യൂസ്മെന്റ് പാര്ക്കിന്റെ സുരക്ഷാസംവിധാനങ്ങള് സംബന്ധിച്ച് വ്യാപക വിമര്ശനമാണ് ഉയരുന്നത്. സുരക്ഷാമാനദണ്ഡങ്ങള് പാലിക്കാതെയാണ് പ്രവര്ത്തനമെന്നാണ് വിമര്ശനം. അപകടമുണ്ടായി നാല് മണിക്കൂറോളം രക്ഷാപ്രവര്ത്തനം വൈകിയെന്നും അപകടമുണ്ടായിട്ടും ആളുകളെ ഒഴിപ്പിച്ചില്ലെന്നും നാട്ടുകാര് ആരോപിച്ചു. റൈഡിന്റെ പല ഭാഗങ്ങളും തുരുമ്പെടുത്ത നിലയിലാണ്. പരിക്കേറ്റവരെ മാലിന്യം കൊണ്ടുപോകുന്ന വണ്ടിയിലാണ് ആശുപത്രിയില് എത്തിച്ചതെന്നും ഇവര് പറയുന്നു. നിലവില് ഹാപ്പിലാന്ഡ് പ്രവര്ത്തനം താല്ക്കാലികമായി നിര്ത്തിവെച്ചിരിക്കുകയാണ്.
