യാത്ര നിരോധനം ഏര്‍പ്പെടുത്തിയ രാജ്യങ്ങളില്‍ നിന്നും കുവൈത്തിലേക്ക്​ വരാൻ അനുമതി നല്‍കിയത് പുനപരിശോധിക്കുവാന്‍ നീക്കം; പ്രവാസികള്‍ ആശങ്കയില്‍

  • 09/09/2020


കുവൈത്ത്‌ സിറ്റി : ഇന്ത്യയടക്കമുള്ള യാത്ര വിലക്ക് ഏര്‍പ്പെടുത്തിയ രാജ്യങ്ങളില്‍ നിന്നും യു.എ.ഇ വഴിയും മറ്റും കുവൈത്തിലേക്ക് പ്രവേശിക്കുന്നത് നിയന്ത്രിക്കുവാന്‍ നീക്കമെന്ന് ആരോഗ്യ വകുപ്പിനെ ഉദ്ധരിച്ച് അല്‍ സിയാസ പത്രം റിപ്പോര്‍ട്ട് ചെയ്തു. കഴിഞ്ഞ ദിവസങ്ങളില്‍ വിദേശത്ത്‌ നിന്നും രാജ്യത്തേക്ക്‌ പ്രവേശിച്ച യാത്രക്കാരിൽ റാന്‍ഡം ടെസ്റ്റ് നടത്തിയതില്‍ നിരവധി പേര്‍ക്ക്  കൊറോണ വൈറസ്‌ ബാധ കണ്ടെത്തിയിരുന്നു. 

യാത്രക്കാർക്ക്‌ പി.സി.ആർ. സർട്ടിഫിക്കറ്റ്‌ നിർബന്ധമാക്കിയിട്ടും  രോഗ ബാധ കണ്ടെത്തിയത് ആരോഗ്യ  മന്ത്രാലയം ഏറെ ഗൗരവത്തോട്‌ കൂടിയാണു കാണുന്നത്. നാളെ ചേരുന്ന മന്ത്രിസഭാ യോഗത്തില്‍ ഇത് സംബന്ധമായ തീരുമാനം ഉണ്ടാകുവാന്‍ സാധ്യതയുണ്ടെന്നാണ്  പ്രാദേശിക പത്രങ്ങള്‍ റിപ്പോര്‍ട്ട് ചെയ്യുന്നത്. 

നേരത്തെ  വിലക്കില്ലാത്ത രാജ്യങ്ങളിൽ രണ്ടാഴ്​ച താമസിച്ചതിന്​ ശേഷം പി.സി.ആർ പരിശോധന നടത്തി കുവൈത്തിലേക്ക്​ വരാൻ അനുമതി നല്കിയിരുന്നു.അവധിക്ക്​ പോയി അഞ്ചുമാസത്തിലേറെയായി നാട്ടിൽ കുടുങ്ങിയ മലയാളികള്‍ അടക്കമുള്ള  നൂറ് കണക്കിന്  കുവൈത്ത്​ പ്രവാസികളാണ് ദുബൈ വഴിയും ഖത്തര്‍ വഴിയും കുവൈത്തിലേക്ക് വരുന്നത്. 

സന്ദർശക വിസയും ഇൻഷുറൻസും പ്രഭാത ഭക്ഷണവും  ഉൾപ്പെടുത്തിയ ഹോട്ടൽ ​സൗകര്യവും കോവിഡ്​ പരിശോധനയും എയര്‍ ടിക്കറ്റും  അടക്കം എഴുപത്തിനായിരത്തോളം രൂപയുടെ പാക്കേജുകളാണ് നാട്ടില്‍ ട്രാവല്‍ ഏജന്‍സികള്‍ ഓഫര്‍ ചെയ്യുന്നത്. 

അതിനിടെ പ്രവേശന വിലക്ക്‌ ഏർപ്പെടുത്തിയ 32 രാജ്യങ്ങളുടെ പട്ടിക നാളെ ചേരുന്ന മന്ത്രിസഭ യോഗത്തില്‍ അവലോകനം ചെയ്യുമെന്ന് അധികൃതര്‍ അറിയിച്ചു. ആരോഗ്യ മന്ത്രാലയം നൽകുന്ന റിപ്പോർട്ട്‌ അടിസ്ഥാനമാക്കിയാണു ലിസ്റ്റില്‍  രാജ്യത്തെ ഉൾപ്പെടുത്തണമെന്നോ ഒഴിവാക്കണമെന്നോ തീരുമാനിക്കുകയെന്നാണ് സൂചന. 

Related News

ഈജിപ്ഷ്യൻ തൊഴിലാളികൾക്ക് വർക്ക് പെർമിറ്റ് നൽകുന്നത് നിർത്തിവ ...
  • 24/04/2024
സിവിൽ സർവീസ് കൗൺസിൽ കുവൈത്തിവത്കരണം വേ​ഗത്തിലാക്കുന്നു
  • 24/04/2024
കൈ നിറയെ സമ്മാനങ്ങളുമായി ഗ്രാൻഡ് ഹൈപ്പർ
  • 24/04/2024
ഹവല്ലി, സാൽമിയ മേഖലകളിൽ പരിശോധന; ഒരു സ്റ്റോർ പൂട്ടിച്ചു
  • 24/04/2024
ആറ് ശതമാനത്തിലധികം വളർച്ചാ നിരക്ക് നിലനിർത്തുന്ന ഒരേയൊരു രാജ ...
  • 24/04/2024
സൂചി വച്ച് കുട്ടിയെ കുത്തിയെന്ന പരാതി; സാൽമിയയിൽ സ്കൂൾ ജീവനക ...
  • 24/04/2024
ജലീബ് അൽ ഷുവൈഖിൽ പ്രവാസിയുടെ കൊലപാതകം; മണിക്കൂറുകൾക്കുള്ളിൽ ...
  • 24/04/2024
സോഷ്യൽ മീഡിയ പോസ്റ്റ്; കുവൈത്തിൽ ബ്ലോഗർക്ക് അഞ്ച് വർഷം തടവ്
  • 23/04/2024
കുവൈത്തിൽ താപനില കുതിക്കുന്നതോടെ വൈദ്യുതി ഉപയോ​ഗവും ഉയരുന്നു ...
  • 23/04/2024
മയക്കുമരുന്ന് വാങ്ങിയതിൽ പറ്റിക്കപ്പെട്ടു; വ്യാപാരിക്കെതിരെ ...
  • 23/04/2024
ഭർത്താക്കന്മാരുടെ അവ​ഗണന; വിവാഹമോചനം ആവശ്യപ്പെട്ട് കുവൈത്തിൽ ...
  • 23/04/2024
ഒരാഴ്ചക്കിടെ 26,778 നിയമലംഘനങ്ങൾ കണ്ടെത്തിയതായി ട്രാഫിക്ക് വ ...
  • 23/04/2024