പ്രധാന റോഡുകൾക്ക് ഇനി പേരിനു പകരം നമ്പർ: 591 തെരുവുകളുടെ പേര് റദ്ദാക്കി കുവൈത്ത് മുനിസിപ്പാലിറ്റി

  • 03/11/2025



കുവൈത്ത് സിറ്റി: കുവൈത്തിലെ 591 പ്രധാനപ്പെട്ടതും അപ്രധാനവുമായ തെരുവുകളുടെയും റോഡുകളുടെയും പേരുകൾ റദ്ദാക്കാനും പകരം നമ്പറുകൾ നൽകാനും മുനിസിപ്പൽ കാര്യ സഹമന്ത്രിയും ഭവനകാര്യ സഹമന്ത്രിയുമായ അബ്ദുൾ ലത്തീഫ് അൽ മശാരി അംഗീകാരം നൽകി. ഇതിന് പുറമെ 66 തെരുവുകളുടെയും റോഡുകളുടെയും പേരുകൾ നിലനിർത്താനും 3 തെരുവുകളുടെ പേരുകൾ ഭേദഗതി ചെയ്യാനും തീരുമാനിച്ചു.

തെരുവുകൾക്ക് പേര് നൽകുന്നതിലുള്ള ഏകീകൃത നയം നടപ്പിലാക്കുന്നതിൻ്റെ ഭാഗമായാണ് ഈ നടപടി. ഒക്ടോബർ 19-ന് ചേർന്ന മുനിസിപ്പൽ കൗൺസിലിൻ്റെ അസാധാരണ യോഗത്തിലെ തീരുമാനമാണ് അൽ-മശാരി അംഗീകരിച്ചത്.

തെരുവുകൾ, നഗരങ്ങൾ, പ്രാന്തപ്രദേശങ്ങൾ, പ്രദേശങ്ങൾ, സ്‌ക്വയറുകൾ എന്നിവയ്ക്ക് പേര് നൽകുന്നതുമായി ബന്ധപ്പെട്ട നിർദ്ദേശങ്ങൾ പഠിക്കാനായി 2023-ലെ 558-ാം നമ്പർ മന്ത്രിതല തീരുമാനപ്രകാരം രൂപീകരിച്ച കമ്മിറ്റിയുടെ മിനിറ്റ്‌സ് മുനിസിപ്പൽ കൗൺസിൽ യോഗം അംഗീകരിച്ചിരുന്നു. ഈ കമ്മിറ്റിയുടെ തീരുമാനപ്രകാരമാണ് 591 തെരുവുകളുടെ പേരിന് പകരം നമ്പർ നൽകാനും 66 പേരുകൾ നിലനിർത്താനും തീരുമാനിച്ചത്.

കൂടാതെ, 3 തെരുവുകളുടെ പേരുകൾ അറബ് രാജ്യങ്ങളിലെ നഗരങ്ങളുടെയും തലസ്ഥാനങ്ങളുടെയും പേരുകളാക്കി മാറ്റാനും തീരുമാനിച്ചു. 2025-ലെ 19-ാം നമ്പർ യോഗത്തിൽ മന്ത്രിസഭ സ്വീകരിച്ച 666-ാം നമ്പർ തീരുമാനവുമായി പൊരുത്തപ്പെടുത്തുന്നതിനു വേണ്ടിയാണ് ഈ ഭേദഗതികൾ വരുത്തുന്നത്. യാത്രാ സൗകര്യങ്ങൾ മെച്ചപ്പെടുത്തുന്നതിനും വിലാസം കണ്ടെത്തുന്നത് എളുപ്പമാക്കുന്നതിനും വേണ്ടിയാണ് പേരുകൾക്ക് പകരം നമ്പറുകൾ നൽകാനുള്ള തീരുമാനം കൈക്കൊണ്ടതെന്നാണ് വിലയിരുത്തൽ.

Related News

ജഹ്‌റ പ്രകൃതി സംരക്ഷിത കേന്ദ്രം തുറക്കുന്നു: സന്ദർശകർക്ക് പ് ...
  • 03/11/2025
ഷെയ്ഖ് നാസർ അൽ-മുഹമ്മദിന് ജപ്പാന്റെ പരമോന്നത ബഹുമതി
  • 03/11/2025
കുവൈത്തും യുഎഇയും തമ്മിൽ ഡാറ്റ സുരക്ഷാ ധാരണാപത്രം: സംയുക്ത സ ...
  • 03/11/2025
കുവൈത്തില്‍ ഇന്ത്യന്‍ കമ്മ്യൂണിറ്റിക്ക് വേണ്ടി കെ.റ്റി.യു.എഫ ...
  • 03/11/2025
മെസീല ബീച്ചിൽ 300 കണ്ടൽ തൈകൾ നട്ടു; തീരദേശ പരിസ്ഥിതി പുനരധി ...
  • 03/11/2025
ട്രാഫിക് കോടതി നിർത്തലാക്കി, പുതിയ ഓർഡിനൻസ് പ്രാബല്യത്തിൽ; അ ...
  • 03/11/2025
അംഘര വ്യാവസായിക മേഖലയിൽ വൻ തീപിടുത്തം
  • 03/11/2025
കുവൈത്ത് വിമാനത്താവള വികസനം: മൂന്നാം ഘട്ടം 88 ശതമാനം പൂർത്തി ...
  • 03/11/2025
സ്വകാര്യ മേഖലയിലെ ജോലി സമയം; പുതിയ ഇലക്ട്രോണിക് സംവിധാനം നില ...
  • 03/11/2025
കുവൈറ്റിൽ ഇനി സ്വർണ്ണമോ ആഭരണങ്ങളോ പണം കൊടുത്ത് വാങ്ങാനാകില്ല ...
  • 02/11/2025
ഗൈനെക്കോളജി ഡിപ്പാർട്മെന്റ് വിപുലീകരിച്ച് Medx മെഡിക്കൽ കെയ ...
  • 02/11/2025
വിമാനത്താവളങ്ങളിൽ ഇനി ബയോമെട്രിക് ഇല്ല; യാത്രക്കാർ പോകുന്നതി ...
  • 02/11/2025