എസ്ഡിപിഐ ഇഫ്താർ സംഗമം: തീവ്രവാദ സംഘടനകളുമായി ഇടത്, വലത് സഖ്യമെന്ന് ബിജെപി, എല്ലാം വർഗീയമാക്കുന്നുവെന്ന് മറുപടി

  • 22/03/2024

കോഴിക്കോട്: കോഴിക്കോട്ട് എസ്ഡിപിഐ സംഘടിപ്പിച്ച ഇഫ്താർ സംഗമത്തിൽ എൽഡിഎഫ്, യുഡിഎഫ് സ്ഥാനാർത്ഥികൾ പങ്കെടുത്തതിൽ വിമർശനവുമായി ബിജെപി. തീവ്രവാദ സംഘടനകളുമായി ഇടത്, വലത് മുന്നണികൾ സഖ്യത്തിൽ ആണെന്നായിരുന്നു ബിജെപിയുടെ വിമർശനം. എന്നാൽ നോമ്പുതുറ സംഗമങ്ങളെ പോലും വർഗ്ഗീയമായി ചിത്രീകരിക്കാനാണ് ബിജെപി ശ്രമമെന്ന് ഇരു മുന്നണികളും തിരിച്ചടിച്ചു.

എസ്ഡിപിഐ ഇന്നലെ വൈകീട്ട് കോഴിക്കോട് സംഘടിപ്പിച്ച ഇഫ്താർ വിരുന്നിലാണ് കോഴിക്കോട് മണ്ഡലത്തിലെ എൽഡിഎഫ്, യുഡിഎഫ് സ്ഥാനാർത്ഥികളും നേതാക്കളും പങ്കെടുത്തത്. എം കെ രാഘവനും എളമരം കരീമും എസ്ഡിപിഐ നേതാക്കൾക്കൊപ്പം ഇരിക്കുന്ന ചിത്രങ്ങൾ സമൂഹ മാധ്യമങ്ങളിൽ വലിയ ചർച്ചയുമായി. നിരോധിത സംഘടനയായ പോപ്പുലർ ഫ്രണ്ടിൻറെ രാഷ്ട്രീയ രൂപമായ എസ്ഡിപിഐക്കൊപ്പം ഇരു മുന്നണികളിലെയും സ്ഥാനാർത്ഥികളും നേതാക്കളും എത്തിയത് ഒരു രാഷ്ട്രീയ സഖ്യത്തിൻറെ ഭാഗമെന്നാണ് ബിജെപിയുടെ വിമർശനം.

തീവ്രവാദ സംഘടനയുമായി എൽഡിഎഫും യുഡിഎഫും സഖ്യമുണ്ടാക്കിയിരിക്കുകയാണെന്നും വടകരയിൽ ഈ സഖ്യത്തിൻറെ പിന്തുണ ഷാഫി പറമ്പിലിനും കോഴിക്കോട്ട് എളമരം കരീമിനുമാണെന്നും പി കെ കൃഷ്ണദാസ് ആരോപിച്ചു. എന്നാൽ എല്ലാത്തിനെയും വർഗ്ഗീയമായി കാണുന്ന ബിജെപിയുടെ ആരോപണങ്ങളെ തളളിക്കളയുന്നതായി എൽഡിഎഫും യുഡിഎഫും പ്രതികരിച്ചു. നോമ്പുകാലത്ത് ഇഫ്താർ സംഗമങ്ങളിലേക്ക് എല്ലാ വിഭാഗമാളുകളും ക്ഷണിക്കാറുണ്ട്. അത്തരത്തിലാണ് എസ്ഡിപിഐയുടെ ക്ഷണത്തെയും കണ്ടതെന്നും ഇരു മുന്നണികളും വിശദീകരിച്ചു. 

അതേസമയം ലോക്‌സഭാ തെരഞ്ഞെടുപ്പിൽ എസ്ഡിപിഐ ഇക്കുറി എത്ര മണ്ഡലങ്ങളിൽ മൽസരിക്കും, മൽസരിക്കാത്തയിടങ്ങളിൽ പിന്തുണ ആർക്ക് തുടങ്ങിയ കാര്യങ്ങളിൽ ചർച്ചകൾ സജീവമാണ്. കേരളത്തിലെ 20 മണ്ഡലങ്ങളിലും സ്ഥാനാർത്ഥി ചർച്ച പൂർത്തിയായെന്ന് അറിയിച്ച എസ്ഡിപിഐ, പക്ഷേ എത്രയിടങ്ങളിൽ മൽസരിക്കുമെന്ന് വ്യക്തമാക്കിയിട്ടില്ല. വടകര മണ്ഡലത്തിൽ 2014ൽ 15000ത്തോളം വോട്ടുകളും 2019ൽ അയ്യായിരത്തിലേറെ വോട്ടുകളും എസ്ഡിപിഐ നേടിയിരുന്നു.

Related News

ഡിസിസി ട്രഷറ‍ുടെ മരണം; വി ഡി സതീശൻ എൻ എം വിജയന്‍റെ വീട്ടിലേക ...
  • 12/01/2025
എറണാകുളം അങ്കമാലി അതിരൂപതയില്‍ രാത്രിയിലും സമവായ നീക്കം; വിമ ...
  • 12/01/2025
സംസ്ഥാനത്ത് വീണ്ടും മഴ വരുന്നു, ചക്രവാതച്ചുഴി; ബുധനാഴ്ച മൂന് ...
  • 12/01/2025
കൊല്ലത്ത് യുവാവ് കുത്തേറ്റു മരിച്ചു
  • 12/01/2025
വീട്ടമ്മയെ പീഡിപ്പിച്ചു, നഗ്ന ചിത്രങ്ങള്‍ കാണിച്ച്‌ ഭീഷണിപ്പ ...
  • 12/01/2025
സ്ത്രീകളുടെ അഭിമാനത്തെ ചോദ്യം ചെയ്യുന്ന പ്രവൃത്തി ഉണ്ടായാല്‍ ...
  • 12/01/2025
'നാളെ നിര്‍ണായക പ്രഖ്യാപനം';പത്രസമ്മേളനം വിളിച്ച്‌ അന്‍വര്‍
  • 12/01/2025
ഉരുള്‍പ്പൊട്ടല്‍ ദുരന്തബാധിത കുടുംബാംഗം; വയനാട്ടില്‍ ബിരുദ വ ...
  • 12/01/2025
പത്തനംതിട്ട പീഡനം; അറസ്റ്റിലായവരുടെ എണ്ണം 30 ആയി; പട്ടികയിലു ...
  • 12/01/2025
സംസ്ഥാനത്ത് ഇന്നും നാളെയും ചൂടും കൂടും
  • 11/01/2025
പത്തനംതിട്ട പീഡനം: 13 പേര്‍ കസ്റ്റഡിയില്‍; അന്വേഷണം ജില്ലയ്ക ...
  • 11/01/2025
സിഎംആര്‍എല്‍ മാസപ്പടി കേസില്‍ 185 കോടിയുടെ അഴിമതിയെന്ന് കേന് ...
  • 11/01/2025