ഉറങ്ങുന്ന ദൃശ്യം ചിത്രീകരിച്ച് മേലുദ്യോഗസ്ഥന് അയച്ചു; പ്രവാസിക്ക് ജോലി നഷ്ടമായി

  • 13/10/2025

 


കുവൈത്ത് സിറ്റി: ജോലിസ്ഥലത്ത് വെച്ച് ഫോൺ ദുരുപയോഗം ചെയ്‌തതിലൂടെ തനിക്ക് വ്യക്തിപരവും തൊഴിൽപരവുമായ വലിയ ദോഷം വരുത്തുകയും, ജോലി നഷ്ടപ്പെടാൻ കാരണമാവുകയും ചെയ്‌തതിന് സഹപ്രവർത്തകനെതിരെ ഒരു പ്രവാസി അൽ ഖാഷാനിയ പോലീസ് സ്റ്റേഷനിൽ പരാതി നൽകി. ഈ സംഭവത്തിന് കാരണക്കാരനായ വ്യക്തിക്കെതിരെ നഷ്ടപരിഹാരത്തിനായി കോടതിയെ സമീപിക്കാനും ഇദ്ദേഹം ഉദ്ദേശിക്കുന്നുണ്ട്.

1984ൽ ജനിച്ച പരാതിക്കാരൻ, ജോലി സമയത്ത് താൻ ഉറങ്ങുന്നതിന്‍റെ വീഡിയോ രേഖയാണ് തെളിവായി സമർപ്പിച്ചത്. ഇതേ സ്ഥാപനത്തിൽ ജോലി ചെയ്യുന്ന, തന്‍റെ സഹപൗരനും 1983-ൽ ജനിച്ചയാളുമായ സഹപ്രവർത്തകൻ രഹസ്യമായി തന്‍റെ വീഡിയോ ചിത്രീകരിക്കുകയായിരുന്നുവെന്ന് ഇദ്ദേഹം ആരോപിച്ചു.

സഹപ്രവർത്തകൻ ഈ ദൃശ്യങ്ങൾ നേരിട്ട് തങ്ങളുടെ സൂപ്പർവൈസർക്ക് അയച്ചു കൊടുക്കുകയും, പിന്നീട് വകുപ്പ് തലവന് കൈമാറുകയും ചെയ്തു. സ്ഥിതി കൂടുതൽ വഷളായത്, സൂപ്പർവൈസർ ഇതേ വീഡിയോ പരാതിക്കാരന് തിരിച്ചയച്ചപ്പോഴാണ്. അതോടൊപ്പം, ജോലിയിൽ അശ്രദ്ധ കാണിച്ചു എന്ന് ചൂണ്ടിക്കാട്ടിയുള്ള ഔദ്യോഗിക പിരിച്ചുവിടൽ കത്തും ഉണ്ടായിരുന്നു. താൻ അശ്രദ്ധ കാണിച്ചിട്ടില്ലെന്ന് പ്രവാസി നിഷേധിച്ചു. താൻ വെറും ക്ഷീണിച്ചിരിക്കുകയായിരുന്നെന്നും ഒരല്പനേരം ഉറങ്ങിപ്പോയതാണെന്നും അദ്ദേഹം വിശദീകരിച്ചു. വീഡിയോ ചിത്രീകരിച്ചതും അത് പ്രചരിപ്പിച്ചതും തന്റെ കീർത്തിക്കും കരിയറിനും ദോഷം വരുത്താനുള്ള ഉദ്ദേശ്യത്തോടെയുള്ള ശ്രമമായാണ് ഇദ്ദേഹം വിശേഷിപ്പിച്ചത്.

Related News

ഗൈനക്കോളജിക്കൽ ഓങ്കോളജിയിൽ ചരിത്രം: ലോകത്തിലെ ആദ്യത്തെ വിദൂര ...
  • 13/10/2025
സാൽമി മരുഭൂമിയിൽ ബോംബ് കണ്ടെത്തി
  • 13/10/2025
സേവനങ്ങൾ മെച്ചപ്പെടുത്തുന്നതിനും പൊതുജന പരാതികൾ പരിഹരിക്കുന് ...
  • 13/10/2025
സ്വകാര്യ ഫാർമസികൾക്ക് പുതിയ ലൈസൻസ് മാനദണ്ഡം; 400 മീറ്റർ ദൂരപ ...
  • 13/10/2025
മാലിന്യ സംസ്‌കരണത്തിന് പുതിയ കരാറുകൾ ഉടൻ; ശുചീകരണ തൊഴിലാളികള ...
  • 13/10/2025
യൂറോപ്പിലേക്കുള്ള യാത്രക്കാർക്ക് പുതിയ 'എൻട്രി-എക്സിറ്റ് സിസ ...
  • 12/10/2025
മരുന്നുകൾ ഇനി വെൻഡിംഗ് മെഷീൻ വഴി ; ആരോഗ്യ മന്ത്രാലയം പുതിയ ന ...
  • 12/10/2025
ഹൈസ്കൂളിൽ വിദ്യാർഥികൾ തമ്മിൽ കൂട്ടത്തല്ല്; നിരവധി പേർക്ക് പര ...
  • 12/10/2025
സബാഹ് അൽ-അഹമ്മദ് മാരിടൈം ഏരിയയിൽ വൻ സുരക്ഷാ പരിശോധന, 349 ട്ര ...
  • 12/10/2025
കുവൈത്തിൽ ജല ഉപഭോഗം ഉത്പാദനത്തേക്കാൾ 55 ദശലക്ഷം ഗാലൺ അധികം; ...
  • 12/10/2025
ഫിലിപ്പീൻസ് ഗാര്‍ഹിക തൊഴിലാളികളുടെ കുറഞ്ഞ പ്രതിമാസ വേതനം വർ ...
  • 11/10/2025
വിദൂര റോബോട്ടിക് ശസ്ത്രക്രിയ വിജയകരമായി പൂർത്തിയാക്കി ചരിത്ര ...
  • 11/10/2025