കുവൈത്ത് ഉപപ്രധാനമന്ത്രിയുമായി മുഖ്യമന്ത്രി കൂടിക്കാഴ്ച നടത്തി

  • 06/11/2025



കുവൈത്ത് സിറ്റി :> രണ്ട് ദിവസത്തെ സന്ദർശനത്തിനായി കുവൈത്തിലെത്തിയ മുഖ്യമന്ത്രി പിണറായി വിജയനെ കുവൈത്ത് ഊഷ്മളമായി സ്വീകരിച്ചു. കുവൈത്ത് ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹാദ് യൂസഫ് സൗദ് അൽ സബാഹ് അൽ ബയാൻ പാലസിൽ മുഖ്യമന്ത്രിയെ സ്വീകരിച്ച് ചര്‍ച്ചകള്‍ നടത്തി. കുവൈത്ത് ധനകാര്യ മന്ത്രിയും കുവൈത്ത് ഇന്‍വെസ്റ്റ്മെന്റ് അതോറിറ്റി ചെയർമാനുമായ ഡോ. സബീഹ് അൽ മുഖൈസീം കൂടിക്കാഴ്ചയിലുണ്ടായിരുന്നു.

ഇന്ത്യ–കുവൈത്ത് ബന്ധത്തിന്റെ ദൈർഘ്യവും ശക്തിയും യോഗത്തിൽ ഇരുവിഭാഗവും ഉന്നയിച്ചു. കുവൈത്തിന്റെ വികസനരംഗങ്ങളിൽ മലയാളികൾ ഉൾപ്പെടെയുള്ള ഇന്ത്യൻ സമൂഹം നൽകിയ വലിയ സംഭാവനയെ ഷെയ്ഖ് ഫഹാദ് പ്രശംസിച്ചു. കേരളീയ സമൂഹത്തെ പിന്തുണച്ച് കുവൈത്ത് ഭരണകൂടം കാഴ്ചവെക്കുന്ന സൗഹൃദത്തിനും സഹകരണത്തിനും മുഖ്യമന്ത്രി നന്ദി രേഖപ്പെടുത്തി. കേരളത്തിലെ നിക്ഷേപ സൗഹൃദാന്തരീക്ഷവും വികസന മേഖലകളിലെ പ്രോജക്ട് സാധ്യതകളും മുഖ്യമന്ത്രി വിശദീകരിച്ചു.

ചീഫ് സെക്രട്ടറി ഡോ. ജയതിലക് ഐ.എ.എസ്, ലുലു ഗ്രൂപ്പ് ചെയർമാൻ എം.എ. യൂസഫലി എന്നിവരും കൂടിക്കാഴ്ചയിൽ പങ്കെടുത്തു.

കുവൈത്ത് ഇന്‍വെസ്റ്റ്മെന്റ് അതോറിറ്റി ഡയറക്ടർ ബോർഡ് അംഗം ഷെയ്ഖ് മിഷാൽ ജാബർ അൽ അഹ്മദ് അൽ സബാഹുമായും മുഖ്യമന്ത്രി പിന്നീട് കൂടിക്കാഴ്ച നടത്തി. കേരളത്തിലെ നിക്ഷേപ സാധ്യതകൾ വിലയിരുത്തുന്നതിനായി കുവൈത്തിൽ നിന്നും ഒരു ഉന്നത പ്രതിനിധി സംഘം ഉടൻ തന്നെ കേരളം സന്ദർശിക്കുമെന്ന് ഷെയ്ഖ് മിഷാൽ അറിയിച്ചു.

Related News

കുവൈത്തിൽ പുതിയ മെഡിക്കൽ നേട്ടം: രണ്ട് ആശുപത്രികളിൽ നിന്ന് വ ...
  • 05/11/2025
വികസന പദ്ധതികൾ മന്ദഗതിയിൽ: 16 വർഷത്തിനിടെ ചെലവഴിച്ചത് അനുവദി ...
  • 05/11/2025
കുവൈത്ത് അമീർ കപ്പ് ഫൈനൽ ഡിസംബർ 23-ന്; കുവൈത്ത് എസ്.സി - അൽ- ...
  • 05/11/2025
ലെബനനിൽ തട്ടിക്കൊണ്ടുപോയ കുവൈത്തി പൗരനെ സൈന്യം രക്ഷപ്പെടുത്ത ...
  • 05/11/2025
അബ്ദലി അതിർത്തിയിൽ ലെറിക്ക ഗുളികകളുമായി ഇറാഖി വനിത പിടിയിൽ; ...
  • 05/11/2025
കുവൈത്തിലെ ഏറ്റവും വലിയ റെസിഡെൻഷ്യൽ പദ്ധതിയായ അൽ മുത്‌ലാ സിറ ...
  • 05/11/2025
ജലീബ് അൽ ഷുയൂഖിൽ വൻ പരിശോധന: 146 സ്ഥാപനങ്ങൾക്കെതിരെ നടപടി; സ ...
  • 05/11/2025
മുഖ്യമന്ത്രിയെ വരവേൽക്കാൻ കുവൈറ്റ് ഒരുങ്ങി ; ഒരുക്കങ്ങൾ പൂർത ...
  • 05/11/2025
സബാഹ് അൽ-അഹ്മദ് റെസിഡൻഷ്യൽ ഏരിയക്ക് സമീപം വൻ തീപിടിത്തം: ഫയർ ...
  • 05/11/2025
കുവൈത്ത് കടൽ അതിർത്തിയിൽ വൻ മയക്കുമരുന്ന് വേട്ട; 10,000 ഗുളി ...
  • 05/11/2025
ആരോഗ്യ കേന്ദ്രത്തിൽ പരിശോധന, ഗുരുതര നിയമലംഘനങ്ങൾ കണ്ടെത്തി
  • 05/11/2025
തകരാറ് കണ്ടെത്തിയതിനെത്തുടർന്ന് കുവൈറ്റിൽ വിൽപ്പന നിരോധിച്ച ...
  • 05/11/2025