കുവൈത്ത് സിറ്റി : രാജ്യത്ത് നാളെ മുതൽ ബസ് ഗതാഗതം പുനരാരംഭിക്കും. കോവിഡ് പ്രതിരോധത്തിനായി ഏർപ്പെടുത്തിയ നിയന്ത്രണങ്ങൾ നീക്കുന്നതിന്‍റെ ഭാഗമായി നാലാം ഘട്ടം ആരംഭിക്കുന്നതോടെയാണ് ബസ് സർവിസുകൾക്ക് അനുമതി ലഭിച്ചത്. പൊതുഗതാഗതം പുനരാരംഭിക്കാനുള്ള സർക്കാർ മാർഗ്ഗനിർദ്ദേശങ്ങൾ അനുസരിച്ച് ബസിലെ യാത്രക്കാരുടെ ശേഷി 30% കവിയാൻ പാടില്ല. ഡ്രൈവറുടെ സഹായമില്ലാതെ യാത്രക്കാർക്ക് ടിക്കറ്റ് എടുക്കാൻ കഴിയുന്ന തരത്തിൽ ഓട്ടോമാറ്റിക് ടിക്കറ്റ് ഇഷ്യു ചെയ്യാനുള്ള സൗകര്യവും മാർഗ്ഗനിർദ്ദേശങ്ങളിൽ വ്യവസ്ഥ ചെയ്യുന്നുണ്ട്. യാത്രക്കാര്‍ക്ക് മാസ്കും കൈയുറയും നിർബന്ധമാണ്. ഓരോ യാത്രയും ആരംഭിക്കുന്നതിന് മുമ്പുതന്നെ ബസുകള്‍ അണുവിമുക്തമാക്കണം. അതോടപ്പം യാത്രക്കാരുടെ താപനില അളക്കുന്നതിന് ബസുകളില്‍ തെര്‍മോ മീറ്റര്‍ ഘടിപ്പിക്കണമെന്നും ആരോഗ്യ മന്ത്രാലയം വ്യക്തമാക്കി. വൈകീട്ട് 7:00 മണി വരെ പൊതു ബസുകൾ സർവീസ് നടത്താം. സർക്കാറിന് കീഴിലുള്ള കുവൈത്ത് പബ്ലിക് ട്രാൻസ്പോർട്ട് കമ്പനി, സിറ്റി ബസ്, കെ.ജി.എൽ എന്നീ കമ്പനികളാണ് കുവൈത്ത് പൊതുഗതാഗതം നടത്തുന്നത്.മാർച്ച് 12 മുതലാണ് കുവൈത്തിൽ ബസ് സർവിസുകൾക്ക് വിലക്ക് ഏർപ്പെടുത്തിയത്. ബസ് സർവിസ് നിലച്ചതോടെ ശമ്പളത്തേക്കാൾ കൂടുതൽ തുക യാത്രക്ക് ചെലവഴിക്കേണ്ട സ്ഥിതിയിലാണ് കുറഞ്ഞ വരുമാനക്കാരായ തൊഴിലാളികൾ. 250 ഫിൽസ് മാത്രമാണ് ഒരു വശത്തേക്ക് സാധാരണ ദൂരങ്ങളിൽ ബസ് നിരക്ക്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?