കേരള അസോസിയേഷൻ കുവൈറ്റ്‌ 'നോട്ടം ഹ്രസ്വചിത്ര മേള'ക്ക് തിരശ്ശീല വീണു; പ്രഷർ കുക്കർ മികച്ച ചിത്രം, സുറുമ മികച്ച പ്രവാസി ചിത്രം, മബ്‌റൂക്ക്, ആർദർ മികച്ച പ്രേക്ഷക ചിത്രങ്ങൾ .

  • 03/02/2021


കുവൈത്ത് :  കേരള അസോസിയേഷൻ കുവൈറ്റ്‌ സംഘടിപ്പിച്ച 8 മത്  കണിയാപുരം രാമചന്ദ്രൻ  സ്മാരക അന്താരാഷ്ട്ര ഷോർട്ട് ഫിലിം ഫെസ്റ്റിവൽ നോട്ടം 2021 ൽ ഷെമീജ്കുമാർ കെ കെ സംവിധാനം  പ്രഷർ കുക്കർ  ഗ്രാൻഡ് ജൂറി സിനിമ  പുരസ്കാരം നേടി. കുടുംബം  രക്ഷാകർത്യത്വം, വിദ്യാഭ്യാസ സംവിധാനം എന്നിവയിലേക്ക് വെളിച്ചം വീശിയ ലളിതമായ ആഖ്യാനം ജൂറിയുടെ അംഗീകാരത്തിന് വഴിവച്ചു.

അനിൽ കിഴക്കേടത്ത് സംവിധാനം ചെയ്ത സുറുമ മികച്ച പ്രവാസി ചിത്രം. ടി.കെ. ശരണ്യ ദേവി  സംവിധാനം ചെയ് ത മബ്‌റൂക് , നിഷാദ് കാട്ടൂർ സംവിധാനം ചെയ്ത ആർതർ എന്നിവയാണ് മികച്ച പ്രേക്ഷക ചിത്രത്തിനുള്ള അവാർഡ് നേടിയത്. 2.43 AM എന്ന സിനിമയിലൂടെ  രാജേഷ് കംപ്ല മികച്ച സംവിധായകൻ, ബിയോണ്ട് ദ വാൾ എന്ന സിനിമയിലൂടെ പി.പി. ഷാനനാസ് മികച്ച നടനായി.  മബ്‌റൂക് എന്ന ചിത്രത്തിലൂടെ  ധന്യ രതീശനും 'മായ ഈ മാ യ' എന്ന ചിത്രത്തിലൂടെ ജിപ്സ റോയും മികച്ച നായിക അവാർഡുകൾ  പങ്കിട്ടു.   റഫീക്ക് തായത്ത് ആണ് മികച്ച തിരക്കഥാകൃത്ത് (മബ്‌റൂക്ക് ), സാബു സൂര്യചിത്രയും നൗഷാദ് മംഗലത്തോപ്പും പ്രഷർ കുക്കർ എന്ന സിനിമയിലൂടെ മികച്ച  എഡിറ്റർ അവാർഡ് നേടി. മികച്ച സിനിമാട്ടോഗ്രാഫർ ക്രിസ്റ്റഫർ ദാസ് ( ആർദർ ), രതീഷ് സിവി അമ്മാസ് മികച്ച സൗണ്ട് ഡിസൈനർ ( 2.43) 

മികച്ച ബാലതാരങ്ങൾ - ഷഹ്സാദ്  നിയാസി  ( ലോക്ക് ) അവന്തിക അനുപ് മാങ്ങാട്ട് പ്രഷർ കുക്കർ )വിദ്യാർത്ഥികളുടെ വിഭാഗത്തിൽ മികച്ച സിനിമക്കുള്ള അവാർഡ് സാന്ദ്രാ ബാബു സംവിധാനം ചെയ്ത മൈ ലിറ്റിൽ ഡ്രീംസും, ഋഷി പ്രസീദ് കരുൺ സംവിധാനം ചെയ്ത പടരാനൊരിടം എന്ന സിനിമയും പങ്കിട്ടു. ഷംനാസ് പിപി സംവിധാനം ചെയ്ത ബിയോണ്ട് ദി വാൾ ജൂറിയുടെ പ്രത്യേക പരാമർശവും നേടി. 
 
മൂന്ന് ദിവസങ്ങളിലായി നടന്ന മേളയിൽ  മത്സര വിഭാഗത്തിൽ 29 സിനിമകളും പ്രദർശനം വിഭാഗത്തിൽ മുൻ വർഷങ്ങളിൽ അവാർഡ് നേടിയ സിനിമകളും പ്രദർശിപ്പിച്ചു. നാലാം ദിവസം ജൂറി അവാർഡുകളും പ്രഖ്യാപിച്ചു. നിരവധി തവണ നാഷ്ണൽ അവാർഡുകളും സംസ്ഥാന അവാർഡുകൾ എന്നിവ നേടിയിട്ടുള്ള പ്രശസ്ത സൗണ്ട് ഡിസൈനർ ശ്രീ. ടി കൃഷ്ണനുണ്ണി, ഡോക്യമെന്ററി സംവിധായക, അദ്ധ്യാപിക, പ്രോഗ്രാം പ്രൊഡ്യുസർ വിവിധ ഫെസ്റ്റിവലുകളിൽ ജൂറി അംഗവുമായിട്ടുള്ള ഡോ. ആശ ആച്ചി ജോസഫ്, പ്രശസ്ത സിനിമാ നിരൂപകൻ, പ്രൊഫസർ, എഴുത്തുകാരൻ, സംവിധായകൻ എന്നീ നിലകളിൽ വ്യക്തിമുദ്ര പതിപ്പിച്ച ഡോ സി എസ് വെങ്കിടേശ്വരൻ എന്നിവരായിരുന്നു നോട്ടം 2021 ന്റെ ജൂറി അംഗങ്ങൾ.

കോവിഡ് പശ്ചാത്തലത്തിൽ ഓൺലൈനിൽ നടന്ന മേള ഉത്‌ഘാടനം ചെയ്തത് ബഹുമാനപെട്ട  ഭക്ഷ്യ സിവിൽ വകുപ്പ് മന്ത്രി.  പി തിലോത്തമൻ അവർകൾ ആണ്. ഇന്ത്യൻ കമ്യുണിസ്റ്റ് പാർട്ടി അസി. സെക്രട്ടറി സത്യൻ മൊകേരി ചടങ്ങിൽ പങ്കെടുത്തു. ശ്രീലാൽ മുരളി അധ്യക്ഷൻ ആയ ചടങ്ങിൽ  പ്രവീൺ നന്ദിലത്ത് സ്വാഗതവും മനോജുകുമാർ ഉദയപുരം നന്ദിയും പറഞ്ഞു. സി കെ നൗഷാദ്, സത്താർ കുന്നിൽ, വഹാബ്, ഷാഹിൻ ചിറയിൻകീഴ്  എന്നിവർ ആശംസകൾ അർപ്പിച്ചു. ഫെസ്റ്റിവൽ ഡയറക്ടർ വിനോദ് വലൂപ്പറമ്പിൽ സോവനീർ പ്രകാശനം ചെയ്തു.ഫെസ്റ്റിവലിനെക്കുറിച്ചു സംസാരിച്ചു.ഫെസ്റ്റിവൽ കൺവീനർ മണിക്കുട്ടൻ എടക്കാട്ട്,  മനോജ്‌കുമാർ ഉദയപുരം, ബേബി ഔസെഫ്, ജിജു ചാക്കോ, ഉബൈദ് പള്ളുരുത്തി, ഷാജി രഘുവരൻ, സാബു എം പീറ്റർ, മഞ്ജു മോഹനൻ, ബീന സാബു എന്നിവർ പരിപാടികൾക്ക് നേതൃത്വം നൽകി. ഈ മേളക്ക് മികച്ച രീതിയിൽ ടെക്നിക്കൽ സപ്പോർട്ട് നൽകിയത്  നിതിൻ മ്യൂസിക് ബീറ്റ്‌സ്, ലിഷ്ബാൽ എന്നിവരായിരുന്നു.

WhatsApp Image 2021-02-04 at 12.26.55 AM.jpeg

Related News

ഗിർഗിയാൻ; ചോക്ലേറ്റുകളുടെയും മധുരപലഹാരങ്ങളുടെയും വില കുതിച്ച ...
  • 14/03/2025
ഗിർഗിയാൻ ആഘോഷം; കുട്ടികളുടെ സുരക്ഷ ഉറപ്പാക്കാൻ ഗതാഗത നിയമങ്ങ ...
  • 14/03/2025
ഇമാമുമാർ രാഷ്ട്രീയ വിഷയങ്ങളിൽ ഇടപെടുന്നതിൽ നിന്ന് വിട്ടുനിൽക ...
  • 14/03/2025
കാറിൽ വലിച്ചിഴച്ചു; മൊബൈൽ ഗ്രോസറി സെയിൽസ്മാനായ പ്രവാസിക്ക് ദ ...
  • 14/03/2025
ജലീബ് അൽ ഷുവൈക്ക് - സുലൈബിയ ഫാം പ്രദേശങ്ങളിൽ ജലവിതരണത്തിൽ തട ...
  • 13/03/2025
കുവൈറ്റിലെ ഈദ് അൽ ഫിത്തർ അവധി ദിവസങ്ങൾ പ്രഖ്യാപിച്ചു; മന്ത് ...
  • 13/03/2025
മയക്കുമരുന്ന് കേസിൽ തടവിലാക്കപ്പെട്ട അമേരിക്കക്കാരെ മോചിപ്പി ...
  • 13/03/2025
നിയമം കർശനമായി നടപ്പാക്കണം, മയക്കുമരുന്ന് കച്ചവടക്കാരെ തകർക് ...
  • 13/03/2025
ജോർദാനിയൻ പൗരത്വമുള്ള ഏഴ് വനിതാ യാചകർ അറസ്റ്റിൽ; നാടുകടത്തും ...
  • 13/03/2025
സാമൂഹിക മാധ്യമങ്ങളിൽ വ്യാജ വാർത്ത പ്രചരിപ്പിച്ചതിന് കുവൈത്തി ...
  • 13/03/2025
ഗതാഗത നിയമലംഘനത്തിന് കഴിഞ്ഞ വർഷം 74 പ്രവാസികളെ നാടുകടത്തി
  • 13/03/2025
ഇനി ശൈത്യകാല വസ്ത്രങ്ങൾ മടക്കി വച്ചോളു; ഈ വാരാന്ത്യം മുതൽ താ ...
  • 13/03/2025